ପୂର୍ବତଟ ରେଳପଥ ମହାପ୍ରବନ୍ଧକଙ୍କ ଦ୍ୱାରା ବାଲୁଗାଁ-ପଲାସା ରେଳ ସେକ୍ସନ ନୀରିକ୍ଷଣ

ଭୁବନେଶ୍ୱର, ୦୪ ଫେବୃଆରୀ ୨୦୨୫

  

ସୁରକ୍ଷା ପଦକ୍ଷେପ, ଟ୍ରାଫିକ ଯାତାୟାତ ସୁବିଧା, ଯାତ୍ରୀ ସୁବିଧା ଏବଂ ଭିତ୍ତିଭୂମି ବିକାଶର ପ୍ରଗତି ମୂଲ୍ୟାଙ୍କନ କରିବା ପାଇଁ ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ ଇତିମଧ୍ୟରେ ବାଲୁଗାଁ-ପଲାସା ରେଳପଥ ସେକ୍ସନର ପୁର୍ନକାନୁପୁଙ୍ଖ ନୀରିକ୍ଷଣ କରିଛନ୍ତି । ଏହି ନୀରିକ୍ଷଣ ରେଳ ସେବା ବୃଦ୍ଧି ଏବଂ ଯାତ୍ରୀ ସନ୍ତୁଷ୍ଟି ସୁନିଶ୍ଚିତ କରିବା ପାଇଁ ପୂର୍ବତଟ ରେଳପଥର ନିରନ୍ତର ପ୍ରତିବଦ୍ଧତାର ଏକ ଅଂଶ ଥିଲା।

ଶ୍ରୀ ଫୁଙ୍କୱାଲଙ୍କ ଗସ୍ତ ସମୟରେ, ଚାଲୁରହିଥିବା ବିଭିନ୍ନ ଭିତ୍ତିଭୂମି ପ୍ରକଳ୍ପଗୁଡ଼ିକର ପୁଙ୍ଖାନୁପୁଙ୍ଖ ସମୀକ୍ଷା କରିଥିଲେ, ବିଶେଷକରି ଅମୃତ ଷ୍ଟେସନ ଯୋଜନା ଅଧୀନରେ ଷ୍ଟେସନ ପୁନର୍ବିକାଶ କାର‌୍ୟ୍ୟ ଉପରେ ଧ୍ୟାନ ଦେଇଥିଲେ। ସେ ନିର୍ମାଣ କାର‌୍ୟ୍ୟ ଅଗ୍ରଗତିରେ ସନ୍ତୋଷ ପ୍ରକାଶ କରିଥିଲେ ଏବଂ ସାମଗ୍ରିକ ଯାତ୍ରୀ ଅଭିଜ୍ଞତାକୁ ଉନ୍ନତ କରିବା ପାଇଁ ଏହି ଅତ୍ୟାବଶ୍ୟକ ଉନ୍ନୟନଗୁଡ଼ିକୁ ସମୟାନୁସାରେ ସମାପ୍ତ କରିବା ଉପରେ ଗୁରୁତ୍ୱାରୋପ କରିଥିଲେ।

ଶ୍ରୀ ଫୁଙ୍କୱାଲ ରନିଙ୍ଗ ରୁମରେ ପ୍ରଦାନ କରାଯାଇଥିବା ପରିଷ୍କାର ପରିଚ୍ଛନ୍ନତା ଏବଂ ଖାଦ୍ୟ ସେବାର ଗୁଣବତ୍ତା ଉପରେ ମଧ୍ୟ ବିଶେଷ ଧ୍ୟାନ ଦେଇଥିଲେ। ତାଙ୍କ ଯାଞ୍ଚରେ ସୋମପେଟା ଏବଂ ଇଚ୍ଛାପୁରମର ସେତୁ ପରିଦର୍ଶନ ମଧ୍ୟ ଅନ୍ତର୍ଭୁକ୍ତ ଥିଲା, ଯେଉଁଠାରେ ସେ ସୁରକ୍ଷା ପଦକ୍ଷେପ ଏବଂ ଭିତ୍ତିଭୂମି ଅଖଣ୍ଡତାର ମୂଲ୍ୟାଙ୍କନ କରିଥିଲେ।

ପଲାସା ଷ୍ଟେସନରେ ସେ ରେଳବାଇ କଲୋନି, କର୍ମଚାରୀଙ୍କ ପାଇଁ ରନିଙ୍ଗ ରୁମ୍ ଏବଂ ରୁଟ୍ ରିଲେ ଇଣ୍ଟରଲକିଂ (ଜଜଓ) କୋଠା ପରିଦର୍ଶନ କରିବାର ସୁଯୋଗ ନେଇଥିଲେ। ଏହି ଗସ୍ତ ସମୟରେ, ସେ ରନିଙ୍ଗ ରୁମ୍ କର୍ମଚାରୀମାନଙ୍କୁ ସେମାନଙ୍କର ଉତ୍କୃଷ୍ଟ ରକ୍ଷଣାବେକ୍ଷଣ ଏବଂ ପରିଷ୍କାର ପରିଚ୍ଛନ୍ନତା ପାଇଁ ନଗଦ ପୁରସ୍କାର ପ୍ରଦାନ କରି ସେମାନଙ୍କ ପ୍ରୟାସକୁ ସ୍ୱୀକୃତି ଦେଇଥିଲେ।

 ଏହା ସହିତ ମହାପ୍ରବନ୍ଧକ ଶ୍ରୀ ଫୁଙ୍କୱାଲ ପଲାସା ଏବଂ ଇଚ୍ଛାପୁରମରେ ଟ୍ରେନ ପରିଚାଳନାର ସୁରକ୍ଷା ଦିଗଗୁଡ଼ିକ ଯାଞ୍ଚ କରିଥିଲେ, ଯେଉଁଥିରେ ପଲାସା ନିକଟବର୍ତ୍ତୀ ସେତୁ, ଇଚ୍ଛାପୁରମ ୟାର୍ଡରେ ରେଳବାଇ କଲୋନି ଏବଂ ଞଜଊ ଡିପୋ ଅନ୍ତର୍ଭୁକ୍ତ।ସେ ସ୍ୱାସ୍ଥ୍ୟ ସେବା, ଯାତ୍ରୀ ସୁବିଧା ଏବଂ ବ୍ରହ୍ମପୁର ଷ୍ଟେସନରେ ଚାଲୁରହିଥିବା ବିକାଶମୂଳକ କାର‌୍ୟ୍ୟଗୁଡ଼ିକର ମଧ୍ୟ ସମୀକ୍ଷା କରିଥିଲେ।

ତାଙ୍କର ଏହି ନୀରିକ୍ଷଣ ସମୟରେ, ଶ୍ରୀ ଫୁଙ୍କୱାଲ ଜନପ୍ରତିନିଧି ଏବଂ ବିଭିନ୍ନ ସଂଗଠନର ସଦସ୍ୟଙ୍କ ସହ ସାକ୍ଷାତ କରି ଅଞ୍ଚଳର ରେଳ ସେବାରେ ଆହୁରି ଉନ୍ନତି ପାଇଁ ପରାମର୍ଶ ସଂଗ୍ରହ କରିଥିଲେ। ଏହି ଯାଞ୍ଚ ସମୟରେ ଖୋର୍ଦ୍ଧା ରୋଡ ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ଶ୍ରୀ ଏଚ୍.ଏସ୍. ବଜୱା, ପୂର୍ବତଟ ରେଳପଥ ମୁଖ୍ୟାଳୟ ଏବଂ ଖୋର୍ଦ୍ଧା ରୋଡ ରେଳ ମଣ୍ଡଳର ଅନ୍ୟ ବରିଷ୍ଠ ରେଳ ଅଧିକାରୀମାନେ ଉପସ୍ଥିତ ଥିଲେ।

ପୂର୍ବତଟ ରେଳପଥ ସୁରକ୍ଷିତ ଏବଂ ଦକ୍ଷ ଟ୍ରେନ ପରିଚାଳନା, ଯାତ୍ରୀ ସେବା ବୃଦ୍ଧି ଏବଂ ଉକ୍ତ ଅଞ୍ଚଳରେ ଭିତ୍ତିଭୂମି ବିକାଶ ଜାରି ରଖିବା ପାଇଁ ପ୍ରତିବଦ୍ଧ।