ଶ୍ରୀ ଶ୍ରୀ ବିଶ୍ବବିଦ୍ୟାଳୟର ଅଷ୍ଟମ ସମାବର୍ତ୍ତନ ଉତ୍ସବ ଭର୍ଚୁଆଲ ମୋଡ଼ରେ ଅନୁଷ୍ଠିତ

କଟକ, ସମ୍ପ୍ରତି କୋଭିଡ-୧୯ର ଅଭ୍ୟୁଦୟ ଯୋଗୁଁ ସାଧାରଣ ଜୀବନଚର୍ଯ୍ୟାରେ ଏକ ବିରାଟ ପରିବର୍ତ୍ତନ ଆସିଛି। । ସାମାଜିକ ଦୂରତାର ନିୟମ ଅନୁପାଳନ କରାଯିବାକୁ ଗୁରୁତ୍ବାରୋପ ଦିଆଯାଇ କ୍ଲାସରୁମ ଶିକ୍ଷାକୁ ଏବେ ଅନଲାଇନକୁ ରୂପାନ୍ତରିତ କରାଯାଇଛି। ଶ୍ରୀ ଶ୍ରୀ ବିଶ୍ବବିଦ୍ୟାଳୟ ଏହି ନୂତନ ପରିବର୍ତ୍ତିତ ଧାରାରେ ନିଜକୁ ଅତି ସହଜରେ ଖାପଖୁଆଇ ଆଜି ଡିଜିଟାଲ ଶିକ୍ଷା ପ୍ରଦାନକାରୀ ଶିକ୍ଷାନୁଷ୍ଠାନଙ୍କ ମଧ୍ୟରେ ଏକ ଅଗ୍ରଣୀ ଭୂମିକା ନିର୍ବାହ କରୁଛି। ଏହି ମର୍ମରେ ଶ୍ରୀ ଶ୍ରୀ ବିଶ୍ବବିଦ୍ୟାଳୟ ନିଜ ଅଷ୍ଟମ ସମାବର୍ତ୍ତନ ସମାରୋହ କୁମ ମାଧ୍ୟମରେ ଅନଲାଇନ ମାଧ୍ୟମରେ ସଫଳତା ପୂର୍ବକ ଆୟୋଜନ କରି ଅନ୍ୟମାନଙ୍କ ପାଇଁ ଦିଗଦର୍ଶକ ସାଜିଛି।

ଶ୍ରୀ ଶ୍ରୀ ବିଶ୍ବବିଦ୍ୟାଳୟର ପ୍ରତିଷ୍ଠାତା ତଥା ଆଜୀବନ ସଭାପତି ପୂଜ୍ୟ ଗୁରୁଦେବ ଶ୍ରୀ ଶ୍ରୀ ରବିଶଙ୍କର ଜୀ ଏହି ଭର୍ଜୁଆଲ ସମାରୋହର ପୌରହିତ୍ୟ କରିବା ସହ ଉପସ୍ଥିତ ଅନ୍ୟ ସମସ୍ତଙ୍କୁ ନିଜ ଶୁଭାଶିର୍ବାଦ ପ୍ରଦାନ କରିଥିଲେ। ପ୍ରତିକୂଳ ପରିସ୍ଥିତିରେ ଆତ୍ମବିଶ୍ବାସ ନ ହରାଇ ବରଂ ଏହାକୁ ଏକ ଚ୍ୟାଲେଞ୍ଜ ହିସାବରେ ଗ୍ରହଣ କରି ପରିବର୍ତ୍ତିତ ବାତାବରଣ ସହ ନିଜକୁ ଖାପ ଖୁଆଇ ଚାଲିବାକୁ ପରାମର୍ଶ ଦେଇଥିଲେ। ଶିକ୍ଷା ହେଉଛି ଯେକୌଣସି ସଂସ୍କୃତି ସମ୍ପନ୍ନ ଓ ସଭ୍ୟ ସମାଜର ମେରୁଦଣ୍ଡ ଶ୍ରୀ ଶ୍ରୀ ବିଶ୍ବବିଦ୍ୟାଳୟରେ ପ୍ରଦାନ କରାଯାଉଥିବା ଗୁଣାତ୍ମକ ଓ ଆଦର୍ଶଗତ ସାମାଜିକ ମୂଲ୍ୟବୋଧ ଶିକ୍ଷାକୁ ଆଜି ସମଗ୍ର ବିଶ୍ୱ ସମୁଦାୟ ଅନୁକରଣ କରୁଛି। ସ୍ନାତକ ଅର୍ଥ ହେଉଛି ଗୋଟେ ସ୍ତର ଉପରକୁ ଯିବା ସେ ସମସ୍ତ କୃତୀ ଛାତ୍ରଛାତ୍ରୀ, ଅଭିଭାବକ, ବିଶ୍ଵବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଯଥାକ୍ରମେ ଗୁଣାତ୍ମକ ଶିକ୍ଷା ଗ୍ରହଣ ଓ ପ୍ରଦାନ କରି ଏକ ବାସ୍ତବ ଲକ୍ଷ୍ୟ ହାସଲ ଦିଗରେ ଉଲ୍ଲେଖନୀୟ ଅବଦାନ ରଖୁଥୁବାରୁ ଅଭିନନ୍ଦନ ଜଣାଇଥିଲେ।

୮ ପିଏଚଡି ସମ୍ମାନ ସହ ମୋଟ ୪୯୯ ଜଣ ଛାତ୍ରଛାତ୍ରୀ ଏହି ଶୁଭ ଅବସରରେ ସେମାନଙ୍କ ଡିଗ୍ରୀ ପ୍ରମାଣପତ୍ର ଗ୍ରହଣ କରିଥିଲେ। ସୁଶ୍ରୀ ମନୁଜ ମଦନ, ଶ୍ରୀ ଅନୁଭବ ପଟ୍ଟନାୟକ, ଶ୍ରୀ ପୁନିତ କୁମାର, ଶ୍ରୀ ଅର୍ପଣ ମହାପାତ୍ର, ଶ୍ରୀ କେ.ପି ରାଓ, ସୁଶ୍ରୀ । ତୁଲିକା ବଳ, ଶ୍ରୀ ମଳୟ ମଲ୍ଲ ଏବଂ ଶ୍ରୀ ରାଜେନ୍ଦ୍ର କୁମାର ବେହେରାଙ୍କୁ ମ୍ୟାନେଜମେଣ୍ଟ ଷ୍ଟଡିଜ୍ ଅଧାପନାରେ ପିଏଚଡି ଡିଗ୍ରୀ ପ୍ରଦାନ କରାଯାଇଥିଲା। ଅନୁରୂପ ଭାବେ ବିଭିନ୍ନ ବିଭାଗର ୧୯ ଜଣ ଶ୍ରେଷ୍ଠ କୃତୀ ଛାତ୍ରଛାତ୍ରୀଙ୍କ ସମେତ ଏମବିଏ ପାଠ୍ୟକ୍ରମର ସର୍ବଶ୍ରେଷ୍ଠ ପ୍ରଦର୍ଶନକାରୀଙ୍କୁ ସ୍ବର୍ଣ୍ଣ ପଦକ ପ୍ରଦାନ କରାଯାଇଥିଲା । 

ସେହି ଛାତ୍ରମାନେ ଯଥାକ୍ରମେ - ଶ୍ରୀମତୀ ପିହ୍ନ ଗୁପ୍ତା  (ଏମବିଏର ଶ୍ରେଷ୍ଠ ପ୍ରଦର୍ଶନକାରୀ, ମାନବ ସମ୍ବଳ), ସୁଶ୍ରୀ ଆକାଂକ୍ଷା ମହାନ୍ତି (ଏମବିଏ ମାର୍କେଟିଂ), ଶ୍ରୀମତୀ ଶ୍ରେଷ୍ଠ ଚାଟାର୍ଜୀ (ଏମବିଏ ଫାଇନାନ୍ସ), ଶ୍ରୀ ପାଭାସ ଅଭିଜିତ୍ ବାଲାସାହେବ (ଏମବିଏ ଅପରେସନ୍), ଶ୍ରୀ ସ୍ଵାଧୀନ ମହାନ୍ତି (ଏମବିଏ ଏଗ୍ରିବିଜନେସ୍), ଶ୍ରୀ ଭାଲା ଶିଟାଲ ବାଭକୃଭାଇ (ସ୍ନାତକୋତ୍ତର ଯୋଗିକ ବିଜ୍ଞାନ), ଶ୍ରୀ ଅଭିନ୍ ସାହୁ (ସ୍ନାତକୋତ୍ତର ସାମ୍ବାଦିକତା ଏବଂ ଗଣ ଯୋଗାଯୋଗ), ଶ୍ରୀମତୀ ଅମୃତା ଆଇଯେଙ୍ଗର (ସ୍ନାତକୋତ୍ତର ସଂସ୍କୃତ), ଶ୍ରୀମତୀ ଅପର୍ନ ମିଶ୍ର (ସ୍ନାତକୋତ୍ତର ଇଂରାଜୀ), ଶ୍ରୀ ରୋନାକ କୁମାର ଅଗ୍ରୱାଲ (ସ୍ନାତକୋତ୍ତର ବାଣିଜ୍ୟ), ସୁଶ୍ରୀ ଚେଲସି ସାଲୁଜା (ବିବିଏ), ସୁଶ୍ରୀ ନିବେଦିତା ସୁବୁଧୀ ଏବଂ ସୁଶ୍ରୀ ଅନଶା ପୁଷ୍ଟି (ସ୍ନାତକ ବାଣିଜ୍ୟ), ସୁଶ୍ରୀ ଚୈତନ୍ୟା ତ୍ରିପାଠୀ (ସ୍ନାତକ ଯୋଗ), ସୁଶ୍ରୀ ସାନ୍ତନା ମିଶ୍ର (ସ୍ନାତକ କଳା, ଓଡ଼ିଶୀ), ଶ୍ରୀ ଆଶୁତୋଷ ଦେ (ବିପିଏ- ହିନ୍ଦୁସ୍ତାନୀ ଭୋକାଲ୍), (ସ୍ନାତକ ଭିଜୁଆଲ୍ ଆର୍ଟ), ସୁଶ୍ରୀ ଶତାବ୍ଦୀ । ପ୍ରିୟଦର୍ଶିନୀ ବେହେରା (ସ୍ନାତକ କୃଷି), ସାହାଶ୍ରାବଦୀ ଦାଶ (ସ୍ନାତକ ଇଂରାଜୀ ସମ୍ମାନ), ଶ୍ରୀମତୀ ନେହା କୁମାରୀ ଜୟସ୍ୱାଲ (ସ୍ନାତକ କମ୍ପ୍ୟୁଟର ବିଜ୍ଞାନ) ଓ ସୁଶ୍ରୀ ଆଦ୍ୟାଶା ଜେନା। ଏହି ମହୋତ୍ସବକୁ ଅଧୁକ ସ୍ମରଣୀୟ କରିବା ପାଇଁ ଦେଶର ବିଭିନ୍ନ ସ୍ଥାନରେ ରହୁଥିବା କୃତୀ ଛାତ୍ରଛାତ୍ରୀ ଙ୍କୁ ସ୍ୱର୍ଣ୍ଣ ପଦକ ଏବଂ ଡିଗ୍ରୀ ନିଜ ନିଜ ଘରେ ବିଶ୍ବବିଦ୍ୟାଳୟର ଅଧ୍ୟାପକ/ଅଧ୍ୟାପିକା ମାନଙ୍କ ଦ୍ଵାରା ବିତରଣ କରାଯିବା ।

ପ୍ରାରମ୍ଭରେ ବିଶ୍ଵବିଦ୍ୟାଳୟର କୁଳପତି ପ୍ରଫେସର ଅଜୟ କୁମାର ସିଂ ସ୍ୱାଗତ ଭାଷଣ ଦେବା ସହ ବାର୍ଷିକ ବିବରଣୀ ପାଠ କରିଥିଲେ। ଶ୍ରୀ ଶ୍ରୀ ବିଶ୍ବବିଦ୍ୟାଳୟ ବିଭିନ୍ନ ବିଭାଗରେ ସ୍ଥାପନା କରିଥିବା ନୂତନ କୀର୍ତ୍ତିମାନ ତଥା ପାଇବା ମାନ୍ୟତା ଓ ସମ୍ମାନ ବାବଦରେ ସୂଚନା ଦେଇଥିଲେ ଆଗାମୀ ବର୍ଷ ପାଇଁ ନୂତନ ଭାବେ ସାଇବର ପିସ, ହିନ୍ଦୁ ଷ୍ଟଡିଜ ପାଠ୍ୟକ୍ରମରେ ସାମିଲ ହେବାକୁ ଯାଉଥିବାର ଘୋଷଣା କରିଥିଲେ। ଦୁରଦୃଷ୍ଟି ସମ୍ପନ୍ନ ଚିନ୍ତାଧାରାର ବିକାଶ ସମେତ ସାମାଜିକ ସଚେତନତା ପାଇଁ ବିଶ୍ୱବିଦ୍ୟାଳୟ ପକ୍ଷରୁ ପ୍ରଦାନ କରାଯାଉଥୁବା ସମନ୍ଦିତ ଶିକ୍ଷା ଫଳରେ ଶ୍ରୀ ଶ୍ରୀ ବିଶ୍ବବିଦ୍ୟାଳୟ ଆଜି ଉତ୍କର୍ଷତା ହାସଲ କରି ପାରିଛି ବୋଲି କହିଥିଲେ । ଏହି ଭର୍ଜୁଆଲ ସମାରୋହକୁ ପ୍ରଫେସର ରଜିତା କୁଲକର୍ତ୍ତୀ ଅଧ୍ୟକ୍ଷତା କରି ବିଶ୍ୱବିଦ୍ୟାଳୟ ହାସଲ କରିଥିବା କିଛି । ଅବିଶ୍ୱସନୀୟ ସଫଳତା ବିଷୟରେ ଆଲୋଚନା କରିଥିଲେ। ଜାତୀୟ ଶିକ୍ଷା ନୀତି-୨୦୨୦ କୁ ଲାଗୁ କରିବା ପାଇଁ ବିଶ୍ୱବିଦ୍ୟାଳୟ ନେଇଥିବା ପଦକ୍ଷେପମାନ ଗୁଡିକର ମଧ୍ୟ ଉଲ୍ଲେଖ କରିଥିଲେ। 

ଏହି ଅବସରରେ ଏ ଛାତ୍ରଛାତ୍ରୀ ମାନଙ୍କୁ ନିଜ । ପ୍ରତି ସତ୍ୟ ଭାବନା ବ୍ୟକ୍ତ କରିବାକୁ ପରାମର୍ଶ ଦେଇଥିଲେ। ପ୍ରାରମ୍ଭରେ ଭର୍ଜୁଆଲ ପ୍ରଦୀପ ପ୍ରଜ୍ଜଳନ ଓ ଗୁରୁ ପୂଜା ସହିତ ଏହି ସମାରୋହ ଆରମ୍ଭ ହୋଇଥିବା ବେଳେ କାର୍ଯ୍ୟନିର୍ବାହୀ ରେଜିଷ୍ଟ୍ରାର ପ୍ରଫେସର ବି.ଆର ଶର୍ମା ପରିଶେଷରେ ଧନ୍ୟବାଦ ଅର୍ପଣ କରିଥିଲେ। କଳା ଓ ଗଣଯୋଗାଯୋଗ ବିଭାଗର ଡିନ ରତିକାନ୍ତ ମହାପାତ୍ରଙ୍କ ତତ୍ତ୍ଵାବଧାନରେ ବିଶ୍ୱବିଦ୍ୟାଳୟର ଛାତ୍ରଛାତ୍ରୀ ମାନେ ସରସ୍ବତୀ ବନ୍ଦନା, ବନ୍ଦେ ଉତ୍କଳ ଜନନୀ ଓ ଜାତୀୟ ସଙ୍ଗୀତ ପରିବେଷଣ କରିଥିଲେ । ଅନ୍ୟମାନଙ୍କ ମଧ୍ୟରେ ଶ୍ରୀ ବିନୋଦ ମେନନ, ଇଣ୍ଟରନେସନାଲ ଆର୍ଟ ଅଫ ଲିଭ୍ରଂ ଫାକଲଟି, ଡକ୍ଟର ଆଲଫେଡ଼ ବଲିତଜର, ଏମିସ ପ୍ରଫେସର କ୍ଲାରମେଣ୍ଟ ମ୍ୟାକେନା କଲେଜ, ଇଏନ କୁଏକ, ଦେବ ବରିୟାନି, ପ୍ରତିଷ୍ଠାତା ଅଧକ୍ଷ ବିସ୍ତା ଗୁପ, ଉପଦେଷ୍ଟା ମଣ୍ଡଳୀର ଶ୍ରୀମତି କ୍ରୀଷ୍ଣା ହୁସେଇନାଲି ମଥେହେରା, ପ୍ରତିରକ୍ଷା ମନ୍ତ୍ରୀ ସୁରିନେମ୍, ନନ୍ଦିନୀ ଟଣ୍ଡନ, ପ୍ରତିଷ୍ଠାତା ମୁଖ୍ୟ କାର୍ଯ୍ୟନିର୍ବାହୀ ଅଧୁକାରୀ ଇଣ୍ଡସ ସେତୁ ଗ୍ଲୋବାଲ ଫାଉଣ୍ଡେସନ, ସୁଶ୍ରୀ ପ୍ରିୟା ଟଣ୍ଡନ, ସଭାପତି ଓ ସୁଶ୍ରୀ ରଥୀ ମୃଉଁ ,ସିଟିଓ ତଥା ଅଧ୍ୟକ୍ଷା ଏପିଡ଼ିଆ ସଭିସେସ ପ୍ରମୁଖ ନିଜର ସଦୟ ଉପସ୍ଥିତି ଜାହିର କରିଥିଲେ। ଏହି ଅବସରରେ କୃଷି ବିଜ୍ଞାନରୁ ସ୍ନାତକ ପାସ କରିଥିବା ଶତାବ୍ଦୀ ପ୍ରିୟଦର୍ଶିନୀ ବେହେରା ଗତ ଚାରି ବର୍ଷରେ ସେ ଲାଭ କରିଥିବା ଶିକ୍ଷା ତାଙ୍କ ଜୀବନକୁ ଅଧୁକ ରୁଦ୍ଧିମନ୍ତ କରିଥିବାରୁ କୃତଜ୍ଞତା ବ୍ୟକ୍ତ କରିଥିଲେ ଜଣେ ଛାତ୍ରଙ୍କୁ ସ୍ବର୍ଣ୍ଣ ପଦକ ପ୍ରଦାନ କରିଥିବା ଶ୍ରୀ ପ୍ରବୀଣ କୁମାର ଛାତ୍ରଛାତ୍ରୀ ଓ ଷ୍ଟାଫ ମାନଙ୍କ ଭିତରେ ସୌହାର୍ଦ୍ଧିପୂର୍ଣ୍ଣ ଆବେଗ ଏହି ଭର୍ଜୁଆଲ ସମାରୋହକୁ ଜୀବନ୍ତ କରି ଗଢି ତୋଳୁଥିବା ଦେଖ୍ ଅଭିଭୂତ ହୋଇଥିଲେ