ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ ରାୟଗଡ଼ା କ୍ଷେତ୍ରର ନୂତନ କ୍ଷେତ୍ରୀୟ ମୁଖ୍ୟ ଭାବେ ସୁଶାନ୍ତ କୁମାର ଦାସ

ରାୟଗଡ଼ା, ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ ରାୟଗଡ଼ା କ୍ଷେତ୍ରର ନୂତନ କ୍ଷେତ୍ରୀୟ ମୁଖ୍ୟ ଭାବେ ସୁଶାନ୍ତ କୁମାର ଦାସ କାର୍ଯ୍ୟଭାର ଗ୍ରହଣ କରିଛନ୍ତି । କୃଷି ଇଞ୍ଜିନିୟରିଂରେ ବି.ଟେକ୍, ସିଏଆଇଆଇବି ଏବଂ ଫାଇନାନ୍ସରେ ଏମ୍‌ବିଏ କରିଥିବା ଶ୍ରୀ ଦାସ ୟୁନିୟନ୍ ବ୍ୟାଙ୍କରେ ୧୯୯୫ ମସିହାରେ ଜନୈକ ଗ୍ରାମୀଣ ବିକାଶ ଅଧୁକାରୀ ଭାବେ ଯୋଗଦେଇଥିଲେ । ଶ୍ରୀ ଦାସଙ୍କର ମଧ୍ୟପ୍ରଦେଶ, ଛତିଶଗଡ଼, ଓଡ଼ିଶା, ଆସାମ, ଉତ୍ତର ପ୍ରଦେଶ, ବିହାର, ମହାରାଷ୍ଟ୍ର ଆଦି ବିଭିନ୍ନ ସ୍ଥାନରେ କାର୍ଯ୍ୟ କରିବାର ୨୬ ବର୍ଷର ବ୍ୟାପକ ଅଭିଜ୍ଞତା ରହିଛି । 

ତାଙ୍କର ୨୬ ବର୍ଷ କାର୍ଯ୍ୟକାଳ ମଧ୍ୟରେ ସେ ବିଭିନ୍ନ ଶାଖା କାର୍ଯ୍ୟାଳୟରେ ପ୍ରାୟ ୨୨ ବର୍ଷ କାର୍ଯ୍ୟ କରିଛନ୍ତି । ସେ ୨୦୧୯ ମସିହାରେ ସହାୟକ ମହାପ୍ରବନ୍ଧକ ପଦବୀକୁ ପଦୋନ୍ନତି ପାଇଥିଲେ । ରିଟେଲ, କୃଷି, ଏମ୍ଏସ୍ଏମ୍ଇ କ୍ଷେତ୍ରରେ ଅଧୁକ ରୁଚି ରଖିଥିବା ଶ୍ରୀ ଦାସ ରାୟଗଡ଼ା କ୍ଷେତ୍ରରେ ମଧ୍ୟ ଏହି କ୍ଷେତ୍ରରେ ଅଧୁକ ଧ୍ୟାନ ଦେବେ ବୋଲି ଆଶା କରାଯାଉଛି ।