ଭୁବନେଶ୍ୱର, ୩ ଜୁଲାଇ ୨୦୨୫
ଇନ୍ଷ୍ଟିଚ୍ୟୁଟ ଅଫ୍ କଷ୍ଟ ଆକାଉଣ୍ଟାଟ୍ସ ଅଫ ଇଣ୍ଡିଆ (ଆଇସିଏମ୍ଏଆଇ) ଭୁବନେଶ୍ୱର ଚାପ୍ଟର ପକ୍ଷରୁ ଜିଏସ୍ଟି ଦିବସ ସିଏମ୍ଏ ଭବନଠାରେ ପାଳିତ ହୋଇଯାଇଛି। ଜିଏସ୍ଟି ଦିବସକୁ ପାଳନ କରିବା ପାଇଁ “ଜିଏସ୍ଟି ଆପିଲେଟ୍ ମେକାନିଜିମ୍-ପ୍ରମୁଖ ଦିଗ ଏବଂ ପ୍ରକ୍ରିୟା” ବିଷୟ ସମ୍ପର୍କୀତ ଏକ ସେମିନାର ଆୟୋଜିତ ହୋଇଥିଲା। ବିଜୟ କୁମାର କର, ଆଇଆର୍ଏସ୍ (ଅବସରପ୍ରାପ୍ତ), କେନ୍ଦ୍ରୀୟ ଜିଏସ୍ଟି, କେନ୍ଦ୍ରୀୟ ଅବକାରୀ ଏବଂ ସୀମା ଶୁଳ୍କ, ଭୁବନେଶ୍ୱର ଅଞ୍ଚଳର ପୂର୍ବତନ ମୁଖ୍ୟ କମିଶନର ମୁଖ୍ୟ ଅତିଥି ଭାବେ ଯୋଗଦେଇ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ତାଙ୍କ ଅଭିଭାଷଣରେ ସେ ଆପିଲେଟ୍ ଚ୍ୟାଲେଞ୍ଜ ଏବଂ ଜିଏସ୍ଟି ଅଧିନରେ ଏକ ସୁଗମ ସମାଧ।।ନ ବ୍ୟବସ୍ଥାର ଆବଶ୍ୟକତା ଉପରେ ବିସ୍ତୃତ ଆଲୋଚନା କରିଥିଲେ। ସିଏମ୍ଏ ନିରଞ୍ଜନ ସ୍ୱାଇଁ , ଚାପ୍ଟର ଏବଂ ଇଆଇଆର୍ସିର ପୂର୍ବତନ ଅଧ୍ୟକ୍ଷ, ଓଡିଶା ଉଚ୍ଚ ନ୍ୟାୟାଳୟର ଓକିଲ ଏବଂ ଟିକସ ପରାମର୍ଶଦାତା ଏହି କାର୍ଯ୍ୟକ୍ରମରେ ଯୋଗଦେଇ ଏହି କାର୍ଯ୍ୟକ୍ରମକୁ ସମ୍ବୋଧିତ କରିଥିଲେ। ସେ କର ଆଇନ୍ ଏବଂ ବ୍ୟବହାରିକ ଅଭିଜ୍ଞତା ବିଷୟରେ ତାଙ୍କର ଗଭୀର ମତାମତ ପ୍ରଦାନ କରିବା ସହିତ ଅଂଶଗ୍ରହଣକାରୀଙ୍କୁ ଜିଏସ୍ଟି ଆପେଲେଟ୍ ପ୍ରକ୍ରିୟାର ବିବରଣୀ ମାଧ୍ୟମରେ ମାର୍ଗଦର୍ଶନ କରିଥିଲେ ଏବଂ ଜିଏସ୍ଟି ଆପେଲେଟ୍ ପ୍ରକ୍ରିୟା ଏବଂ ଡକ୍ୟୁମେଣ୍ଟେସନ ଉପରେ ଅର୍ନ୍ତଦୃଷ୍ଟି ପ୍ରଦାନ କରିଥିଲେ। ଆଇସିଏମ୍ଏଆଇ-ଇଆଇଆର୍ସି ସେକ୍ରେଟାରୀ ସିଏମ୍ଏ ଦାମୋଦର ମିଶ୍ର ଏହି ଅବସରରେ ସ୍ୱତନ୍ତ୍ର ଅତିଥି ଭାବେ ଯୋଗଦେଇ ଏଭଳି ପ୍ରଭାବଶାଳୀ ସେମିନାରର ଆୟୋଜନ ପାଇଁ ଭୁବନେଶ୍ୱର ଚାପ୍ଟରକୁ ପ୍ରଶଂସା କରିଥିଲେ। ସେ ବୃତ୍ତିଗତ ବିକାଶ ଏବଂ ନିରନ୍ତର ଜ୍ଞାନର ଆଦାନପ୍ରଦାନ ପ୍ରତି ପ୍ରତିଷ୍ଠାନର ପ୍ରତିବଦ୍ଧତାକୁ ଦୋହରାଇଥିଲେ। ଚାପ୍ଟରର ଅଧ୍ୟକ୍ଷ ସିଏମ୍ଏ ଶରତ କୁମାର ବେହେରା ସ୍ୱାଗତ ଭାଷଣ ଦେଇଥିଲେ। ଚାପ୍ଟରର ସଚିବ ସିଏମ୍ଏ ସୈାମ୍ୟରଞ୍ଜନ ଜେନା ଧନ୍ୟବାଦ ଅର୍ପଣ କରିଥିଲେ ଏବଂ ପ୍ରଫେସନାଲ ଡେଭଲପ୍ମେଣ୍ଟ କମିଟିର ଅଧ୍ୟକ୍ଷ ସିଏମ୍ଏ ବରଦା ପ୍ରସନ୍ନ ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ। ପରିଚାଳନା କମିଟି ସଦସ୍ୟବୃନ୍ଦ, ପୂର୍ବତନ ଅଧ୍ୟକ୍ଷ, ଚାପ୍ଟରର ବରିଷ୍ଠ ସଦସ୍ୟ ଏବଂ ଛାତ୍ରଛାତ୍ରୀମାନଙ୍କ ସମେତ ୧୦୦ରୂୁ ଉର୍ଦ୍ଧ୍ୱ ଏଥିରେ ସକ୍ରିୟ ଅଂଶଗ୍ରହଣ କରିଥିଲେ। ସମସ୍ତଙ୍କ ସାମୂହିକ ପ୍ରୟାସରେ କାର୍ଯ୍ୟକ୍ରମଟି ସଫଳତାର ସହ ସମ୍ପନ୍ନ ହୋଇଥିଲା।
Post a Comment