ସେଣ୍ଡାଲ୍ ବ୍ୟାଙ୍କ ଅଫ୍ ଇଣ୍ଡିଆ ସବୁଜ ପଦକ୍ଷେପ କାର୍ଯ୍ୟକ୍ରମ ଅନୁଷ୍ଠିତ

ସମ୍ବଲପୁର,ସେଣ୍ଡାଲ୍ ବ୍ୟାଙ୍କ ଅଫ୍ ଇଣ୍ଡିଆ, ସମ୍ବଲପୁର କ୍ଷେତ୍ରୀୟ କାର୍ଯ୍ୟାଳୟ ଏବଂ ଜି.ଏମ୍ ୟୁନିଭର୍ସିଟି, ସମ୍ବଲପୁରର ମିଳିତ ଉଦ୍ୟମରେ ହର୍ବାଲ ଗାର୍ଡେର ନବୀକରଣ ନିମନ୍ତେ ଜି.ଏମ୍ ୟୁନିଭର୍ସିଟି ପରିସରରେ ଏକ ସବୁଜ ପଦକ୍ଷେପ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ୟୁନିଭର୍ସିଟିର କୁଳପତି ଏନ୍.ନାଗାରାଜୁ, ରେଜିଷ୍ଟାର ଯୁଗଳେଶ୍ଵରୀ ଦାଶ, ଡେପୁଟୀ ରେଜିଷ୍ଟ୍ରାର ଉମା ଚରଣ ପତିଙ୍କ ସମେତ ମୁମ୍ବାଇସ୍ଥିତ ସେଣ୍ଡାଲ୍ ବ୍ୟାଙ୍କ ଅଫ୍ ଇଣ୍ଡିଆର କେନ୍ଦ୍ରୀୟ କାର୍ଯ୍ୟାଳୟର ମହାପ୍ରବନ୍ଧକ (ଏଆର) ସ୍ମୃତି ରଞ୍ଜନ ଦାଶ, ବ୍ୟାଙ୍କର ସମ୍ବଲପୁର କ୍ଷେତ୍ରୀୟ କାର୍ଯ୍ୟାଳୟର କ୍ଷେତ୍ରୀୟ ମୁଖ୍ୟ ସୁକେଶ କୁମାର ଝା ପ୍ରମୁଖ ଏଥିରେ ଉପସ୍ଥିତ ଥିଲେ । 

ସେଣ୍ଟ୍ରାଲ ବ୍ୟାଙ୍କର । ମହାପ୍ରବନ୍ଧକ (ଏଆର୍) ଏସ୍ ଆର୍ ଦାଶ ୟୁନିଭସିଟିର ଛାତ୍ରଛାତ୍ରୀମାନଙ୍କୁ ସମ୍ବୋଧନ କରିବା ସହ ସେମାନଙ୍କୁ ଜୀବନର ଲକ୍ଷ୍ୟ ସ୍ଥଳରେ ପହଞ୍ଚିବାକୁ ଦୃଢ ମନୋବଳ ଓ ଇଛା ଶକ୍ତିର ଆବଶ୍ୟକତା ରହିଛି ବୋଲି କହିଥିଲେ । ଅନ୍ୟ ଏକ କାର୍ଯ୍ୟକ୍ରମରେ, ମହାପ୍ରବନ୍ଧକ (ଏଆର) ସ୍ମୃତି ରଞ୍ଜନ ଦାଶଙ୍କ ସମ୍ବଲପୁର ଗସ୍ତ ଅବସରରେ ସମ୍ବଲପୁର କ୍ଷେତ୍ରୀୟ କାର୍ଯ୍ୟାଳୟ ତରଫରୁ ସେଣ୍ଟ କ୍ରାନ୍ତି ଅଭିଯାନ ଅନ୍ତର୍ଗତ ଏକ ମେଗା ଋଣ ଶିବିରର ଆୟୋଜନ ସ୍ଥାନୀୟ ହୋଟେଲ ଅସରାଠାରେ କ୍ଷେତ୍ରୀୟ ମୁଖ୍ୟ ସୁକେଶ କୁମାର ଝାଙ୍କ ଉପସ୍ଥିତିରେ କରାଯାଇଥିଲା । ଏହି ଶିବିରରେ ୮୦୦ରୁ ଉର୍ଦ୍ଧ ହିତାଧୁକାରୀଙ୍କୁ ୨୬କୋଟି ଟଙ୍କାର ଋଣ ବିତରଣ କରାଯାଇଥିଲା । 

କୃଷି, ଏମ୍ଏସ୍ଏମ୍ଇ ଏବଂ ଖୁଚୁରା କ୍ଷେତ୍ର ଅଧୁନରେ ଅନୁମୋଦିତ ଋଣ ମଞ୍ଜୁରୀ ପତ୍ରଗୁଡିକୁ ମଧ୍ୟ ହିତାଧୁକାରୀମାନଙ୍କୁ ପ୍ରଦାନ କରାଯାଇଥିଲା । ଅଧୁକାରୀମାନଙ୍କୁ ସ୍ବାଗତ କରିବାକୁ ହିତାଧୁକାରୀମାନେ ଅତ୍ୟଧୁକ ଆନନ୍ଦ ପ୍ରକାଶ କରିଥିଲେ । ଶ୍ରୀ ଦାଶ ମଧ୍ୟ ସମସ୍ତଙ୍କୁ ସମ୍ବୋଧନ କରିଥିଲେ ଏବଂ କ୍ଷେତ୍ର ଏବଂ ବ୍ୟାଙ୍କ ପାଇଁ ଋଣ ବୃଦ୍ଧିର ଆବଶ୍ୟକତା ଉପରେ ଗୁରୁତ୍ବାରୋପ କରିଥିଲେ। ସେ କ୍ଷେତ୍ରର ବ୍ୟବସାୟିକ ଅଭିବୃଦ୍ଧି ନିମନ୍ତେ ଟିମ୍ ସମ୍ବଲପୁର ଓ ଶାଖା ପ୍ରବନ୍ଧକମାନଙ୍କ ଅବଦାନକୁ ପ୍ରସଂଶା କରିଥିଲେ । ଆଗକୁ ଏହିପରି କାର୍ଯ୍ୟକ୍ରମମାନ ଆୟୋଜନ କରିବା ସହିତ ନିଜର ସର୍ବୋତ୍ତମ ପ୍ରୟାସ ଜାରି ରଖିବାକୁ ସେ କହିଥିଲେ । ମୁଖ୍ୟ ପ୍ରବନ୍ଧକ ବି କେ ସ୍ବାଇଁ, ମୁଖ୍ୟ ପ୍ରବନ୍ଧକ ଅମିତ କୁମାର ଝା, ମୁଖ୍ୟ ପ୍ରବନ୍ଧକ ପି କେ ମହାପାତ୍ର ଏବଂ ବରିଷ୍ଠ ପ୍ରବନ୍ଧକ ଦିପକ ପ୍ରଧାନ, ବରିଷ୍ଠ ପ୍ରବନ୍ଧକ ବିଜୟ ଗୋୟଲ, ବରିଷ୍ଠ ପ୍ରବନ୍ଧକ ଦିନେଶ ପ୍ରଧାନ ଏବଂ ବରିଷ୍ଠ ପ୍ରବନ୍ଧକ ସୁଶାନ୍ତ ସାହୁ ଏହି ଅବସରରେ ଉପସ୍ଥିତ ଥିଲେ ।