ପ୍ରଦେଶ ଛାତ୍ର କଂଗ୍ରେସର ଦାବି ଆଗରେ ମୁଣ୍ଡ ନୁଆଁଇଲା ଓଡ଼ିଶା ସରକାର

ଭୁବନେଶ୍ୱର, ଆଜି ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ୟାସିର ନଳ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଏକ ସାମ୍ବାଦିକ ସଶ୍ମିଳନୀରେ କହିଥିଲେ ଯେ ଓଡ଼ିଶା ସରକାରଙ୍କର ଶିକ୍ଷା ବିଭାଗର ସଚିବ ତଥା ମହାମହିମ ରାଜ୍ୟପାଳଙ୍କୁ ସଚିବ ଶ୍ରୀ ଶାଶ୍ବତ ମିଶ୍ର ସରକାରୀ ବିଶ୍ବବିଦ୍ୟାଳୟ ମାନଙ୍କୁ ସେଲ୍ଫ ଫାଇନାନ୍ସ କୋର୍ସ” ସିଟ୍ ଉପରେ ଅଙ୍କୁଶ ଲଗାଇ ନିର୍ଦ୍ଦିଷ୍ଟ ନିର୍ଦ୍ଦେଶନାମା ଜାରି କରିଥିଲେ । 

ପ୍ରଦେଶ ଛାତ୍ର କଂଗ୍ରେସ ପ୍ରଥମେ ଏକ ସାମ୍ବାଦିକ ସଭିଳନୀ ମାଧ୍ୟମରେ ଏହାର ପ୍ରତିବାଦ କରିଥିଲା, ସରକାର କର୍ଣ୍ଣପାତ ନକରିବାରୁ ପ୍ରଦେଶ ଛାତ୍ର କଂଗ୍ରେସ ଗତ ୧୬ ତାରିଖ ଦିନ ପ୍ରାୟ ୩ ଘଣ୍ଟା ଧରି ରାଜ୍ୟ ଉଚ୍ଚଶିକ୍ଷାମନ୍ତ୍ରୀ ଅରୁଣ ସାହୁଙ୍କ ସରକାରୀ ବାସଭବନ ଘେରାଉ କରିଥିଲା । ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ଓ ବିଜେଡ଼ି ସରକାର ପ୍ରାଇଭେଟ ବିଶ୍ଵବିଦ୍ୟାଳୟ ମାନଙ୍କ ଦ୍ଵାରା ପ୍ରଭାବିତ ହୋଇ କିପରି ଶିକ୍ଷାର ଘରୋଇକରଣ କରୁଛନ୍ତି ସେ ସଂପର୍କରେ ସାରା ରାଜ୍ୟରେ ବ୍ୟାପକ ଛାତ୍ର ଆନ୍ଦୋଳନ କରିବାପାଇଁ ଛାତ୍ର କଂଗ୍ରେସ ପ୍ରସ୍ତୁତ କରିଥିଲା । 

ଗରିବ ଓ ମଧ୍ୟବିତ ଛାତ୍ରଛାତ୍ରୀ ମାନଙ୍କୁ ସରକାରୀ ବିଶ୍ଵବିଦ୍ୟାଳୟରେ ସେଲଫ ଫାଇନାନ୍ସ କୋର୍ସ କମ୍ ଖର୍ଚ୍ଚରେ ପଢ଼ିବା ସୁଯୋଗରୁ ବଂଚିତ କରିବା ପାଇଁ ଏହାଥିଲା ମନ୍ତ୍ରୀ ଅରୁଣ ସାହୁଙ୍କ ସୁପରିକଳିତ ଚକ୍ରାନ୍ତ । ଏଦଦ୍ଵାରା ପ୍ରାଇଭେଟ ବିଶ୍ଵବିଦ୍ୟାଳୟର ମାଲିକମାନେ ଲାଭବାନ ହୋଇଥାନ୍ତେ ଗରିବ ମେଧାବୀ ଛାତ୍ରଛାତ୍ରୀ ମାନେ କ୍ଷତିଗ୍ରସ୍ତ ହୋଇଥାନ୍ତେ । ରାଜ୍ୟ ସରକାର ଆଜି ଛାତ୍ର କଂଗ୍ରେସର ଦାବି ଆଗରେ ମୁଣ୍ଡ ନୁଆଁଇ ଏହି ଛାତ୍ର ବିରୋଧୀ ନିଷ୍ପତିକୁ ପ୍ରତ୍ୟାହାର କରିନେଇଛନ୍ତି । ଏହି ଲଢ଼େଇବରେ ଆମ ସହ ଥିବା ସମସ୍ତ ଛାତ୍ରଛାତ୍ରୀ, କର୍ମୀ ଓ ସମସ୍ତ ଗଣମାଧମର ବନ୍ଧୁମାନଙ୍କୁ ପ୍ରଦେଶ ଛାତ୍ର କଂଗ୍ରେସ କୃତଜ୍ଞତା ଜ୍ଞାପନ କରୁଅଛି ।

ଅନ୍ୟପକ୍ଷରେ ସରକାରୀ ବିଶ୍ୱ । ମହା ବିଦ୍ୟାଳୟ ମାନଙ୍କରେ ଜାଲ ଦିବ୍ୟାଙ୍ଗ ସାର୍ଟିଫିକ୍ ମାଧ୍ୟମରେ ଯେଉଁ ଆଡମିଶନ କେଳେଙ୍କାରୀ ସାରା ରାଜ୍ୟରେ ଚାଲିଛି ତା ବିରୋଧରେ ଆନ୍ଦୋଳନ ବ୍ୟାପକ ଭାବେ ଚାଲୁ ରହିବ । ଏହି କେଳେଙ୍କାରୀରେ ଶାସକଦଳର ବିଧାୟକ, ମନ୍ତ୍ରୀ ଓ କର୍ମକର୍ତ୍ତାମାନଙ୍କର ସଂପୃକ୍ତି ରହିଛି । 

ରାଜ୍ୟସାରା ଯେଉଁ ଭ୍ୟାକେଟ ଚାଲୁଛି ଏବଂ ଶାସକଦଳର କର୍ମକର୍ତ୍ତା ମାନେ ଏହାକୁ ପରିଚାଳନା କରୁଛନ୍ତି ସେମାନେ ଦଣ୍ଡିତ ନହେବା ପର୍ଯ୍ୟନ୍ତ ଛାତ୍ର କଂଗ୍ରେସ ଆନ୍ଦୋଳନରୁ ଅବ୍ୟାହତି ନେବେ ନାହିଁ । ସୁତରା ଛାତ୍ର କଂଗ୍ରେସ ଏହାର ବିଚାର ବିଭାଗୀୟ ତଦନ୍ତ ପାଇଁ ଦାବୀ କରୁଛି । ଯେଉଁମାନେ ଏ ବ୍ୟାକେଟ ଚଳାଇଛନ୍ତି ସରକାର ତାଙ୍କରି ହାତରେ ତଦନ୍ତ ଭାର ଦେବା ଦୁର୍ଭାଗ୍ୟଜନକ । ଏହି ବ୍ୟାକେଟକୁ ଚଲାଉଥିବା ଦଲାଲମାନେ ବିଜୁ ଯୁବ ଓ ବିଜୁ ଛାତ୍ର ଜନତାର କର୍ମକର୍ତ୍ତା ରହିଛନ୍ତି, ବିଜେଡ଼ି ବିଧାୟକଙ୍କୁ ପ୍ରତିନିଧ ମଧ୍ୟ ରହିଛନ୍ତି । ବର୍ତମାନ ସୁଦ୍ଧା ଯେଉଁମାନେ ଗିରଫ ହୋଇଛନ୍ତି ସେମାନେ ଦଣ୍ଡିକିରି ମାଛ ସଦୃଶ । ଏହି ଦୁର୍ନୀତି ଜଳରେ ରୋହି, ଭାକୁର ରହିଛନ୍ତି, ମାତ୍ର ସରକାର ସେମାନଙ୍କ କଥା ଉଠାଉ ନାହାରି । 

ଶିକ୍ଷାମନ୍ତ୍ରୀ ଅରୁଣ ସାହୁ ନିଜର ନୈତିକତା ଦୃଷ୍ଟିରୁ ଇସ୍ତଫା ଦବା କଥା । ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ଓଡ଼ିଶାର ଶିକ୍ଷାବ୍ୟବସ୍ଥାକୁ କଳଙ୍କିତ କରୁଥିବାରୁ ଏବଂ ଏହି ଆଡମିଶନ ବ୍ୟାକେଟର ଅପରାଧୁମାନଙ୍କୁ ଇଂଟ ଘୋଡ଼ାଉଥିବାରୁ ପ୍ରଦେଶ ଛାତ୍ର କଂଗ୍ରେସ ତାଙ୍କର ଇସ୍ତଫା ଦାବି କରୁଛି । ଏହି ସାମ୍ବାଦିକ ସମ୍ମିଳନୀରେ ନିହାର ବେହେରା, ଅଳେଷ ଯାଦବ, ବିଶ୍ବଭୂଷଣ ମହାପାତ୍ର ଓ ବିଭୂତିଭୂଷଣ ମହାପାତ୍ର ଉପସ୍ଥିତ ରହିଥିଲେ ।