ପଞ୍ଚାୟତ ନିର୍ବାଚନ ସମୟରେ ଅବକାରୀ ବିଭାର ସ୍ବତନ୍ତ୍ର ଅଭିଯାନକୁ ବଡ ସଫଳତା

ଭୁବନେଶ୍ୱର, ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଯେଭଳି ସୁରୁଖୁରୁରେ ହେବ ଏବଂ ଏହି ସମୟରେ ଯେଭଳି କୌଣସି ପ୍ରକାର ଅବକାରୀ ଅଘଟଣ ନଘଟିବ ସେଥିପାଇଁ ରାଜ୍ୟ ଅବକାରୀ ବିଭାଗ ଜାନୁଆରୀ ୧୧ ତାରିଖରୁ ଫେବୃଆରୀ ୨୪ତାରିଖ ପର୍ଯ୍ୟନ୍ତ ସ୍ବତନ୍ତ୍ର ଅଭିଯାନ ଚଳାଇଥିଲା । ଏହି ଅଭିଯାନରେ ୫୮ ୮ ୭ ଜଣ ବ୍ୟକ୍ତି ଗିରଫ ହୋଇଥିବାବେଳେ ପ୍ରାୟ ୧ ୭କୋଟି ଟଙ୍କାର ଅବକାରୀ ଓ ଅନ୍ୟାନ୍ୟ ସାମଗ୍ରୀ ଜବତ ହୋଇଛି ।

ମିଳିଥିବା ସୂଚନା ଅନୁଯାୟୀ ତ୍ରିସ୍ତରୀୟ ପଞ୍ଚାୟତିରାଜ ର୍ନିବାଚନ ସମୟରେ ଯେଭଳି ବେଆଇନ୍ ନିଶା କାରବାର ଓ ଏ । ସଂକ୍ରାନ୍ତରେ ଅଘଟଣ ନଘଟେ ସେଥିପାଇଁ କଡା ନଜର ରଖାଯାଇଥିଲା । ଜିଲ୍ଲା ସ୍ତରରେ ୨୪ ଘଣ୍ଟିଆ କଣ୍ଟ୍ରାଲରୁମ୍ ଖୋଲା ଯିବା ସହିତ ସୀମାନ୍ତବର୍ତ୍ତୀ ଅଞ୍ଚଳ ଉପରେ କଡା ନଜର ରଖାଯାଇଥିଲା । ବେଆଇନ୍ ନିଶା କାରବାରକୁ ରୋକିବାପାଇଁ ଦିନ ରାତି ଚଢଉ ଜାରି ରହିଥିଲା ।

ନିର୍ବାଚନ ସମୟରେ ଚଳାଯାଇଥିବା ସ୍ବତନ୍ତ୍ର ଧରପଗଡରେ ୫୮ ୮ ୬ ଜଣ ବ୍ୟକ୍ତି ଗିରଫ ହୋଇଥିବାବେଳେ ୭ ୮୧ ୮ଟି ମାମଲା ରୁଜୁ ହୋଇଛି । ଏଥି ସହିତ ୧,୭୭,୬ ୨୫ ଲିଟର କାରଖାନା ପ୍ରସ୍ତୁତ ଦେଶୀମଦ, ୧୯,୪୬, ୮୭ ୮ ଲିଟର ଦେଶୀ ମଦ ପ୍ରସ୍ତୁତ ସାମଗ୍ରୀ, ୫୦୦୧ କିଲୋ ଗଞ୍ଜଇ, ୨ ୬ ୭ ୩ ଗ୍ରାମ ବ୍ରାଉନସୁଗାର, ୫୦ ଲିଟର କଫି ସିରପ, ୩ ୬ ୮୯ ଲିଟର ବିଦେଶୀ ମଦ, ୨୦ ୨୦ ଲିଟର ବିୟର, ୫୯୬୬ ଲିଯର ଦେଶୀ ମଦ, ୪୯୯୬ ଲିଟର ଭାଟି ମଦ, ୧,୦୩, ୨୦୦ ସଂଖ୍ୟକ ନକଲି ଇଏଏଲ, ବିଭିନ୍ନ କମ୍ପାନୀର ୩୬ ହଜାର ନକଲି ଲେବଲ, ୨ ଲକ୍ଷ ନକଲି ଠିପି ଜବତ ହୋଇଥିଲା । ଏଥି ସହିତ ୨୭ ୬ଟି ଦୁଇ ଓ ଚାରିଚକିଆ ଯାନ ବି ଜବତ ହୋଇଥିଲା । ଜବତ ହୋଇଥିବା ଏହି ସମସ୍ତ ସାମଗ୍ରୀର ଆନୁମାନିକ ମୂଲ୍ୟ ୧ କୋଟି ୮୫ଲକ୍ଷ ଟଙ୍କା ହେବ ବୋଲି ଆକଳନ ହୋଇଥିଲା ।

ତେବେ ନିର୍ବାଚନ ସମୟରେ ଚଳାଯାଇଥିବା ସ୍ବତନ୍ତ୍ର ଅଭିଯାନରୁ ଯେଉଁ କେତେକ ସଫଳତା ମିଳିଥିଲା ସେଥି ମଧ୍ୟରେ ବ୍ରହ୍ମପୁର ସହରରୁ ୫୦୦ କିଲୋ ଗଞ୍ଜେଇ ଜବତ ହୋଇଥିଲା ଯାହାର ଆନୁମାନିକ ମୂଲ୍ୟ ପ୍ରାୟ ୪୫ଲକ୍ଷ ଟଙ୍କା ସହିତ । । ସେହିଭଳି ଅବକାରୀ ବିଭାଗର ଅଧିକାରୀମାନେ କୋରାପୁଟ ଠାରେ ଏକ ଟ୍ରକ ଜବତ କରିବା ସହିତ ସେଥିରୁ ୧୦ ୨୪ । କିଲୋ ଗଞ୍ଜେଇ ଧରିଥିଲେ । ସେହିଭଳି ବ୍ରହ୍ମପୁରରୁ ଆଉ ୧୧୦୦ କିଲୋ ଗଞ୍ଜେଇ ଧରାପଡିଥିଲା ଯାହାର ଆନୁମାନିକ ମୂଲ୍ୟ ୫୫ଲକ୍ଷ ଟଙ୍କା ଆକଳନ କରାଯାଇଛି । ଅବକାରୀ ବିଭାଗର ଅଧିକାରୀମାନେ ଗତମାସ ୧୭ ତାରିଖରେ । ବାଲେଶ୍ବରରୁ ୮୦୦ ଲିଟର ଦେଶୀମଦ ଜବତ କରିଥିବାବେଳେ ବ୍ରହ୍ମପୁର ଅବକାରୀ ବିଭାଗ ଗୋଟିଏ ମହିନ୍ଦ୍ରାଗାଡିକୁ ଧରିବା ସହିତ ସେଥିରୁ ୯୩୦ କିଲୋ ଗଞ୍ଜେଇ ଜବତ କରିଥିଲେ । ଏହାର ମୂଲ୍ୟ ପ୍ରାୟ ୯ଲକ୍ଷ ୩୦ ହଜାର ଟଙ୍କା ।

ସେହିଭଳି କଟକ ଅବକାରୀ ବିଭାଗ ଗତମାସ ୨୩ତାରିଖ ଦିନ ଯାଜପୁରରୁ ୩ ୬ ଲିଟର ନକଲି ବିଦେଶୀ ମଜଦ କରିଥିବାବେଳେ ଢେଙ୍କାନାଳ ଅବକାରୀ ବିଭାଗ ୮୪ଲିଟର ନକଲି ବିଦେଶୀ ମଦ ଧରିଥିଲେ । ଜାନୁଆରୀ ୩୦ ତାରିଖରେ ରାଜ୍ୟ ସ୍ତରୀୟ ଅବକାରୀ ଫ୍ଲାଇଙ୍ଗ ସ୍ନାଜ୍ ଯାଜପୁର ଜିଲ୍ଲାରୁ ୫୫୩ ବୋତଲ ନକଲି ବିଦେଶୀ ମଦ ସହିତ ଏହାକୁ ନେଉଥିବା ଗୋଟିଏ ଇକୋସୋର୍ଟସ କାର୍ ଜବତ କରିଥିଲେ ।

ଭଦ୍ରକ ଜିଲ୍ଲା ଅବକାରୀ ଅଧିକାରୀମାନେ ଫେବୃଆରୀ ୩ତାରିଖ ଦିନ ୬୫ଲିଟର ଜିଞ୍ଜର ଜବତ ସହିତ ୨ ଜଣଙ୍କୁ ଗିରଫ କରିଥିଲେ । ସେହିଭଳି ବରଗଡ ଜିଲ୍ଲାରୁ ୧ ୩ଲିଟର ମୃତ୍ୟୁ ସଞ୍ଜିବନୀ ସୁଭା ଜବତ ହୋଥିଲା । ଅନୁଗଗୁଳ ଅବକାରୀ । କପକ୍ଷ ଜିଲ୍ଲାରୁ ୨ ଲକ୍ଷ ନକଲି ଠିପି, ୯୬ ହଜାର ନକଲି ଅବକାରୀ ଲୋଗୋ ଏବଂ ୧୨୦୦ ଟି ବିଭିନ୍ନ ମଦ କମ୍ପାନୀର ଲେବୁଲ ଜବତ କରିଥିଲେ । ଏହି ସମସ୍ତ ସାମଗ୍ରୀ ଅନୁଗୁଳ ଥାନା ଅନ୍ତର୍ଗତ ରାଣିଗୁଡାରୁ ଜବତ ହୋଇଥିଲା । ଫେବୃଆରୀ ୬ତାରିଖରେ ଅବକାରୀ ବିଭାଗକୁ ବଡ ସଫଳତା ମିଳିଥିଲା । 

ସେହିଭଳି ନୟାଗଡରୁ ୩୫୦ ବୋତଲ ନକଲି ବିଦେଶୀ । ମଦ, ୧୫୦ ଲିଟର ସ୍ପିରିଟ୍, ୩୦ ଲିଟର ନକଲି ବିଦେଶୀ ମଦ ପ୍ରସ୍ତୁତ ସାମଗ୍ରୀ, ୧୦୦୦ଟି ଖାଲି ବୋତଲ ୨୦ହଜାର । ବିଭିନ୍ନ ବିଦେଶୀ ମଦ କମ୍ପାନୀର ଲେବୁଲ, ୪୦୦୦ ନୂଆ ଠିପି ସମେତ କେତେ ଗାଡିମୋଟର ଜବତ ହୋଇଥିଲା । ପଞ୍ଚାୟତ ନିର୍ବାଚନରେ ଯେଭଳି ବେଆଇନ୍ ନିଶା କାରବାର ସଂକ୍ରନ୍ତୀୟ କୌଣସି ପ୍ରକାର ଅଘଟଣ ନଘଟେ ସେଥିପାଇଁ କ୍ଷେତ୍ରସ୍ତରୀୟ ଅଧିକାରୀମାନଙ୍କୁ କଡ଼ା ନିର୍ଦ୍ଦେଶ ଦିଆଯାଇଥିଲା । 

ଅବକାରୀ କମିଶନର ଆଶିଷ ସିଂହ ଏ ନେଇ ନିୟମିତ ସମୀକ୍ଷା କରିବା ସହିତ ସୀମାନ୍ତବର୍ତ୍ତୀ ଇଲାକା ଉପରେ ନଜର ରଖୁବାପାଇଁ କଡ଼ା ନିର୍ଦ୍ଦେଶ ଦେଇଥିଲେ । କ୍ଷେତ୍ର ସ୍ତରୀୟ ଅଧୁକାରୀ ସକ୍ରିୟତା ଯୋଗୁଁ ଏହି ସ୍ୱତନ୍ତ୍ର ଅଭିଯାନ ସମୟରେ ବିଭାଗକୁ ବଡ ସଫଳତା ମିଳିଥିବାବେଳେ ରାଜ୍ୟର କୌଣସି ଗୋଟିଏ ହେଲେ ସ୍ଥାନରେ ବେଆଇନ୍ ନିଶା କାରବାରକୁ ନେଇ କୌଣସି ଅଘଟଣ ଘଟିନାହିଁ ।