ସଶକ୍ତିକରଣ ନାମରେ ମହିଳାଙ୍କୁ ଶୋଷଣ କରୁଛନ୍ତି ରାଜ୍ୟ ସରକାର : ସୋନାଲୀ ସାହୁ

ଭୁବନେଶ୍ୱର, ଗତ ୬ ରୁ ଆସନ୍ତା ୨୦ ତାରିଖ ପର୍ଯ୍ୟନ୍ତ ଭାରତୀୟ ଜନତା ପାର୍ଟି ପକ୍ଷରୁ ଦେଶବ୍ୟାପୀ ସାମାଜିକ ନ୍ୟାୟ ସେବା ପକ୍ଷ ପାଳନ କରାଯାଉଛି । ଏହି ଅବସରରେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତାମାନେ କେନ୍ଦ୍ର ସରକାରଙ୍କ ବିଭିନ୍ନ ଗରୀବକଲ୍ୟାଣ ଯୋଜନା ତଥା ମହିଳାମାନଙ୍କ ସାମାଜିକ, ଅର୍ଥନୈତିକ କ୍ଷେତ୍ରରେ ଅଗ୍ରଗତି ପାଇଁ ମୋଦୀ ସରକାରଙ୍କ ଦ୍ବାରା କରାଯାଇଥିବା ଯୋଜନାକୁ ସଫଳତାର ସହ କାର୍ଯ୍ୟକାରୀ କରିଆସୁଛନ୍ତି । ଆଜି ଫଚମ ଦିନ ଅବସରରେ ‘ମହିଳାମାନଙ୍କ ସୁରକ୍ଷା’ ସଂପର୍କରେ ଭାରତୀୟ ଜନତା ପାର୍ଟି କାର୍ଯ୍ୟକର୍ତ୍ତାମାନେ ନିଜ ନିଜ ଅଂଚଳରେ ମା’ ଓ ଭଉଣୀମାନଙ୍କ ସହ ଆଲୋଚନା କରି ବାସ୍ତବ ସ୍ଥିତି ପରଖି ଥିଲେ । ରାଜ୍ୟ ସଭାପତି ଶ୍ରୀ ସମୀର ମହାନ୍ତି ବିଭିନ୍ନ ଅଂଚଳକୁ ଯାଇ ପ୍ରଧାନମନ୍ତ୍ରୀଙ୍କ ଦ୍ବାରା କରାଯାଇଥିବା ଜନମଙ୍ଗଳ କାର୍ଯ୍ୟର ସ୍ଥିତି ପରଖୁଛନ୍ତି ।

ଆଜି ହେଉଛି ମହାନ କ୍ରାନ୍ତିକାରୀ, ମହାନ ସମାଜସେବକ ଜ୍ୟୋତିବା ଫୁଲେଙ୍କ ଜନ୍ମଜୟନ୍ତୀ ଜ୍ୟୋତିବା ଫୁଲେ ମହିଳାମାନଙ୍କ ଶିକ୍ଷାକୁ ପ୍ରାଧାନ୍ୟ ଦେଉଥିଲେ । ଜ୍ୟୋତିବା ଫୁଲେ ତାଙ୍କ ପତ୍ନୀ ସାବିତ୍ରୀ ବାଇଫୁଲେଙ୍କ ସହିତ ମିଶି ପୁନେଠାରେ ମହିଳାମାନଙ୍କ ଶିକ୍ଷା କ୍ଷେତ୍ରରେ ଅଗ୍ରଗତି ନିମନ୍ତେ ବିଦ୍ୟାଳୟ ସ୍ଥାପନ କରି, ଶିକ୍ଷାଦ୍ୱାରା ସମାଜର ଅଗ୍ରଗତି ସମ୍ଭବ ବୋଲି ବାର୍ତ୍ତା ଦେଇଥିଲେ । ସମାଜ ସଂସ୍କାରକ, ତଥା ଦୂରଦୃଷ୍ଟି ସମ୍ପନ୍ନ ଆମର ଯଶ୍ବସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜ୍ୟୋତିବା ଫୁଲେଙ୍କ ଆଦର୍ଶରେ ଅନୁପ୍ରାଣିତ ହୋଇ ମହିଳାଙ୍କୁ ଶୌଚାଳୟରୁ ସଚିବାଳୟ, ହାଣ୍ଡିଶାଳରୁ ସଂସଦ ପର୍ଯ୍ୟନ୍ତ ପ୍ରତ୍ୟେକ କ୍ଷେତ୍ରରେ ସମ୍ମାନ ଓ ଅଧୁକାର ଦେଇଆସିଛନ୍ତି । ଏହି ପରିକ୍ରମରେ ପ୍ରଧାନମନ୍ତ୍ରୀ ମହିଳାମାନଙ୍କ ପାଇଁ ଶୌଚାଳୟ, ଉଜ୍ଜଳା, ବେଟି ବଚାଓ ବେଟି ପଢ଼ାଓ, ସୁକନ୍ୟା ସମୃଦ୍ଧି ଯୋଜନା, ପୋଷଣ ଅଭିଯାନ ଭଳି ଯୁଗାନ୍ତକାରୀ ପଦକ୍ଷେପମାନ ନେଇ ମହିଳାଙ୍କୁ ସମ୍ମାନ, ସ୍ବାଭିମାନ ଓ ସଶକ୍ତ କରୁଥିବାବେଳେ ୨୩ବର୍ଷ ଧରି ନିରଙ୍କୁଶ ଭାବରେ ଶାସନ କରିଆସୁଥିବା ବିଜୁ ଜନତା ଦଳ ମହିଳା ସଶକ୍ତିକରଣ ନାଁରେ ମହିଳା ଶୋଷଣ ନୀତି ଆପଣାଇଛି । 

କେନ୍ଦ୍ର ସରକାର ମହିଳାଙ୍କ ପାଇଁ ସାରା ଭାରତରେ ୧୦କୋଟି ୯୫ ଲକ୍ଷ ଶୌଚାଳୟ କରିଥିବାବେଳେ କେନ୍ଦ୍ରରୁ ଶୌଚାଳୟ ପାଇଁ ଆସିଥିବା ୭୦୦ କୋଟି ଟଙ୍କାର ଦୁର୍ନୀତି ହୋଇଛି । ରାଜ୍ୟରେ ୧୦୦ ଜଣ ପରିବାରରୁ ୬୫ଜଣ ପରିବାରଙ୍କ ଘରେ ଶୌଚାଳୟ ନାହିଁ । ସେହିପରି ସାରା ଭାରତ ବର୍ଷରେ ୧୦କୋଟି ପରିବାର ଉଜ୍ଜଳା ଯୋଜନା ଲାଭ ପାଉଛନ୍ତି । କିନ୍ତୁ ଓଡିଶାରେ କାହିଁକି ଓଡ଼ିଶାରେ ରାଜ୍ୟ ସରକାରଙ୍କର ଦୃଢ ଇଚ୍ଛାଶକ୍ତି ଅଭାବରୁ କେନ୍ଦ୍ରୀୟ ଯୋଜନାର ସଫଳ ରୂପାୟନ ହୋଇପାରୁନାହିଁ ବୋଲି ରାଜ୍ୟ ମୁଖପାତ୍ର ଶ୍ରୀମତୀ ସୋନାଲୀ ସାହୁ ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି । ଶିକ୍ଷା କ୍ଷେତ୍ରରେ ଓଡ଼ିଶା ସର୍ବଭାରତୀୟସ୍ତରରେ ୧୩ତମ ସ୍ଥାନରେ ରହିବା ଶିକ୍ଷାର ଅବ୍ୟବସ୍ଥାକୁ ଆଙ୍ଗୁଳି ନିର୍ଦ୍ଦେଶ କରୁଛି । । ରାଜ୍ୟରେ ୩୭୦ଟି ପଂଚାୟତରେ ହାଇସ୍କୁଲ ନଥିବାବେଳେ ୪୦୦ ବାଳିକା ବିଦ୍ୟାଳୟରେ ଶୌଚାଳୟକୁ ପାଣିର ସଂଯୋଗୀକରଣ । କରାଯାଇନାହିଁ । ରାଜ୍ୟରେ ମହିଳାଙ୍କ ସ୍ଵାକ୍ଷରତା ହାର ୬୪.୦ ୧% । କେନ୍ଦ୍ର ସରକାର ଛାତ୍ରୀମାନଙ୍କ ପାଇଁ ସାନିଟାରି ନାପକିନି ଦେଉଛନ୍ତି କିନ୍ତୁ ତାହା ଛାତ୍ରୀମାନଙ୍କ ପାଖରେ ନପହଂଚି କ୍ଷତଖାଉଛି । 

ଆଜିବି ରାଜ୍ୟରେ ଗର୍ଭବତୀ ମହିଳା ଅଟୋ ଓ ଖଟ, ଭାରରେ ବୁହାହୋଇ । ହସ୍ପିଟାଲ ଯିବାର ଲଗ୍ନଚିତ୍ର ପାଇଁ ଓଡ଼ିଶା ସର୍ବଭାରତୀୟ ସ୍ତରରେ ଲଜିତ ହେଉଛି ରାଜ୍ୟରେ ପ୍ରତ୍ୟେକ ଦିନ ୬ଜଣ ମହିଳା ଧର୍ଷଣ । ଶିକାର ହେଉଥିବାବେଳେ ୪ଜଣ ମହିଳା ଅପହରଣ ହେଉଛନ୍ତି । ମହିଳାମାନେ ଆର୍ଥିକ ଦୃଷ୍ଟିରୁ ସଶକ୍ତ ହୋଇଛନ୍ତି ବୋଲି ରାଜ୍ୟ । ସରକାର ଡିଣ୍ଡିମ ପିଟୁଛନ୍ତି । କିନ୍ତୁ ତଥ୍ୟ କହୁଛି ଭାରତରେ ସହରାଚଂଳର ପ୍ରତ୍ୟେକ ୧୦୦୦ ମହିଳାଙ୍କ ୯୯ ଜଣ ବେରୋଜଗାର ଥିବାବେଳେ ଓଡ଼ିଶାରେ ସେମାନଙ୍କ ସଂଖ୍ୟା ୨୧୯ । ସେହିପରି ଗ୍ରାମୀଣ ମହିଳାଙ୍କ କ୍ଷେତ୍ରରେ ଜାତୀୟ ସ୍ତରରେ ୧୦୦୦ ମହିଳାଙ୍କ ଭିତରୁ ୩୫ ଜଣ ବେରୋଜଗାର ଥିବାବେଳେ ଓଡ଼ିଶାରେ ସେମାନଙ୍କ ସଂଖ୍ୟା ୪୨ ।

ତେବେ ମହିଳାଙ୍କ ସଶକ୍ତିକରଣ କିପରି ହେଲା ବୋଲି ଶ୍ରୀମତୀ ସାହୁ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି । ଆୟ କ୍ଷେତ୍ରରେ । ଓଡ଼ିଶା ଯଦି ପଛୁଆ ତାହାଲେ ମହିଳାମାନେ ଆର୍ଥିକ ଦୃଷ୍ଟିରୁ ଆଗୁଆ ହେଲେ କେମିତି । ମହିଳା ବେରୋଜଗାରୀରେ ଓଡ଼ିଶା ୮ମ ସ୍ଥାନରେ ଥିଲାବେଳେ ରାଜ୍ୟ ସରକାର ମିଛ ଗୁଲାପି ଚିତ୍ର ଦେଖାଇ ଠକୁଛନ୍ତି । ଏହାର ସଦ୍ୟତମ ଘଟଣାଟି ହେଲା ଗତ ଜୁଲାଇ ମାସରେ ରାଜ୍ୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ଏକ ଉଚ୍ଚସ୍ତରୀୟ ବୈଠକରେ ସୂଚନା ଦିଆଗଲାକି ୨୦୧୯-୨୦ ଆର୍ଥିକ । ବର୍ଷରେ ୨୦,୪୪୯ ସ୍ବୟଂ ସହାୟତ ଗୋଷ୍ଠୀଙ୍କ ସହଭାଗିତାରେ ୧୪୧ ୨ କୋଟି ଟଙ୍କାର ବ୍ୟବସାୟ ହୋଇଛି । ସାଧାରଣଭାବରେ । ୧୪୧ ୨ କୋଟି ଟଙ୍କାର ୧୦% ଲାଭ୍ୟାଶ ୧୪୧ କୋଟି ୨୦ ଲକ୍ଷ ହେବ । ଏବଂ ଜଣେ ସ୍ବୟଂ ସହାୟକ ଗୋଷ୍ଠୀର ସଦସ୍ୟଙ୍କ ଭାଗରେ । ବର୍ଷକୁ ୫୭୫୦ ଓ ଦୈନିକ ୧୫ ଟଙ୍କା ୭୫ ପଇସା ପଡୁଛି 

ସେହିପରି ଆର୍ଥିକ ବର୍ଷ ୨୦୨୦- ୨୧ ରେ ସ୍ବୟଂ ସହାୟକ ଗୋଷ୍ଠୀର । ସଦସ୍ୟଙ୍କ ଭାଗରେ ଦୈନିକ ୮ଟଙ୍କା ଭାଗ ପଡୁଛି । ଏଠି ପ୍ରଶ୍ନ ଉଠୁଛି ଦୈନିକ ୮ଟଙ୍କାରେ ଜଣେ ମହିଳା ଆର୍ଥିକ ଦୃଷ୍ଟିରୁ କିପରି ସଶକ୍ତ । ହେବ ଏବଂ ତାର ପରିବାରର ପ୍ରତିପୋଷଣ କରିପାରିବ । ରାଜ୍ୟ ସରକାର ଏସଏଚଜି ଗୁପର ସଦସ୍ୟତା ଆଢୁଆଳରେ ମହିଳାମାନଙ୍କୁ ବିଜୁ ଜନତା ଦଳର କାର୍ଯ୍ୟକର୍ତାଭାବରେ ବ୍ୟବହାର କରି ରାଜନୈତିକ ପୋଷାପାଲିର ଗୋଟି ଭାବରେ ପରିଚାଳନା କରିବା ନିନ୍ଦନୀୟ । ତାହା ନହୋଇଥିଲେ ଝାଡପଡ଼ା ଅଂଚଳରେ ଦୋକାନ କରି ଆର୍ଥିକ ଦୃଷ୍ଟିରୁ ସଶକ୍ତ ହୋଇଥିବା ମହିଳାଙ୍କ ଦୋକାନ କାହିଁକି ଭାଙ୍ଗିଲେ ଓ ଜଣେ ରାଜନୀତିରେ ସଶକ୍ତ ଥିବା ମହିଳାଙ୍କୁ ବନ୍ଧୁକମାରିବା, ପରେ ଘରକୁ ବୋମା ମାଡ କରିବା ରାଜ୍ୟ ସରକାରଙ୍କ ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ମହିଳାଙ୍କୁ ସମ୍ମାନ, ସ୍ବାଭିମାନ ଓ ସୁରକ୍ଷା ଦେଇ ପାରୁନଥିବା ଅପାରଗ ରାଜ୍ୟ ସରକାର ମହିଳା ସଶକ୍ତିକରଣ ଉପରେ ଭାଷଣ । ଦେବା ହାସ୍ୟାସ୍ପଦ ବୋଲି ଶ୍ରୀମତୀ ସାହୁ ପ୍ରଶ୍ନ କରିଛନ୍ତି ।