କେନ୍ଦ୍ରୀୟ ଉତ୍କଳ ସମ୍ମିଳନୀର ୧୧୭ତମ ପ୍ରତିଷ୍ଠା ଦିବସ ପାଳିତ ଏବଂ ସ୍ମୃତିଚାରଣ ସଭା ଅନୁଷ୍ଠିତ

ଭୁବନେଶ୍ବର : ବୁଧବାର ଦିନ ଉତ୍କଳ ସଜ୍ଜିଳନୀର ୧୧୭ତମ ପ୍ରତିଷ୍ଠା ଦିବସ ପାଳନ ଉପଲକ୍ଷେ ଏହାର କେନ୍ଦ୍ରୀୟ କମିଟି ପକ୍ଷରୁ ପୂର୍ବାହ୍ନ ୦୮ଟା ୩୦ମିନିଟ ଠାରୁ ଅପରାହ୍ନ ୦୧ଟା ମଧ୍ୟରେ ଭୁବନେଶ୍ବରରେ ଥିବା ବରପୁତ୍ରମାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ଏବଂ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି। ଏହିକ୍ରମେ ଉତ୍କଳଗୌରବ ମଧୁସୂଦନ ଦାସ, ପଣ୍ଡିତ ଗୋପବନ୍ଧୁ ଦାସ, ଶ୍ରୀରାମଚନ୍ଦ୍ର ଭଞ୍ଜଦେଓ, କୃଷ୍ଣଚନ୍ଦ୍ର ଗଜପତି ନାରାୟଣ ଦେବ ଏବଂ ସାର ବାସୁଦେବ ସୁଢଳ ଦେବଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରଯାଇଥିଲା।

ଏହାପରେ କେନ୍ଦ୍ରୀୟ ସଭାପତି ଶ୍ରୀ ବସନ୍ତ କୁମାର ତ୍ରିପାଠୀଙ୍କ ଅଧ୍ୟକ୍ଷତା ଏବଂ ସାଧାରଣ ସମ୍ପାଦକ ଡା. ରାଧାନାଥ ପ୍ରହରାଜଙ୍କ ପରିଚାଳନାରେ ନୂଆଗାଁଠାରେ ଏକ ସୂମୃତିସଭା ଅନୁଷ୍ଠିତ ହୋଇ ଉତ୍କଳ ସର୍ମିଳନୀର ଗଠନ ଏବଂ ଭାଷାଭିଭିରେ ଓଡ଼ିଶା ରାଜ୍ୟଗଠନରେ ଏହାର ସର୍ବଶ୍ରେଷ୍ଠ ଭୂମିକା ନେଇ ବିଭିନ୍ନ ଦିଗରୁ ଆଲୋଚନା ହୋଇଥିଲା । ଏହି ଆଲୋଚନାରେ ଅଂଶଗ୍ରହଣକାରୀ ବକ୍ତାମାନେ ଆମ ମାତୃଭାଷା ଓଡ଼ିଆର ଦୂରାବସ୍ଥା, ରାଜ୍ୟର ସୀମା ସଙ୍କଟ, ମାଗଣା ଟଙ୍କିକିଆ ଚାଉଳ, ୦୫ଟକିଆ ଭୋଜନ, ଛତା, ଜୋତା ଇତ୍ୟାଦି ଆମର ଗୌରବୋଜ୍ଜଳମୟ ଐତିହର ପରିପନ୍ଥୀ ବୋଲି ମତଦେଇ ଯୁବପିଢୀ ଏହାକୁ ନ ଆପଣାଇବା ପାଇଁ ଆହ୍ବାନ ଦେଇଥିଲେ।

ଆଜିର ଏହି କାର୍ଯ୍ୟକ୍ରମ ଗୁଡିକରେ କୋଭିଡ଼ର ସମସ୍ତ କଟକଣା ପାଳନ କରି ଅନ୍ୟମାନଙ୍କ ମଧ୍ୟରେ ଡ଼. ଗୌରାଙ୍ଗ ପ୍ରସାଦ ବେହେରା, ଇଂ. ସତ୍ୟଜିତ ନାୟକ, ତ୍ରିନାଥ ସାମନ୍ତରାୟ, ଗିରିଜା ଶଙ୍କର ମହାପାତ୍ର, ଯୁଗଳ କିଶୋର ନାୟକ, ସୌଭାଗ୍ୟ ମହାପାତ୍ର, ବୈରାଗୀ ସେଠୀ, ବିଚିତ୍ର କୁମାର ସାହୁ, କାଳନ୍ଦି ନାୟକ, କେଶବ ପାଇଲ, ଦିବାକର ବାରିକ, ଭରତ କୁମାର ଜେନା, ନରେନ୍ଦ୍ର କୁମାର ଲେଙ୍କା ପ୍ରମୁଖ ଯୋଗ ଦେଇଥିଲେ।