ଭୁବନେଶ୍ବର କୁ ବାଲ୍ୟ ବିବାହ ମୁକ୍ତ କରିବା ଉପରେ ଏକ ବଡ ଧରଣର ବୈଠକ ଅନୁଷ୍ଠିତ

ଭୁବନେଶ୍ବର; ସେଣ୍ଟର ଫର ଏଡଭୋକେସୀ ଆଣ୍ଡ ରିସର୍ଚ୍ଚ (ସି.ଏଫ୍.ଏ.ଆର) ଏବଂ ଓଡିଶା ରାଜ୍ୟ ଶିଶୁ ଅଧିକାର ଆୟୋଗ ର ମିଳିତ ଆନୁକୁଲ୍ୟରେ ଭୁବନେଶ୍ବର କୁ ବାଲ୍ୟ ବିବାହ ମୁକ୍ତ କରିବା ଉଦ୍ଦେଶ୍ୟ ରେ ହୋଟେଲ୍ ଏକ୍ସିଲେନ୍ତି (Excellency) ଠାରେ ଏକ ବଡ ଧରଣର ବୈଠକ ଅନୁଷ୍ଠିତ କରାଯାଇଥିଲା । ଏହି ବୈଠକରେ ବହୁ ବରିଷ୍ଠ ଅଧୁକାରୀ ମାନେ ଯୋଗ ଦେଇ ବୈଠକ ଟିକୁ ସାଫଲ୍ୟ ମଣ୍ଡିତ କରିଥିଲେ । ବୈଠକର ପ୍ରାରମ୍ଭରେ ଅତିଥିମାନେ ପ୍ରଦୀପ ପ୍ରଜ୍ବଳନ କରି ବୈଠକ କୁ ଉଦ୍ଘାଟନ କରିଥିଲେ ଏବଂ ପରେ ପରେ ସି.ଏଫ୍.ଏ.ଆର୍ ର କର୍ମକର୍ତ୍ତା ମାନେ ଅତିଥିମାନଙ୍କୁ ଫୁଲ ତୋଡା ଦେବା ସହିତ ଓଡିଶା ରାଜ୍ୟ ଶିଶୁ ଅଧୁକାର ଆୟୋଗର ମାନ୍ୟବର ଅଧ୍ୟକ୍ଷ ଶ୍ରୀମତୀ ସନ୍ଧ୍ୟାବତି ପ୍ରଧାନ ଅତିଥୀ ମାନଙ୍କୁ ଉତରୀୟ ପ୍ରଦାନ  କରି ସ୍ବାଗତ ସମ୍ବର୍ଦ୍ଧନା କରିଥିଲେ । 

ସି.ଏଫ୍.ଏ.ଆର୍ ର କେନ୍ଦ୍ର ସଂଯୋଜକ ଶ୍ରୀ ସୁକାନ୍ତ କୁମାର ସାହୁ ଅତିଥି ମାନଙ୍କର ପରିଚୟ ପ୍ରଦାନ କରିବା ସହିତ ସି.ଏଫ୍.ଏ.ଆର୍ କିଭଳି ସିଙ୍ଗିଲ୍ ୱିଣ୍ଡା ଏବଂ ହେଲ୍ପ ଡେସ୍କ ମାଧ୍ୟମରେ ଭୁବନେଶ୍ବରରେ ବାସ କରୁଥିବା ବସ୍ତି ବାସିନ୍ଦା ମାନଙ୍କର ହକ୍ ବା ଅଧୁକାର ପାଇଁ କାମ କରୁଛି ସେ ବିଷୟରେ ସମ୍ୟକ ସୂଚନା ପ୍ରଦାନ କରିଥିଲେ । ପରିଚୟ ପର୍ବ ପରେ ପରେ ଓଡିଶା ରାଜ୍ୟ ଶିଶୁ ଅଧୁକାର ଆୟୋଗ ର ଅଧ୍ୟକ୍ଷା ଶ୍ରୀମତୀ ସନ୍ଧ୍ୟାବତୀ ପ୍ରଧାନ ବୈଠକରେ ପୌରହିତ କରିବା ସହିତ ଆଗନ୍ତୁକ ଅତିଥି ମାନଙ୍କୁ ସ୍ଵାଗତ କରିଥିଲେ ଏବଂ ବୈଠକର ବିଷୟ ବସ୍ତୁ ସମ୍ପର୍କରେ ସବିଶେଷ ବିବରଣୀ ବଖାଣିବା ଛଳରେ ଶିଶୁ ମାନଙ୍କର ଅକାର ସମାଜରେ କିପରି ଅକ୍ଷୁର୍ଣ୍ଣ ରହିବ ଏବଂ ଶିଶୁମାନେ କିଭଳି ବାଲ୍ୟ ବିବାହ ଏବଂ ଶ୍ରମଭିତିକ କାର୍ଯ୍ୟରୁ ନିବୃତ ରହି ଭଲ ପାଠ ପଢି ସମାଜରେ ଜଣେ ଜଣେ ଉଚ ବ୍ୟକ୍ତିତ୍ବ ଭାବରେ ନିଜକୁ ପ୍ରତିଷ୍ଠିତ କରିପାରିବେ ସେ ବିଷୟରେ ମୂଲ୍ୟବାନ ମତ ପ୍ରକାଶ କରିଥିଲେ ।

ବୈଠକର ସମ୍ମାନୀତ ଅତିଥ ରୁପେ ଶ୍ରୀଯୁକ୍ତ ଘାସିରାମ ପଣ୍ଡା (ଜାତିୟ କାର୍ଯ୍ୟ ପରିଚାଳକ, ଆକ୍ସନ୍ ଏଡ) ନିଜର ଚିତାକର୍ଷକ ଭାଷଣ ମାଧ୍ୟମରେ କହିଥିଲେ କି, ଶିଶୁ ଶ୍ରମିକ, ବିଦ୍ୟାଳୟରେ ଅନୁପସ୍ଥିତ ଏବଂ ସ୍ୱାଧୁନ ଭାବରେ ରହିବାରୁ ବଂଚିତ ହେଉଥିବାରୁ ବସ୍ତି ମାନଙ୍କରେ ଅଧୁକାଂଶ ବାଲ୍ୟ ବିବାହ ନଜିର ଆସୁଛି । ଅନେକ ସଦ୍ୟ ଉଦାହରଣ ମଧ୍ୟ ଦେଇ କହିଥିଲେ କି ଆଧାର କାର୍ଡ ନଥିବାରୁ ଅନେକ ଶିଶୁ ଶିକ୍ଷା ଅଧୁକାର ରୁ ବଂଚିତ ହୋଇ ବାଲ୍ୟ ବିବାହ କରିବା ପାଇଁ ବାଧ୍ୟ ହେଉଛନ୍ତି । ୧୪-୧୮ ବର୍ଷ ବୟସ ର ଶିଶୁ ମାନେ ଅଧୁକାଂଶ କ୍ଷେତ୍ରରେ ବାଲ୍ୟ ବିବାହର ଶିକାର ହେଉଛନ୍ତି ବୋଲି ଶ୍ରୀଯୁକ୍ତ ପଣ୍ଡା କହିଥିଲେ । ଆହୁରି ମଧ୍ୟ ଶ୍ରୀଯୁକ୍ତ ପଣ୍ଡା ଏହି କାର୍ଯ୍ୟକ୍ରମ ମାଧ୍ୟମରେ ଓ.ଏସ୍.ସି.ପି.ସି.ଆର କୁ ଏଭଳି କାର୍ଯ୍ୟକ୍ରମ ପାଇଁ ଧନ୍ୟବାଦ ଦେବା ସହିତ କହିଥିଲେ କି ସି.ଏଫ୍.ଏ.ଆର ଏକ ଅଗ୍ରଣୀ ଜାତୀୟ ସଂଗଠନ ଓ ଏହା ଦ୍ଵାରା ସ୍ଥାପିତ ହୋଇଥିବା “ପ୍ରୟାସ” ସିଙ୍ଗିଲ୍ ୱିଣ୍ଡା ଏବଂ ପ୍ରତ୍ୟେକ ବସ୍ତିରେ ହୋଇ ଥିବା ହେଲ୍ପ ଡେକ୍ସ ମଧ୍ୟ ଏହି ବାଲ୍ୟ ବିବାହ ରୋକିବାରେ ମୂଖ୍ୟ ଭୁମିକା ଗ୍ରହଣ କରିବ ।

ସମ୍ମାନିତ ଶ୍ରୀମତୀ ନେହା ନାଇଡୁ ( ଶିଶୁ ସୂରକ୍ଷା ବିଶେଷଜ୍ଞ-ୟୁନିସେଫ) ତାଙ୍କର ବକ୍ତବ୍ୟ ମାଧ୍ୟମରେ ବାଲ୍ୟ ବିବାହ ମାଧ୍ୟମରେ କିଭଳି ମାତୃ ମୃତ୍ୟୁ ହାର ବୃଦ୍ଧି ପାଉଛି ଏବଂ ସେ ଆହୁରି ମଧ୍ୟ କହିଥିଲେ ଶିଶୁର ପସନ୍ଦ ଏବଂ କଥା କୁ ଶୁଣି ତାକୁ ପ୍ରାଧାନ୍ୟ ଦେଲେ ତା ପ୍ରତି ଥିବା ବାଲ୍ୟ ବିବାହ ଭଳି ବିପଦ କୁ ଏଡ଼ାଯାଇ ପାରିବ । ସି.ଏଫ୍.ଏ.ଆର୍ କୁ ଧନ୍ୟବାଦ ଦେବା ସହିତ ଏଭଳି କାର୍ଯ୍ୟକ୍ରମ ଜାରି ରଖୁବା ପାଇଁ ଆହ୍ବାନ କରିଥିଲେ । ଏହି ପରିପ୍ରେକ୍ଷିରେ ଓ.ଏସ୍.ସି.ପି.ସି.ଆର କୁ ମଧ୍ୟ ଧନ୍ୟବାଦ ଅର୍ପଣ କରିଥିଲେ ।

ମୂଖ୍ୟ ଅତିଥି ରୁପେ ଶ୍ରୀଯୁକ୍ତ ରାଜ କିଶୋର ପାଇକରାୟ (ମାନ୍ୟବର ଅତିରିକ୍ତ ଡି.ସି.ପି, ଭୁବନେଶ୍ବର ) ତାଙ୍କର ଭାଷଣ ମାଧ୍ୟମରେ କହିଥିଲେ କି ବସ୍ତି ସ୍ତରରେ ସଚେତନତା କାର୍ଯ୍ୟକ୍ରମ ଏବଂ ସେବା ପ୍ରଦାନକାରି ବ୍ୟକ୍ତି ବା ଅନୁଷ୍ଠାନ ଗୁଡିକର ବାଲ୍ୟ ବିବାହ ହ୍ରାସ କରିବା ପାଇଁ ଦକ୍ଷତା ବିକାଶ କାର୍ଯ୍ୟକ୍ରମ କରାଗଲେ । ଏହା ବାଲ୍ୟ ବିବାହ ରୋକିବାରେ ପ୍ରମୁଖ ଭୂମିକା ଗ୍ରହଣ କରିବ । ସମ୍ମାନୀତ ଅତିଥି ଶ୍ରୀମତୀ ରାଜର୍ସ ପାଟ୍ଟନାୟକ (ଯୁଗ୍ମ ନିର୍ଦ୍ଦେଶିକା-ଓ.ସେ.ପା) ବାଲ୍ୟ ବିବାହର କାରଣ ଦର୍ଶାଇବାକୁ ଯାଇ କହିଥିଲେ କି, ଦାରିଦ୍ର୍ୟ, ସାମାଜିକ ପୂଣା ହେଉଛି ବାଲ୍ୟ ବିବାହର ପ୍ରମୁଖ କାରଣ । ତେଣୁ କନ୍ୟାର ରତ୍ନର ଜନ୍ମ ନେବା ନିହାତି ଆବଶ୍ୟକ ।

ସମ୍ମାନୀତ ଅତିଥି ଶ୍ରୀମତୀ ବାଣିଶ୍ରୀ ପଟ୍ଟନାୟକ (ଜିଲ୍ଲା ଶିଶୁ ସୁରକ୍ଷା ଅଧୁକାରୀ - ଖୋର୍ଦ୍ଧା) ନିଜର ସାର ଗର୍ଭକ ଭାଷଣ ମାଧ୍ୟମରେ କହିଥିଲେ କି ବାଲ୍ୟ ବିବାହ କୁ ଠିକଣା କରିବା ପାଇଁ ବିଭିନ୍ନ ସାମାଜିକ ସଂଗଠନ, ଅଙ୍ଗନୱାଡି କେନ୍ଦ୍ର ଇତ୍ୟାଦି ର ସହଯୋଗ ନିତାନ୍ତ ଜରୁରୀ । ଓ.ଏସ୍.ସି.ପି.ସି.ଆର ଏବଂ ସି.ଏଫ୍.ଏ.ଆର୍ ର ଏଭଳି ପ୍ରୟାସ ବାଲ୍ୟ ବିବାହ କୁ ରୋକିବା କ୍ଷେତ୍ରରେ ବୈପ୍ଳବିକ ପରିବର୍ତନ ଆଣି ପାରିବ । ଶ୍ରୀଯୁକ୍ତ ବିଜୟ କୁମାର ମିଶ୍ର (ଅତିରିକ୍ତ ଜିଲ୍ଲା ସାମାଜ ମଙ୍ଗଳ ଅଧିକାରୀ) ଭୁବନେଶ୍ବରର ବସ୍ତି ମାନଙ୍କରେ ବାଲ୍ୟ ବିବାହ ବନ୍ଦ କରିବା କ୍ଷେତ୍ରରେ ଓ.ଏସ୍.ସି.ପି.ସି.ଆର ଏବଂ ସି.ଏଫ୍.ଏ.ଆର ଦ୍ଵାରା ନିଆଯାଉଥିବା ପଦକ୍ଷେପ ଅତ୍ୟନ୍ତ ସ୍ବାଗତ ଯୋଗ୍ୟ ଏବଂ ପ୍ରଶଂସନୀୟ ବୋଲି ଦୃଢ ମତ ପୋଷଣ କରିଥିଲେ ।

ମୂଖ୍ୟ ଅତିଥି ଶ୍ରୀଯୁକ୍ତ ଅବନୀ କାନ୍ତ ପଟ୍ଟନାୟକ (ମାନ୍ୟବର ଅତିରିକ୍ତ ଆୟୁକ୍ତ, ବି.ଏମ୍.ସି) ନିଜର ଉର୍ଜସ୍ୱନୀ ଭାଷଣ ମାଧ୍ୟମରେ ବାଲ୍ୟ ବିବାହର ପ୍ରମୁଖ । କାରଣ ଏବଂ ନିରାକରଣ ଗୁଡିକ ଖୁବ ସୁନ୍ଦର ଭାବରେ ବଖାଣି ଥିଲେ । ଭାଷଣରେ କହିଥିଲେ କି, ବସ୍ତି ବାସିନ୍ଦା ଙ୍କର ଆର୍ଥିକ ଅନଗ୍ରସରତା ଏବଂ ଶିକ୍ଷାର ଅଭାବ ହିଁ ହେଉଛି ବାଲ୍ୟ ବିବାହର ପ୍ରମୁଖ କାରଣ । ଏହାର ନିରାକରଣ ପାଇଁ ସରକାରୀ ସ୍ତରରେ ବ୍ୟାପକ ସଚେତନତା କରାଯାଉଛି କିନ୍ତୁ ଆଗାମୀ ଦିନରେ ସି.ଏଫ୍.ଏ.ଆର୍ ଭଳି ଅନ୍ୟ ସାମାଜିକ ସଂଗଠନ ଏବଂ ବ୍ୟକ୍ତିଗତ ସ୍ତରରେ ସଚେତନତା ବଜାୟ ରଖିଲେ ଏହି ସଂକଟରୁ ବସ୍ତି ବାସୀ ଙ୍କୁ ଉଦ୍ଧାର କରାଯାଇ ପାରିବ ବୋଲି ଦୃଢତାର ସହ କହିଥିଲେ ।

ଶ୍ରୀମତୀ ମିକିନା ମହାପାତ୍ର (ରାଜ୍ୟ ସହ ସଂଯୋଜକ-ସି.ଏଫ୍.ଏ.ଆର) ଏହି କାର୍ଯ୍ୟକ୍ରମରେ ସଂଗଠନ ତରଫରୁ ପ୍ରତିନିତ କରିଥିଲେ । ନିଜର ବକ୍ତତା ମାଧ୍ୟମରେ ସି.ଏଫ୍.ଏ.ଆର ଦ୍ବାରା ସ୍ଥାପନ କରାଯାଇଥିବା ପ୍ରୟାସ ସିଙ୍ଗିଲ୍ ୱିଣ୍ଡା ଏବଂ ପ୍ରତ୍ୟେକ ବସ୍ତିରେ ଥିବା ହେଲୁ ଡେସ୍କ ମାଧ୍ୟମରେ କିଭଳି ସରକାରଙ୍କର ବିଭିନ୍ନ ଯୋଜନା ବସ୍ତି ବାସିନ୍ଦା ମାନଙ୍କ ପାଖରେ ସହଜରେ ଏବଂ ସୁବିଧାରେ ପହଂଚା ଯାଇ ପାରୁଛି ଏଥି ସହିତ ବସ୍ତିରେ ଘଟୁଥିବା ବାଲ୍ୟ ବିବାହକୁ କିପରି ସି.ଏଫ୍.ଏ.ଆର୍ ର ହେଡେସ୍କ ସଦସ୍ୟ ମାନେ ଚିହ୍ନଟ କରି ପ୍ରତିହତ କରିବାରେ ସକ୍ଷମ ହୋଇଛନ୍ତି ଏବଂ ହେଉଛନ୍ତି ସେ ବିଷୟରେ ବିସ୍ତୃତ ବିବରଣୀ ପ୍ରଦାନ କରିଥିଲେ । 

ଏତିକି ବେଳେ ଶ୍ରୀମତୀ ପ୍ରଭାସିନି ନାୟକ (ଇଶାନେଶ୍ବର ବସ୍ତି) ଏବଂ ଶ୍ରୀମତୀ ସୁକାନ୍ତ ସାହୁ (ସକଳେଶ୍ବର ବସ୍ତି) ନିଜ ନିଜ ଅଂଚଳର ଘଟିଥିବା ବାଲ୍ୟ ବିବାହ କୁ କିଭଳି ରୋକି ପାରିଥିଲେ ସେ ବିଷୟରେ ନିଜର ଅଭିଜ୍ଞତା ପ୍ରକାଶ କରିଥିଲେ ଯାହା ମଂଚାସୀନ ଅତିଥି ମାନଙ୍କୁ ମନକୁ ବେସ୍ ଛୁଇଁ ପାରିଥିଲା । ପରିଶେଷରେ ଶ୍ରୀମତି ମନ୍ଦାକିନି କର (ମାନୀୟ ସଦସ୍ୟ , ଓ ଏସ୍.ସି.ପି.ସି.ଆର) ବିଭିନ୍ନ ବସ୍ତି ସ୍ତରରେ ଶିଶୁ ଅଧୁକାର କ୍ଷୁର୍ଣ୍ଣ ହେଲା ଭଳି ଯେ କୌଣସି ସମସ୍ୟା ଆସିଲେ ତାଙ୍କର ଦୃଷ୍ଟି ଗୋଚର କରିବାକୁ ଅନୁରୋଧ କରିଥିଲେ ଏବଂ ସେ ସବୁବେଳେ ଶିଶୁମାନଙ୍କର ସୂରକ୍ଷା ପାଇଁ ସେ ଅଛନ୍ତି ବୋଲି ଦୃଢୋକ୍ତି ପ୍ରକାଶ କରିଥିଲେ ଏବଂ ଆଗନ୍ତୁକ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ ।