ଭୁବନେଶ୍ବରରେ ବିଶିଷ୍ଟ ଆର୍ଯ୍ୟ ସନ୍ୟାସୀ ତଥା ବିଶ୍ୱ ଆର୍ଯ୍ୟ ସମାଜର ସଭାପତି ସ୍ବାମୀ ଆର୍ଯ୍ୟବେଶ

ଭୁବନେଶ୍ୱର, ଭାରତବର୍ଷର ବିଶିଷ୍ଟ ଆର୍ଯ୍ୟ ସନ୍ୟାସୀ ତଥା ବିଶ୍ୱ ଆର୍ଯ୍ୟ ସମାଜର ସଭାପତି ସ୍ବାମୀ ଆର୍ଯ୍ୟବେଶ ଆଜି ସନ୍ଧ୍ୟାରେ ବିମାନ ଯୋଗେ ଭୁବନେଶ୍ବରଠାରେ ପହଞ୍ଚିଛନ୍ତି । ଆସନ୍ତା କାଲି ଆର୍ଯ୍ୟ ସମାଜର ବିଭିନ୍ନ କାର୍ଯ୍ୟକ୍ରମରେ ସେ ଯୋଗ ଦେବେ ବୋଲି ଆର୍ଯ୍ୟ ସମାଜ ଓଡ଼ିଶାର ସଭାପତି ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ଜଣାଇଛନ୍ତି । ଡା ଜ୍ଞାନେନ୍ଦ୍ର, ଆର୍ଯ୍ୟସମାଜ ସହିଦ ନଗର ପକ୍ଷରୁ ପ୍ରଫେସର ବିକାଶ ପଣ୍ଡା, ପଣ୍ଡିତ ଯୋଗେନ୍ଦ୍ର ଉପାଧ୍ୟାୟ, ବିଶିଷ୍ଟ ଶିକ୍ଷାବିତ୍ ଡଃ ବଦ୍ରୀନାଥ ପଟ୍ଟନାୟକ, ସମାଜସେବୀ ଦିଲ୍ଲୀପ ପାତ୍ର ପ୍ରମୁଖ ବିମାନ ବନ୍ଦର ଠାରେ ସ୍ୱାମିଜୀଙ୍କୁ ସମ୍ବର୍ଦ୍ଧିତ କରିଥିଲେ । ଆସନ୍ତା କାଲି ଆର୍ଯ୍ୟସମାଜ ସହିଦ ନଗରର ବାର୍ଷିକ ଉତ୍ସବରେ ସ୍ୱାମିଜୀ ଯୋଗ ଦେବା ସଙ୍ଗେ ସଙ୍ଗେ ବୁଦ୍ଧମନ୍ଦିରଠାରେ ଅପରାହ୍ନ ୩.୩୦ ମିନିଟ୍ ସମୟରେ ଆର୍ଯ୍ୟସମାଜ ଓ ବେଦ ଉପରେ ଏକ ଘଣ୍ଟାର ବ୍ୟାଖ୍ୟାନ ଦେବେ ବୋଲି ଆର୍ଯ୍ୟସମାଜ ଓଡ଼ିଶା ସୂତ୍ରରୁ ପ୍ରକାଶ ।