ଉତ୍ପାଦନ ଏବଂ ବିକ୍ରୟ କ୍ଷେତ୍ରରେ ରେ ନାଲକୋର ନୂଆ ରେକର୍ଡ

ଭୁବନେଶ୍ୱର, ୦୧ ଏପ୍ରିଲ ୨୦୨୪

ବର୍ଷ ୨୦୨୩-୨୪ ରେ ସର୍ବକାଳିନ ସର୍ବାଧିକ ବକ୍ସାଇଟ ଓ ଆଲୁମିନିୟମ୍ ଉତ୍ପାଦିତ

ପ୍ରଦର୍ଶନ ମୁଖ୍ୟାଂଶ:

• ସର୍ବକାଳିନ ସର୍ବାଧିକ ୪,୬୩,୪୨୮ ମେଟ୍ରିକ ଟନ୍ କାଷ୍ଟ ଧାତୁ ଉତ୍ପାଦିତ 

• ସର୍ବକାଳିନ ସର୍ବାଧିକ ୪,୭୦,୧୦୮ ମେଟ୍ରିକ ଟନ୍ ଧାତୁ ବିକ୍ରୟ 

• ସର୍ବକାଳିନ ସର୍ବାଧିକ ୭୬,୦୦,୨୩୦ ମେଟ୍ରିକ ଟନ୍ ବକ୍ସାଇଟ ଉତ୍ତୋଳନ

• ଉତ୍କଳ ଡି କୋଇଲା ଖଣି କାର୍ଯ୍ୟକ୍ଷମ ଏବଂ ସର୍ବାଧିକ ମୂଲ୍ୟାୟନ କ୍ଷମତା ସହ ୨ ମିଲିଅନ ଟନ୍ କୋଇଲା ଉତ୍ତୋଳନ 

ଭାରତ ସରକାରଙ୍କ ଖଣି ମନ୍ତ୍ରଣାଳୟ ଅଧିନସ୍ଥ ନବରତ୍ନ ଉଦ୍ୟୋଗ ତଥା ଦେଶର ଅଗ୍ରଣୀ ଆଲୁମିନା ଏବଂ ଆଲୁମିନିୟମ୍ ଉତ୍ପାଦନ ଓ ରପ୍ତାନିକାରୀ ନ୍ୟାସନାଲ ଆଲୁମିନିୟମ୍ କମ୍ପାନୀ ଲିମିଟେଡ(ନାଲକୋ) ବର୍ଷ ୨୦୨୩-୨୪ ରେ ଉତ୍ପାଦନ କ୍ଷେତ୍ରରେ ନୂଆ ରେକର୍ଡ ସୃଷ୍ଟି କରିଛି । 

କମ୍ପାନୀ ସର୍ବକାଳିନ ସର୍ବାଧିକ ୪,୬୩,୪୨୮ ମେଟ୍ରିକ ଟନ୍ ର କାଷ୍ଟ ଧାତୁ ଉତ୍ପାଦନ କରିଥିବାବେଳେ, ବିଗତ ସମସ୍ତ ରେକର୍ଡ କୁ ଅତିକ୍ରମ କରି ସର୍ବକାଳିନ ସର୍ବାଧିକ ୭୬,୦୦,୨୩୦ ମେଟ୍ରିକ ଟନ୍ ର ବକ୍ସାଇଟ ଉତ୍ତୋଳନ ସହ ୪,୭୦,୧୦୮ ମେଟ୍ରିକ ଟନ୍ ଧାତୁ ବିକ୍ରୟ କରିଛି । ଆର୍ଥିକ ବର୍ଷ ୨୦୨୩-୨୪ ରେ ମଧ୍ୟ କମ୍ପାନୀର ନୂତନ ଆଲୁମିନିୟମ୍ ଆଲୟ ଇଙ୍ଗଟ (ଏ.ଏଲ. ୫୯)ଏହାର ଉତ୍ପାଦ ଶ୍ରେଣୀରେ ଯୋଡ଼ି ହୋଇଛି । 

ବାର୍ଷିକ ଧାର୍ଯ୍ୟ ଲକ୍ଷ ଠାରୁ ଉର୍ଦ୍ଧ୍ୱ(୧୦୧.୧୫%) କ୍ଷମତା ଉପଯୋଗ ସହ ନାଲକୋର ଆଲୁମିନା ରିଫାଇନେରୀ ୨୧,୨୪,୦୦୦ ମେଟ୍ରିକ ଟନ୍ ଆଲୁମିନା ହାଇଡ୍ରେଟ୍ ଉତ୍ପାଦନ କରିଥିବାବେଳେ, କ୍ୟାପ୍ଟିଭ୍ ପାୱାର ପ୍ଲାଣ୍ଟ ୭୧୯୩.୬୨ ମିଲିୟନ ୟୁନିଟ୍ ବିଦ୍ୟୁତ ଉତ୍ପାଦନ କରିଛି । ଉଲ୍ଲେଖଯୋଗ୍ୟ ଯେ, ବର୍ଷ ୨୦୨୩-୨୪ ରେ ଉତ୍କଳ ଡି କୋଇଲା ଖଣି କାର୍ଯ୍ୟକ୍ଷମ ହେବା ସହ ୨ ମିଲିଅନ ଟନ୍ କୋଇଲା ଉତ୍ତୋଳନ କରାଯାଇଛି ଯାହାକି ଏହି ଖଣିର ସର୍ବାଧିକ ମୂଲ୍ୟାୟନ କ୍ଷମତା ଅଟେ ।

ଏହି ଅବସରରେ ନାଲକୋ, ସିଏମଡି ଶ୍ରୀ ଶ୍ରୀଧର ପାତ୍ର କହିଛନ୍ତି ଯେ, ବିଗତ ବର୍ଷମାନଙ୍କରେ ହୋଇଥିବା ପ୍ରଦର୍ଶନ ଅପେକ୍ଷା କମ୍ପାନୀ ସର୍ବଦା ଭଲ କରିବାକୁ ଚେଷ୍ଟା କରିଛି । ଚଳିତ ବର୍ଷର ଉଲ୍ଲେଖନୀୟ ସଫଳତା ନିମନ୍ତେ ସେ ନାଲକୋ ସମୁଦାୟ ଏବଂ ହିତଧାରକମାନଙ୍କୁ ଅଭିନନ୍ଦନ ଜଣାଇଛନ୍ତି । କର୍ମଚାରୀଙ୍କ ଉତ୍ସର୍ଗୀକୃତ ଓ କଠିନ ପରିଶ୍ରମ ତଥା ହିତଧାରକମାନଙ୍କ ସହଯୋଗକୁ ପ୍ରଶଂସା କରିବା ସହ ସେ କହିଛନ୍ତି ଯେ, ବିଗତ ଚାରି ବର୍ଷ ମଧ୍ୟରେ କମ୍ପାନୀ ପକ୍ଷରୁ, ବ୍ୟାକୱାର୍ଡ଼ ଇଣ୍ଟିଗ୍ରେସନ, ସୁନିଶ୍ଚିତ ଶକ୍ତି ଏବଂ କଞ୍ଚାମାଲ ଉପଲବ୍ଧତା ଭଳି ଅନେକ ପ୍ରମୁଖ ମାଇଲଖୁଣ୍ଟ ହାସଲ କରାଯାଇଛି