ଭୁବନେଶ୍ୱର ସାହିତ୍ୟ ସମାଜ ଟ୍ରଷ୍ଟ ଅଧବେଶନ ମାନବବାଦ ଜୟଗାନ ହିଁ ଗଚ୍ଛର ମୂଳକଥା

ଭୁବନେଶ୍ୱର, ସମଗ୍ର ବିଶ୍ୱ ସାହିତ୍ୟରେ ଯୁଦ୍ଧ ଓ ପ୍ରେମର ଦୁଇଟି ଧାରା ପ୍ରବାହିତ ହେଉଛି । ନାଟକୀୟତା ସହ ଉତ୍କଣ୍ଠା ଗଳ୍ପର ବିଶେଷ ଉପାଦାନ ହୋଇଥିବାବେଳେ ମାନବବାଦର ଜୟଗାନ ହିଁ ଗଳ୍ପ ମୂଳକଥା ବୋଲି ବିଶିଷ୍ଟ କଥାକାର ରବି ସ୍ଵାଇଁ ମତବ୍ୟକ୍ତ କରିଛନ୍ତି । ଭୁବନେଶ୍ୱର ସାହିତ୍ୟ ସମାଜ ଟ୍ରଷ୍ଟ ଆନୁକୂଲ୍ୟରେ ଆୟୋଜିତ ଏକ ସାରସ୍ଵତ ସମାବେଶରେ ଅତିଥିମାନେ ଶବ୍ଦକୁ ଏକତ୍ର କରି ଭାବର ବିସ୍ତାରରେ କଥାଶିଳ୍ପୀ ଧାନ ଦେଇଥାଏ ବୋଲି ଉଲ୍ଲେଖ କରିଛନ୍ତି ।

କାର୍ଯ୍ୟକ୍ରମରେ ସୀତେଶ ତ୍ରିପାଠୀଙ୍କ ଗଳ୍ପପୁସ୍ତକ ‘ଲୋହିତ ପୃଥିବୀ’ ଅତିଥିମାନଙ୍କ ଦ୍ଵାରା ଲୋକାର୍ପିତ ହୋଇଥିଲା । ଅନୁଷ୍ଠାନର ସଭାପତି ସୂର୍ଯ୍ୟ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ବିଶିଷ୍ଟ କଥାକାର ସତ୍ୟ ମିଶ୍ର, ପରେଶ ପଟ୍ଟନାୟକ ଯୋଗଦେଇ ସମକାଳୀନ ଗଳ୍ପର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ଗାଳ୍ପିକ ଶ୍ରୀ ତ୍ରିପାଠୀ ମଧ୍ୟ ଲେଖକୀୟ ଅଭିବ୍ୟକ୍ତି ରଖୁଥିଲେ । ସୁବ୍ରତ ସେନାପତି ଏ ମାସର କବି’ ଭାବରେ ଯୋଗଦେଇ ସ୍ଵରଚିତ ଲେଖା ପାଠ କରିଥିଲେ । ବିଜନବାଳା ପାଟ୍ଟଯୋଶୀ ଓ ମୌସୁମୀ ଦାସଙ୍କ ମିଳିତ ସଂଯୋଜନାରେ କବିତା ପାଠ ଅନୁଷ୍ଠିତ ହୋଇଥିଲା । 

କାର୍ଯ୍ୟକ୍ରମରେ ଆଭାସ ବରାଳ, କୃଷ୍ଣଚନ୍ଦ୍ର ବଡ଼ପଣ୍ଡା, ଇତିଶ୍ରୀ ପତି, ଶକ୍ତିପ୍ରଭା ମିଶ୍ର, ବିରଞ୍ଚି ଶତପଥୀ, କ୍ଷୀରୋଦ ପରିଡ଼ା, ଡ. ଅଭୟ ନାରାୟଣ ନାୟକ, ମିହିରକାନ୍ତି ଦାସ, ଶୈଳେନ୍ଦ୍ର ଜେନା, ସୁଶାନ୍ତ କିଶୋର ବଳ, ଅନ୍ନପୂର୍ଣ୍ଣା ଭଟ୍ଟ, ଦୁର୍ଗାଚରଣ ଷଡ଼ଙ୍ଗୀ, ଦେବାଶିଷ ମହାପାତ୍ର, ଚିତ୍ରା ମିଶ୍ର, ବିଧୁଭୂଷଣ ତ୍ରିପାଠୀ, ସଂଜୟ ମହାନ୍ତି, ପବିତ୍ର ମୋହନ କର, ଭବାନୀ ଭୂୟାଁ | ଓ ସୁଧୀର ମଉଡ଼ମଣି ପ୍ରମୁଖ ଆଲୋଚନା ତଥା କବିତାପାଠରେ ଅଂଶଗ୍ରହଣ କରିଥିଲେ ।