ବିଶିଷ୍ଟ ନାରୀନେତ୍ରୀ ସମାଜସେବୀ ନନ୍ଦିନୀ ଶତପଥୀ ସେନସର ବୋର୍ଡ଼ର ସଦସ୍ୟ ଭାବେ ମନୋନୀତ

ଭୁବନେଶ୍ୱର, ବିଶିଷ୍ଟ ନାରୀନେତ୍ରୀ, ସୁପ୍ରସିଦ୍ଧ ଗାୟିକା, କବି ତଥା ସମାଜସେବୀ ନନ୍ଦିନୀ ଶତପଥୀଙ୍କୁ କେନ୍ଦ୍ରୀୟ ଫିଲ୍ମ ପ୍ରମାଣନ ବୋର୍ଡ଼ ସେଣ୍ଟ୍ରାଲ ବୋର୍ଡ ଅଫ ଫିଲ୍ମ ସାର୍ଟିଫିକେଶନ ଉପଦେଷ୍ଟା ମଣ୍ଡଳୀର ସଦସ୍ୟ ଭାବେ ମନୋନୀତ କରାଯାଇଛି । ଏହି ନିଯୁକ୍ତି ପରେ ତାଙ୍କ ଜନ୍ମମାଟି ସାଲେପୁରର ବହୁ ଜନସାଧାରଣ ତାଙ୍କୁ ଶୁଭେଚ୍ଛା ବାର୍ତ୍ତା ପଠାଇଛନ୍ତି । 

ଭାରତ ସରକାରଙ୍କ ସୂଚନା ଓ ପ୍ରସାରଣ ବିଭାଗ ମନ୍ତ୍ରଣାଳୟର ବିଜ୍ଞପ୍ତିକୁ ଆଧାର କରି କେନ୍ଦ୍ରୀୟ ଫିଲ୍ମ ପ୍ରମାଣନ ବୋର୍ଡ଼ କଟକ ଆଞ୍ଚଳିକ ଅଧୁକାରୀ ଗୋପାଳକୃଷ୍ଣ ମହାପାତ୍ର ଶ୍ରୀମତୀ ଶତପଥୀଙ୍କୁ ଏ ସମ୍ପର୍କରେ ଲିଖୁତ ଭାବେ ଅବଗତ କରାଇଛନ୍ତି । ନାରୀନେତ୍ରୀ ନନ୍ଦିନୀ ଶତପଥୀ ଆଗାମୀ ଦୁଇବର୍ଷ ପର୍ଯ୍ୟନ୍ତ ଏହି ପଦରେ ରହିବେ । ନିଜର ଏହି ପଦବୀ ପ୍ରାପ୍ତି ପରେ ସେ ମାନନୀୟ କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ, ବିଜେପି ରାଜ୍ୟ ସଭାପତି ସମୀର ମହାନ୍ତି, କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ, ବିଜେପି ରାଜ୍ୟ ସମ୍ପାଦକ ମାନସ ମହାନ୍ତିଙ୍କୁ ନିଜର କୃତଜ୍ଞତା ଜ୍ଞାପନ କରିଛନ୍ତି ।