ରାଜ୍ୟରେ ଆଇନର ଶାସନ ପରିବର୍ତ୍ତେ ଗୁଣ୍ଡାରାଜର ଶାସନ ଚାଲିଛି – କଂଗ୍ରେସ

ଭୁବନେଶ୍ୱର, ୧ ଜୁଲାଇ ୨୦୨୫

• ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ଅତ୍ୟନ୍ତ ନିମ୍ନ ସ୍ତରକୁ ଚାଲିଯାଇଛି
• ରାଜ୍ୟରେ ଶାସକ ଶ୍ରେଣୀ ବାହୁ ବଳରେ ଶାସନ କରିବାପାଇଁ ଚାହୁଁଛନ୍ତି

ସାରା ଓଡ଼ିଶାରେ ଏବେ ଅରାଜକତା ମାଡ଼ି ଚାଲିଛି। ଆଇନର ଶାସନ ପରିବର୍ତ୍ତେ ବାହୁବଳୀ ମାନଙ୍କ ଶାସନ ଚାଲିଛି। ସମୁଦାୟ ଶାସନ ପ୍ରକ୍ରିୟାକୁ ବିଜେପିକର୍ମୀଙ୍କ ଦ୍ୱାରା ଆୟତ କରିବାପାଇଁ ଦୀର୍ଘ ୧ ବର୍ଷ ଧରି ପୟାସ ଚାଲିଛି। ତାର ଫଳ ସ୍ୱରୂପ ଜଣେ କର୍ତ୍ତବ୍ୟରତ ଭୁବନେଶ୍ୱର ମହାନଗର ନିଗମର ବରିଷ୍ଠ ଓଡ଼ିଶା ପ୍ରଶାସନିକ ଅଧିକାରୀ ଭୁବନେଶ୍ୱର ମହାନଗର ନିଗମର କାର୍ଯ୍ୟାଳୟରେ ଅଭିଯୋଗ ପ୍ରକୋଷ୍ଠରେ ଜନସାଧାରଣଙ୍କ ଅଭିଯୋଗ ଶୁଣୁଥିବା ବେଳେ ୨୯ ନମ୍ବର ୱାର୍ଡର ବିଜେପି କର୍ପୋରେଟର ଓ ୮-୧୦ ଜଣ ବିଜେପି କର୍ମୀ ଆତତାୟୀ ହିସାବରେ ଅଭିଯୋଗ ପ୍ରକୋଷ୍ଠକୁ ଯାଇ ଅଧିକାରୀଙ୍କ ସାମନାରେ ବସି ତାଙ୍କୁ ପଚାରଉଛନ୍ତି ଆମ ଜଗା ଭାଇଙ୍କୁ କ’ଣ କିଛି କହିଲେକି ? ଅଧିକାରୀ ଜଣକ ସେ କିଛି କହିନାହାନ୍ତି ବୋଲି କହିବା ପରେ ମଧ୍ୟ କର୍ପୋରେଟର ଏବଂ ତାଙ୍କ ସହଯୋଗୀ ତାଙ୍କ କଲରକୁ ଭିଡ଼ି ଚେୟାରରୁ ଘୋଷାଡ଼ି ଆଣି ଆଗ ପ୍ରସ୍ତୁତ ଥିବା ଏକ ଗାଡ଼ି ଆଡ଼କୁ ଘୋଷାଡି ଘୋଷାଡି ନେବା ସମୟରେ ତାଙ୍କୁ ଏମାନେ ସମସ୍ତେ ନିର୍ମମ ଅତି ଅମାନୁଷିକ ଭାବେ ମୁହଁକୁ ଗୋଇଠା ମାରିବା, ମୁଥ ମାରିବ ସହିତ ଅସଭ୍ୟ ଭାଷାରେ ଗାଳିଗୁଲଜ କରିବା ସହିତ ଅଫିସ ବାହାରେ ଏକ ଆତଙ୍କ ସୃଷ୍ଟି କରିଥିଲେ। ଏହି ବିଜେପି କର୍ମୀ ଓ ନେତାମାନେ ଏତେ ସାହସ କେଉଁଠାରୁ ପାଇଲେ। ରାଜ୍ୟରେ ଆଇନର ଶାସନ ଚାଲିଛିକି? ମୁଖ୍ୟମନ୍ତ୍ରୀଙ୍କ ହାତରେ ଗୃହ ବିଭାଗ ଅଥଚ ଦଳୀୟ କର୍ପୋରେଟର ଏବଂ କର୍ମୀମାନେ ଜଣେ ବରିଷ୍ଠ ପ୍ରଶାସନିକ ଅଧିକାରୀଙ୍କୁ ମାରୁଛନ୍ତି। ଏ ଘଟଣା କୌଣସି ଅପହଞ୍ଚ ଇଲାକାରେ ଘଟିନାହିଁ ଖୋଦ ରାଜ୍ୟ ରାଜଧାନରେ ଏଭଳି ଘଟଣା ଘଟୁଛି। ଏହା ପୂର୍ବରୁ ବିଭିନ୍ନ ଜିଲ୍ଳାରେ ଜେଇ, ବ୍ଲକ ଅଧିକାରୀ ଓ ଜିଲ୍ଲାସ୍ତରୀୟ ଅଧିକାରୀମାନଙ୍କୁ ମାରୁଛନ୍ତି ଓ ଅଶିଳ ଭାଷାରେ ଗାଳି ଗୁଲଜ କରୁଛନ୍ତି। ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଭକ୍ତ ଚରଣ ଦାସ ଏକ ସାମ୍ବାଦିକ ସମ୍ମିଳନୀରେ ଗତ ସୋମବାର ଦିନ ଭୁବନେଶ୍ୱର ମହାନଗର ନିଗମ କାର୍ଯ୍ୟାଳୟରେ ଯେଉଁ ଅମାନବୀୟ ଓ ଅକଥନୀୟ ଘଟଣା ଘଟିଥଲା ତାହାକୁ ଘୋର ନିନ୍ଦା କରିବା ସହିତ ଏହି ଘଟଣାରେ ସଂପୃକ୍ତ ଥିବା ସମସ୍ତ ବ୍ୟକ୍ତିଙ୍କୁ ତୁରନ୍ତ ଗିରଫ କରିବା ସହିତ ତାଙ୍କ ପଛରେ ଥିବା ମଧ୍ୟ ଭୁବନେଶ୍ୱରର ବିଜେପି ଦଳର ପ୍ରାର୍ଥୀ ଶ୍ରୀ ଜଗନ୍ନାଥ ପ୍ରଧାନଙ୍କୁ ମଧ୍ୟ ଗିରଫ କରାଯାଉ ବୋଲି ସେ ଦାବି କରିଛନ୍ତି। ଜଗନ୍ନାଥ ପ୍ରଧାନ ଜଣେ ନିର୍ବାଚନରେ ହାରିଥିବା ବ୍ୟକ୍ତି। ସେ କେଉଁ ଅଧିକାର ବଳରେ ସମସ୍ତ ସରକାରୀ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଓ ଅନ୍ୟମନ୍ତ୍ରୀ ମାନଙ୍କ ସହିତ କେମିତି ବସୁଛନ୍ତି? ଆଜିର ଯେଉଁ ଘଟଣା ଘଟିଲା ତାହା ହେଉଛି ପ୍ରଶାସନକୁ ବିଜେପିକରଣ କରିବା ଉଦ୍ୟମ ଯୋଗୁଁ। ମୁଖ୍ୟମନ୍ତ୍ରୀ ଏ ଘଟଣା ପାଇଁ ସଂପୂର୍ଣ୍ଣ ଦାୟୀ। ସରକାରୀ କାର୍ଯ୍ୟକ୍ରମରେ ଦଳିୟ ଲୋକମାନଙ୍କୁ ଜିଲ୍ଲା ଠାରୁ ଆରମ୍ଭ କରି ରାଜଧାନୀରେ ମଧ୍ୟ ବସାଯାଉଛି। ପ୍ରଶାସନିକ ଅଧିକାରୀମାନେ ସରକାରୀ କାମ କରୁଛନ୍ତି ତାଙ୍କୁ ଯେଉଁଭଳି ଭାବରେ ମାରପିଟ କରାଯାଉଛି, ଗୁଣ୍ଡାଗିରି କରାଯାଉଛି ଏହାଦ୍ୱାର ପ୍ରଶାସନିକ ବ୍ୟବସ୍ଥା ସଂପୂର୍ଣ୍ଣ ଭୂଷୁଡ଼ି ପଡ଼ିବ। ମୁଖ୍ୟମନ୍ତ୍ରୀ ତୁରନ୍ତ ଏ ଘଟଣା ଉପରେ ତୀକ୍ଷ୍ଣ ନଜର ରଖନ୍ତୁ ଓ ଏମାନଙ୍କ ପ୍ରଛଦପଟରେ ଥିବା ଜଗନ୍ନାଥ ପ୍ରଧାନଙ୍କୁ ଗିରଫ କରିବାପାଇଁ ନିର୍ଦ୍ଦେଶ ଦିଅନ୍ତୁ।

ଗଣତାନ୍ତ୍ରିକ ଉପାୟରେ ଯୁବ କଂଗ୍ରେସର ନେତୃବର୍ଗ ପୁରୀ ଶରଧାବାଲିରେ ତିନିଜଣ ଭକ୍ତଙ୍କର ମୃତ୍ୟୁ ଓ ରଥା ଟଣାର ବିଭ୍ରାଟକୁ ନେଇ ମୁଖ୍ୟମନ୍ତ୍ରୀଙ୍କ ବାସଭବନ ଘେରାଉ କରିବାପାଇଁ ଯାଉଥିଲା ବେଳେ ଭୁବନେଶ୍ୱର କମିଶନରେଟ ପୋଲିସର ଅତିରିକ୍ତ ପୋଲିସ କମିଶନର ଶ୍ରୀଯୁକ୍ତ ନରସିଂହ ଭୋଳ ପୋଲିସ ଦ୍ୱାରା ଦିଆଯାଇଥିବା ତାରବାଡ଼ ପଛପଟେ ଥିବା ଷ୍ଟ୍ରାଇକିଂଫୋର୍ସଙ୍କୁ କହୁଛନ୍ତି ଯେ ଯଦି ବିକ୍ଷୋଭକାରୀ ତାରବାଡ଼ ପାଖକୁ ଆସନ୍ତି ତାଙ୍କୁ ଗୋଡ଼ ଭାଙ୍ଗିଦେବ ଯିଏ ଭାଙ୍ଗି ମୋ ପାଖକୁ ଆସିବ ମୁ ତାକୁ ପୁରସ୍କାର ଦେବି। ଏ ଉକ୍ତି କୌଣସି ପୋଲିସ ଅଧିକାରୀଙ୍କର ହୋଇପାରିବ କି? ସେ ପ୍ରଶ୍ନ କରିଛନ୍ତି। ଏ ଅଧିକାରୀଙ୍କୁ ଏତେ ସାହସ ଦେଲାକିଏ ? ଏ ଅଧିକାରୀଙ୍କର ସମ୍ବିଧାନ ପ୍ରତି ସମ୍ମାନ ନାହିଁ। ସମ୍ବିଧାନ ତାଙ୍କୁ ଚାକିରି ଦେଇଛି କିନ୍ତୁ ସେ ସମ୍ବିଧାନର ନିୟମକୁ ସେ ମାନୁ ନାହାନ୍ତି। ଏହା ତାଙ୍କର ପ୍ରଥମ ଭୁଲ ନୁହଁ। ବିଧାନସଭା ସମୟରେ ପୂର୍ବତନ ବିଧାୟକ ମାନଙ୍କୁ ବିଧାନସଭା ଭିତରକୁ ନ ଛାଡିବା ପାଇଁ ଏହି ବ୍ୟକ୍ତି ପୋଲିସକୁ ନିର୍ଦ୍ଦେଶ ଦେଇଥିଲେ। ପୋଲିସ ବର୍ଦ୍ଦି ପିନ୍ଧି ସମ୍ବିଧାନକୁ ଅସମ୍ମାନ କରିବା ଅକ୍ଷମଣୀୟ ଅପରାଧ। ତୁରନ୍ତ ପୋଲିସ ବର୍ଦ୍ଦି ଉହ୍ଲାଇ ଦେଇ ବିଜେପି ଦଳରେ ଯୋଗଦାନ କରି ରାଜନୀତି କରନ୍ତୁ କିନ୍ତୁ ଚାକିରିରୀରେ ଥାଇ ଏଭଳି ଆଚରଣକୁ କଂଗ୍ରେସ କେବେହେଲେ ବରଦାସ୍ତ କରିବନାହିଁ। ରଥଯାତ୍ରାର ବିଭ୍ରାଟକୁ ନେଇ ପିସିସି ସଭାପତି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। ସେ କହିଛନ୍ତି ଯେ ଏ ସରକାର ରଥାଯାତ୍ରାର ବହୁ ପୂର୍ବରୁ ବିଭିନ୍ନ କମିଟି କରିବା ସହିତ ରଥଯାତ୍ରାକୁ ସୁରୁଖୁରରେ କରିବାପାଇଁ ପ୍ରତିଶ୍ରୁତି ଦେଇଥିଲେ। କିନ୍ତୁ ରଥଯାତ୍ରା ଦିନ ଅବ୍ୟବସ୍ଥା ଚରମସୀମାରେ। ୧୫ ଶହରୁୂ ଅଧିକ ବିଜେପି କର୍ମକର୍ତ୍ତା କଡନ ଭିତରେ କିଭଳି ରହିଲେ ତାଙ୍କୁ ପାସ କିଏ ଦେଲା ? ଅଯଥାରେ ଭିଡ଼ ସୃଷ୍ଟି କରି ସମୁଦାୟ ବିଶୃଙ୍ଖଳା ସେମାନେ ସୃଷ୍ଟି କରିଛନ୍ତି। ଦୀର୍ଘ ୫୩ ବର୍ଷ ଭିତରେ ଏଭଳି ବିଶୃଙ୍ଖଳା କେବେ ଦେଖାଦେଇ ନଥିଲା। ବିଶ୍ୱପ୍ରସିଦ୍ଧ ରଥଯାତ୍ରା ଦେଖିବାପାଇଁ ଓଡ଼ିଶାର କୋଣ ଅନୁକୋଣ ଏବଂ ଦେଶବିଦେଶରେ ଲୋକ ଆସିଥିଲେ କିନ୍ତୁ ମହାପ୍ରଭୁଙ୍କର ରଥ ଗଡ଼ିଲା ନାହିଁ । ଏହାର ଉତ୍ତର ମୁଖ୍ୟମନ୍ତ୍ରୀ ଦିଅନ୍ତୁ। ଖୋଦ ଆଇନମନ୍ତ୍ରୀ, ଉପମୁଖ୍ୟମନ୍ତ୍ରୀ ଅନ୍ୟ ବିଭାଗୀୟ ମନ୍ତ୍ରୀ ଜଗନ୍ନାଥ ମନ୍ଦିରର ମୁଖ୍ୟ ପ୍ରଶାସକ ସମସ୍ତେ ରଥଯାତ୍ରା ପାଇଁ ଦାୟିତ୍ୱରେ ଥିଲେ। କିନ୍ତୁ ସରକାର କେବଳ ଜିଲ୍ଲାପାଳ ଓ ଏସପିଙ୍କ ଉପରେ କାର୍ଯ୍ୟାନୁଷ୍ଠାନ ନେଲେ। ଆଇନମନ୍ତ୍ରୀ, ଉପମୁଖ୍ୟମନ୍ତ୍ରୀ, ଡିଜି ପୋଲିସ ଓ ଅନ୍ୟାନ୍ୟ ବରିଷ୍ଠ ଅଧିକାରୀ ମାନଙ୍କର କ’ଣ କିଛି ଦୋଷ ନାହିଁ, ସେମାନଙ୍କ ଉପରେ କ’ଣ କାର୍ଯ୍ୟାନୁଷ୍ଠାନ ନିଆଗଲା। ତିନିଜଣ ଲୋକ ପ୍ରାଣ ହରାଇଲେ ହଜାର ହଜାର ଲୋକ ଦଳାଚକଟାରେ ଆହତ ହୋଇ ଡାକ୍ତରଖାନାରେ ଚିକିତ୍ସତ ହେଲେ କିନ୍ତୁ ମହାପ୍ରଭୁଙ୍କ ରଥକୁ ଜଣେ ଧନୀ ବ୍ୟବସାୟୀଙ୍କ ଉଦ୍ଦେଶ୍ୟରେ ରୋକି ଦିଆଗଲା। ସେ ଆସିଲେ ରଥ ଟାଣିଲେ। ତାପରେ ରଥ ଗଡ଼ିଲା। ମୁଖ୍ୟମନ୍ତ୍ରୀ ଓ ଅନ୍ୟମନ୍ତ୍ରୀମାନେ ଏହି ଧନିକ ବ୍ୟବସାୟୀଙ୍କ ଉଦ୍ଦେଶ୍ୟକୁ ପୂରଣ କରିବାପାଇଁ ଏହି ବିଶୃଙ୍ଖଳା ସୃଷ୍ଟି କରିଛନ୍ତି ବୋଲି ସେ କହିଛନ୍ତି। ମହାପ୍ରଭୁଙ୍କୁ ଏ ସରକା ଛୋଟ କରିଦେଲେ ଏବଂ ଆଦାନୀକୁ ସର୍ବକ୍ଷମତା ସଂପନ୍ନ ବୋଲି ପ୍ରମାଣିତ କରିଦେଲେ। ଏ ହେଉଛି ଓଡ଼ିଆ ଅସ୍ମିତା କି? ଏହି ଘଟଣାରେ ଉନ୍ନୟନ କମିଶନ କିଭଳି ତଦନ୍ତ କରିବେ। ଜଣେ ଉନ୍ନୟନ କମିସନର କ’ଣ ତାଙ୍କର ବରିଷ୍ଠ ଅଧିକାରୀ, ଆଇନ ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଦୋଷକୁ ଧରିବେକି ନା ତାଙ୍କୁ ଧରିପାରିବେ ନାହିଁ। ସେ ନିଜେ ଜଣେ ରଥ ପରିଚାଳନା କରିବା କମିଟିର ସଦସ୍ୟ ଥିଲେ ତେଣୁ ଜଣେ ଜିଲ୍ଲା ଜର୍ଜଙ୍କ ଅଧ୍ୟକ୍ଷତାର ଏ ଘଟଣାର ତଦନ୍ତ ହେଉ ଏବଂ ତଦନ୍ତ ରିପୋର୍ଟ ଦୁଇ ସପ୍ତାହ ମଧ୍ୟରେ ସରକାର ପ୍ରକାଶ କରନ୍ତୁ। ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ପିସିସି ଉପସଭାପତି ସନ୍ତୋଷ ସିଂ ସାଲୁଜା, ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ବିଶ୍ୱଜିତ ଦାଶ, ସେବାଦଳ ଅଧ୍ୟକ୍ଷ ଶୁଭେନ୍ଦୁ ମହାନ୍ତି ଓ ରଜନୀ ମହାନ୍ତି ଉପସ୍ଥିତ ଥିଲେ।