‘ୟୁଗଶ୍ରୀ ଯୁଗନାରୀ’ର ବାର୍ଷିକ ସାରସ୍ବତ ଓ ସମ୍ବର୍ଦ୍ଧନା ସମାରୋହ ଅନୁଷ୍ଠିତ

ଭୁବନେଶ୍ୱର, ଯୁଗଶ୍ରୀ ଯୁଗନାରୀ’ର ବାର୍ଷିକ ସାରସ୍ବତ ଓ ସମ୍ବର୍ଦ୍ଧନା ସମାରୋହ ଭୁବନେଶ୍ବରସ୍ଥିତ ଗୀତଗୋବିନ୍ଦ ଭବନରେ ପତ୍ରିକାର ସମ୍ପାଦିକା ମମତା ମହାପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଯାଇଛି । ସଭା ଆରମ୍ଭରେ ଦିବଂଗତ ବିଶିଷ୍ଟ କଣ୍ଠଶିଳ୍ପୀ ପ୍ରଫୁଲ୍ଲ କରଙ୍କ ବିୟୋଗରେ ନୀରବ ପ୍ରାର୍ଥନା କରାଯାଇଥିଲା । ଯୁଗଶ୍ରୀ ଯୁଗନାରୀ’ ସହ-ସମ୍ପାଦିକା ଡ. ପ୍ରଭାବତୀ ପଣ୍ଡା ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ । ମୁଖ୍ୟଅତିଥି ଭାବେ ଡ. ଦେବୀପ୍ରସନ୍ନ ପଟ୍ଟନାୟକ (ପଦ୍ମଶ୍ରୀ) ଯୋଗଦେଇ ନାରୀ ସଶକ୍ତିକରଣରେ ଯୁଗଶ୍ରୀ ଯୁଗନାରୀ ପତ୍ରିକା ଗୁରୁତ୍ବ ଦେଉଥିବାରୁ ଏହାର ପ୍ରଶଂସା କରିଥିଲେ । ସମ୍ମାନିତ ଅତିଥ ସାବରମତୀ (ପଦ୍ମଶ୍ରୀ), ବିଶିଷ୍ଟ ପରିବେଶବିତ୍, ‘ମୁଁ ଯେପରି କୃଷି କରି ଭଲ ଖାଇବା ଓ ଭଲ ଖୁଆଇବା, ବିଷ ଖାଦ୍ୟ ଖାଇବା ନାହିଁ, ଶବଦାହ ପାଇଁ ଗଛଟେ ଲଗାଇବା କର୍ମକୁ ଆଦରି ନେଇଛି, ଆପଣମାନେ ସେହିଭଳି ଜୀଇଁବା ପାଇଁ ଏହି ସୁକର୍ମକୁ ଆଦରି ନିଅନ୍ତୁ ବୋଲି ପରାମର୍ଶ ଦେଇଥିଲେ । 

ଶ୍ରୀଯୁକ୍ତ ବିଜୟ ନାୟକ, ବିଶିଷ୍ଟ ସାହିତ୍ୟିକ, ସ୍ୱତନ୍ତ୍ର ଅଧିକାରୀ, ଓଡ଼ିଆ ବିଶ୍ୱବିଦ୍ୟାଳୟ, ସତ୍ୟବାଦୀ, ପୁରୀ ମହାମାରୀ, ମହାଯୁଦ୍ଧ ଓ ଅନାହାରରୁ ମୁକ୍ତିଲାଭ କରି ବିଶ୍ୱ ଆଗକୁ ବଢୁଥିବା ବେଳେ ପୁନଶ୍ଚ ଯୁଦ୍ଧର ସଙ୍କଟ ଦେଖା ଦେଇଥିବାରୁ ଉଦ୍‌ବେଗ ପ୍ରକାଶ କରି ସାହିତ୍ୟିକମାନେ କଲମ ମୁନକୁ ଶକ୍ତିଶାଳୀ କରି ଶାନ୍ତିର ବାର୍ତ୍ତା ପ୍ରଷ୍ଟର କରିବାକୁ ଆହ୍ବାନ ହ, ସାଧାରଣ ସଂପାଦିକା, “ଓଡ଼ିଶା ଲେଖୁକା ସଂସଦ’, ‘ସାହିତ୍ୟ ଶାନ୍ତିର ବାର୍ତ୍ତା ପ୍ରଷ୍ଟର ସହ ପୃଥିବୀରୁ କଳଙ୍କ କାଳିମା ପୋଛିଦିଏ, ଦିଗ୍‌ଦର୍ଶନ ଦିଏ, ସାହିତ୍ୟ ବିନା ଜୀବନ ପଶୁତୁଲ୍ୟ । ତେଣୁ ସାହିତ୍ୟିକମାନେ ଜୀବନ ପାଇଁ ସାହିତ୍ୟ ରଚନା କରନ୍ତୁ ବୋଲି ପରାମର୍ଶ ଦେଇଥିଲେ । ପତ୍ରିକାର ସମ୍ପାଦିକା ମମତା ମହାପାତ୍ର ପତ୍ରିକାର ବହୁମୁଖୀ ଗୁଣବତ୍ତା ଓ ଆଭିମୁଖ୍ୟ ସମ୍ବନ୍ଧରେ ଆଲୋକପାତ କରିଥିଲେ । 

ଏହି ଉତ୍ସବରେ ଯୁଗ ଯୁଗନାରୀ ସମାଜସେବା ସମ୍ମାନ: ସାବରମତୀ (ପଦ୍ମଶ୍ରୀ), ବିଶିଷ୍ଟ ପରିବେଶବିତ, ଯୁଗଶ୍ରୀ ଯୁଗନାରୀ ସାରସ୍ୱତ ସମ୍ମାନ: ଡ ପ୍ରଭାତୀ ମିଶ୍ର, ବିଶିଷ୍ଟ ସାହିତ୍ୟିକା, ଯୁଗଶ୍ରୀ ଯୁଗନାରୀ ଶ୍ରେଷ୍ଠ ସଂପାଦିକା ସମ୍ମାନ : ଶ୍ରୀମତୀ ସବିତାରାଣୀ ବେହେରା, ସଂପାଦିକା (ସ୍ମୃତି ସାଳ୍ପନା), ଯୁଗଶ୍ରୀ ଯୁଗନାରୀ ଚିତ୍ରଶିଳ୍ପୀ ସମ୍ମାନ : ଶିଳ୍ପୀ କେଶୁ ଦାସ ଓ ଯୁଗଶ୍ରୀ ଯୁଗନାରୀ ପରିବେଶ ସୁରକ୍ଷା ସମ୍ମାନ : ପାରାଦୀପ ଫସ୍‌ଫେଟ୍ସ ଲିମିଟେଡ୍‌ଙ୍କୁ ପ୍ରଦାନ କରାଯାଇଥିଲା । ଅଧାପକ କମଳାକାନ୍ତ ଦାଶଙ୍କ ବ୍ୟଙ୍ଗ କବିତା ପୁସ୍ତକ ‘କରନ୍ତି ଅଙ୍ଗେ ଅନେକ ଛାପ’, ଶ୍ରୀମତୀ ଗୀତାଞ୍ଜଳି ପଟ୍ଟନାୟକଙ୍କ ଗଳ୍ପ ପୁସ୍ତକ ‘ନୂଆ ସକାଳ’, ଡାକ୍ତର ଅନୀତା ପଣ୍ଡାଙ୍କର ଉପନ୍ୟାସ ‘କୌଶୋର୍ଯ୍ୟ କସ୍ତୁରୀ’ ଉନ୍ମୋଚିତ ହୋଇଥିଲା । 

ଏହି ଅବସରରେ ‘ଯୁଗଶ୍ରୀ ଯୁଗନାରୀ’ ଏପ୍ରିଲ- ୨୦ ୨୨ ସଂଖ୍ୟାର ଶୁଭ ଉନ୍ମୋଚନ ହୋଇଥିଲା । ସୁଶ୍ରୀ ଗୀତାଞ୍ଜଳି ସିଂହ ମଞ୍ଚ ଆହ୍ବାନ କରିଥିବା ବେଳେ ସହିଦନଗର ଆର୍ଯ୍ୟ ମହିଳା ସମତି ବେଦପାଠ କରିଥିଲେ । ସୁଶ୍ରୀ ଦୀପ୍ତି ଦାସ ସଂଯୋଜନା କରିଥିଲା ବେଳେ ଡକ୍ଟର ମିନାକ୍ଷୀ ପଣ୍ଡା, ଡ. ସୁଷମା ମିଶ୍ର, ଡ. ଗାୟତ୍ରୀ କର, ଡ. ରିଚା ମହାପାତ୍ର, ଶ୍ରୀମତୀ ମାନି ଦାଶ, ବସନ୍ତ ପ୍ରଧାନ ସଭା ପରିଚାଳନାରେ ସହାୟତା କରିଥିଲେ । ଉକ୍ତ ଉତ୍ସବରେ ବରିଷ୍ଠ ସାରସ୍ବତ ସାଧକ ସର୍ବଶ୍ରୀ ଶାନ୍ତନୁ ଆଶ୍ଚର୍ଯ୍ୟ, ଅଧ୍ୟାପକ ବିଶ୍ୱରଞ୍ଜନ, ବସନ୍ତ ପଣ୍ଡା, ବନଜା ଦେବୀ, ଗୌରହରି ଦାସ, କର୍ଣ୍ଣେଲ ଶରତ ମହାପାତ୍ର, ଉପେନ୍ଦ୍ର ପ୍ରସାଦ ନାୟନ, ଡଃ ପ୍ରଭାସ ଆଶ୍ଚର୍ଯ୍ୟ, ପୀତବାସ ରାଉତରାୟ, ଇନ୍ଦିରା ଦାଶ, ବ୍ରତୀ ଦାସ, ମୀନାକ୍ଷୀ ରାଉତରାୟ, କନକ ମଞ୍ଜରୀ ସାହୁ, କୁସୁମ ପଟେଲ । ଅଧାପକ କମଳାକାନ୍ତ ଦାଶ ଧନ୍ୟବାଦ ଅର୍ପଣ କରିଥିଲେ।