ଭୁବନେଶ୍ୱର, ୧୦ ଫେବୃୟାରୀ ୨୦୨୬
ଭୁବନେଶ୍ୱର,(ୟୁପିବ୍ୟୁରୋ) : ଭାରତର ଅନ୍ତର୍ଜାତୀୟ ବ୍ୟାଙ୍କ-ବ୍ୟାଙ୍କ ଅଫ୍ ବରୋଦା ପକ୍ଷରୁ ଏହାର କାର ଋଣ ସୁଧ ହାରରେ ତତ୍କାଳ ୦.୩୦ ପ୍ରତିଶତ ହ୍ରାସ କରାଯାଇଛି । ବ୍ୟାଙ୍କର ଫ୍ଲୋଟିଂ ସୁଧ ହାର ଏବେ ବାର୍ଷିକ ୭.୯୦ ପ୍ରତିଶତରୁ ୦.୩୦ ପ୍ରତିଶତ ହ୍ରାସ ପାଇ ୭.୬୦ ପ୍ରତିଶତ ହୋଇଛି। ବ୍ୟାଙ୍କ ପକ୍ଷରୁ ବରୋଦା କାର ଋଣ ଉପରେ ବାର୍ଷିକ ୮.୫୦ ପ୍ରତିଶତରୁ ଆରମ୍ଭ ହେଉଥିବା ଆକର୍ଷଣୀୟ ଫିକ୍ସଡ୍ ସୁଧ ହାର ମଧ୍ୟ ପ୍ରଦାନ କରାଯାଇଛି। ନୂଆ ବାର୍ଷିକ ୭.୬୦ ପ୍ରତିଶତ ସୁଧ ହାର ନୂଆ କାର କ୍ରୟ ଉପରେ ଲାଗୁ ହେବ ଏବଂ ତାହା ଋଣଗ୍ରହୀତାଙ୍କ କ୍ରେଡିଟ୍ ପ୍ରୋଫାଇଲ୍ ସହ ଲିଙ୍କ୍ ହୋଇରହିବ। ସୁଧ ହାରରେ ହ୍ରାସ ସହିତ ବ୍ୟାଙ୍କ ପକ୍ଷରୁ ବ୍ୟକ୍ତିଗତ ରଣଗ୍ରହୀତାଙ୍କୁ ଫ୍ଲୋଟିଂ କାର୍ ରଣ ଉପରେ ଶୂନ ପ୍ରିପେଣ୍ଟେ୍ ଆଂଶିକ ପେମେଣ୍ଟ୍ ଶୁକ୍ଳ ସୁବିଧା ପ୍ରଦାନ କରାଯାଉଛି । ବରୋଦା କାର୍ ଋଣର ଉଭୟ ଫିକ୍ସଡ୍ ଓ ଫ୍ଲୋଟିଂ ହାରକୁ ଦୈନିକ ହ୍ରାସ ପାଉଥିବା ବାଲାନ୍ସ ପଦ୍ଧତିରେ ହିସାବ କରାଯାଉଛି ଯାହା ଦ୍ୱାରା ତାହା ଗ୍ରାହକମାନଙ୍କ ପାଇଁ ଆହୁରି ସୁଲଭ ହୋଇପାରିବ। ଗ୍ରାହକମାନେ ୮୪ ମାସର ବଦ୍ଧିତ ଦେୟ ଅବଧିରୁ ଉପକୃତ ହୋଇପାରିବେ ଯାହା ସେମାନଙ୍କୁ ଉନ୍ନତ ଆର୍ôଥକ ନମନୀୟତା ପ୍ରଦାନ କରିବ। ଏ ସମ୍ପର୍କରେ ବ୍ୟାଙ୍କ ଅଫ୍ ବରୋଦାର କାର୍ଯ୍ୟନିର୍ବାହୀ ନିର୍ଦ୍ଦେଶକ ସଞ୍ଜୟ ଭି ମୂଦାଲିଆର କହିଛନ୍ତି ଯେ, “କାର୍ ଋଣ ସୁଧ ହାରରେ ହ୍ରାସ ବ୍ୟାଙ୍କ ଅଫ୍ ବରୋଦାକୁ ବଜାରରେ ସବୁଠୁ ପ୍ରତିଦ୍ୱନ୍ଦୀ ବ୍ୟାଙ୍କରେ ପରିଣତ କରିଛି ଏବଂ ଗ୍ରାହକମାନଙ୍କୁ ସୁଲଭ ଓ ସେମାନଙ୍କ ପାଖରେ ପହଂଚାଇବା ଉପରେ ଆମର ନିରନ୍ତର ଗୁରୁତ୍ୱକୁ ପ୍ରତିଫଳିତ କରୁଛି । ଗ୍ରାହକ-କୈନ୍ଦ୍ରୀକ, ଡିଜିଟାଲ ସକ୍ଷମ ଫାଇନାନ୍ସ ସମାଧାନ ସହିତ ସାରା ଦେଶରେ କାର ଗ୍ରାହକଙ୍କ ବଢ଼ୁଥିବା ଅଭିଳାଷକୁ ସମର୍ଥନ କରିବା ପାଇଁ ବ୍ୟାଙ୍କ ପ୍ରତିବଦ୍ଧ ରହିଛି।ବ୍ୟାଙ୍କ ଅଫ୍ ବରୋଦାର କାର୍ ଋଣକୁ ଗ୍ରାହକମାନେ ବ୍ୟାଙ୍କର ଡିଜିଟାଲ ଋଣ ପ୍ଲାଟଫର୍ମ ଯାହାକି ବ୍ୟାଙ୍କର ୱେବସାଇଟ୍, ବିଓବି ୱାର୍ଲଡ ଆପରେ କିମ୍ବା ସାରା ଦେଶରେ ଥିବା ବ୍ୟାଙ୍କର ଶାଖା ପରି ଦର୍ଶନ କରି ହାସଲ କରିପାରିବେ।
Post a Comment