ପଶ୍ଚିମବଙ୍ଗରେ ‘ଦ କେରଳ ଷ୍ଟୋରୀ’ କୁ ବ୍ୟାନ୍ ଘୋଷଣା କଲେ ମମତା ବାନାର୍ଜୀ

ନୂଆଦିଲ୍ଲୀ,ପଶ୍ଚିମବଙ୍ଗରେ ବ୍ୟାନ ହେଲା ବିବାଦୀୟ ଫିଲ୍ମ ‘The Kerala Story’। ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହି ଘୋଷଣା କରିଛନ୍ତି। ନିଜେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହି ଫିଲ୍ମ ଉପରେ ପ୍ରଶ୍ନ ଉଠାଇ କହିଛନ୍ତି, ‘ଦ କାଶ୍ମୀର ଫାଇଲ୍ସ କଣ’? ଏହା ଗୋଟିଏ ବର୍ଗକୁ ଅପମାନିତ କରୁଛି । ‘ଦ କେରଳ ଷ୍ଟୋରୀ’କଣ? ଏହା ମଧ୍ୟ ଏକ ଭୁଲ ଭାବରେ ଦର୍ଶାଯାଇଥିବା କାହାଣୀ। ମାମତା ବାନାର୍ଜୀ ଏହି ମାମଲାରେ ସେ ବିରୋଧୀ ଦଳ ସିପିଏମକୁ ମଧ୍ୟ ଟାର୍ଗେଟ୍ କରିଛନ୍ତି। ସିପିଏମ ଏହି ମାମଲାରେ କିଛି ପାଟି ଚୁପ କରି ବସିଛି ବୋଲି କହିଛନ୍ତି। ରାଜ୍ୟ ସଚିବାଳୟରେ ମମତା ବାନାର୍ଜୀ ଫିଲ୍ମ ଉପରେ ବ୍ୟାନ ନେଇ ଘୋଷଣା କରିଛନ୍ତି। ଏହା ପୂର୍ବରୁ ସେ ଅଭିଯୋଗ ଆଣିଥିଲେ ଯେ ବିଜେପି ‘ଦ କାଶ୍ମୀର ଫାଇଲ୍ସ’ପରି ବେଙ୍ଗଲ ଉପରେ ମଧ୍ୟ ଗୋଟିଏ ଫିଲ୍ମ ପ୍ରସ୍ତୁତ କରୁଛି ଏବଂ ଏଥିପାଇଁ ଫଣ୍ଡିଂ କରୁଛି।

ମମତା ବାନାର୍ଜୀ ‘ଦ କେରଳ ଷ୍ଟୋରୀ’ ଉପରେ ବ୍ୟାନ ଘୋଷଣା କରି ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇ ରାଜ୍ୟରେ ଯେପରି କୌଣସି ସ୍ଥାନରେ ଏହାର ସ୍କ୍ରିନିଂ ନ ହେବ ତାହା ସୁନିଶ୍ଚିତ କରିବାକୁ କହିଛନ୍ତି । ରାଜ୍ୟରେ ଆଇନ ବ୍ୟବସ୍ଥା ବଜାର ରଖିବା ପାଇଁ ଏହି ନିଷ୍ପତ୍ତି ନିଆଯାଇଥିବା ମମତା କହିଛନ୍ତି । ଏହି ଫିଲ୍ମ ଯୋଗୁଁ ହେଟ୍ କ୍ରାଇମ୍ ଏବଂ ହିଂସା ଘଟଣା ବଢିବାର ଆଶଂକା ରହିଛି । ମମତା ବାନାର୍ଜୀ କହିଛନ୍ତି ଯେ ଏହି ଫିଲ୍ମକୁ ନେଇ ସେ କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନଙ୍କ ସହ କଥା ହେବେ । ଫିଲ୍ମରେ ତଥ୍ୟଗୁଡିକୁ ଭୁଲ ଭାବରେ ଦର୍ଶାଯାଇଛି । ଏମାନଙ୍କ ପରିବର୍ତ୍ତୀ ଟାର୍ଗେଟେ ବେଙ୍ଗଲ ହୋଇପାରେ । ବେଙ୍ଗଲ ଫାଇଲ୍ସ ମଧ୍ୟ ନିର୍ମାଣ ହୋଇପାରେ । ପଶ୍ଚିମବଙ୍ଗରେ ଶାନ୍ତି ବଜାୟ ରଖିବାକୁ ଓ ହିଂସା ଭଳି କୌଣସି ଅଘଟଣକୁ ଏଡ଼ାଇବାକୁ ଏଭଳି ନିଷ୍ପତ୍ତି ନିଆଯାଇଥିବା ମମତା କହିଛନ୍ତି।

ସେହିପରି କେରଳ ସରକାର ମଧ୍ୟ ଫିଲ୍ମଟିକୁ ବିରୋଧ କରୁଛନ୍ତି। କେରଳ ମୁଖ୍ୟମନ୍ତ୍ରୀ ପିନରାୟୀ ବିଜୟନ ଏହି ଫିଲ୍ମର ନିର୍ମାତା ଓ ନିର୍ଦ୍ଦେଶକଙ୍କୁ ତୀବ୍ର ସମାଲୋଚନା କରିଛନ୍ତି। ଏହା ପୂର୍ବରୁ ରବିବାର (ଗତକାଲି) ତାମିଲନାଡୁର ସମସ୍ତ ମଲ୍‌ଟିପ୍ଲେକ୍ସରେ ଏହି ବିବାଦୀୟ ଫିଲ୍ମର ସ୍କ୍ରିନିଂକୁ ବନ୍ଦ କରି ଦିଆଯାଇଥିଲା। ଆଇନ ଶୃଙ୍ଖଳା ସ୍ଥିତି ଉପୁଜିପାରେ ତଥା ଲୋକେ ଏହାକୁ ଦେଖିବାକୁ ଆସିବେନି ବୋଲି ଆଶଙ୍କା କରି ଏମିତି ନିଷ୍ପତ୍ତି ନିଆଯାଇଥିବା ନେଇ ମଲ୍‌ଟିପ୍ଲେକ୍ସ ଗୁଡ଼ିକ ପକ୍ଷରୁ କୁହାଯାଇଥିଲା।