ଭଦ୍ରକ-ନିର୍ଗୁଣ୍ଡି ତୃତୀୟ ଲାଇନ ପ୍ରକଳ୍ପର ଅଂଶ ଭାବରେ ବୈତରଣୀ ରୋଡ ଏବଂ ଯାଜପୁର କେନ୍ଦୁଝର ରୋଡ (11.634 କିମି) ମଧ୍ୟରେ ତୃତୀୟ ଲାଇନରେ ସିଆରଏସ ଯାଞ୍ଚ ଏବଂ ବେଗ ପରୀକ୍ଷଣ :

ଭୁବନେଶ୍ୱର, ୧୫ ଅକ୍ଟୋବର ୨୦୨୫

ରେଳବାଇ ନିରାପତ୍ତା ଆୟୁକ୍ତ (ସିଆରଏସ) ଆଜି ପୂର୍ବତଟ ରେଳପଥ ରେଳପଥ ଖୋର୍ଦ୍ଧା ରୋଡ ରେଳମଣ୍ଡଳ ଅନ୍ତର୍ଗତ ହାଓଡ଼ା-ଚେନ୍ନାଇ ମୁଖ୍ୟ ରେଳ ମାର୍ଗରେ ବୃହତ ଭଦ୍ରକ-ନିର୍ଗୁଣ୍ଡି ତୃତୀୟ ଲାଇନର ଅଂଶ ଭାବରେ 11.634 କିମି ବିଶିଷ୍ଟ ବୈତରଣୀ ରୋଡ ଏବଂ ଯାଜପୁର କେନ୍ଦୁଝର ରୋଡ ମଧ୍ୟରେ ନୂତନ ଭାବରେ ନିର୍ମିତ ତୃତୀୟ ଲାଇନର ପୁଙ୍ଖାନୁପୁଙ୍ଖ ଯାଞ୍ଚ କରିଛନ୍ତି ।

ନିରୀକ୍ଷଣ ସମୟରେ, ଟ୍ରାକ୍ ଏବଂ ସମ୍ବନ୍ଧିତ ଭିତ୍ତିଭୂମି ଯାଞ୍ଚ କରିବା ପାଇଁ ମୋଟର ଟ୍ରଲି ଚଳାଚଳ କରାଯାଇଥିଲା । ନିୟମିତ ଟ୍ରେନ ପରିଚାଳନା ପାଇଁ ଟ୍ରାକ୍ ଉପଯୁକ୍ତ କି ନାହିଁ ତାହା ଯାଞ୍ଚ କରିବା ପାଇଁ ଏକ ପୂର୍ଣ୍ଣ ବେଗ ପରୀକ୍ଷଣ ମଧ୍ୟ କରାଯାଇଥିଲା ।

ସିଆରଏସ ଏବଂ ତାଙ୍କୁ ସହାୟତା କରୁଥିବା ବୈଷୟିକ ଦଳ ସମସ୍ତ ଗୁରୁତ୍ୱପୂର୍ଣ୍ଣ ନିରାପତ୍ତା ଉପାଦାନ ଯଥା ରେଳ ଟ୍ରାକ୍ ଜ୍ୟାମିତି ଏବଂ ଆଲାଇନମେଣ୍ଟ, କ୍ରସିଂ ଏବଂ ଟର୍ନଆଉଟ୍, ସେତୁ ଏବଂ କ୍ଷୁଦ୍ର କାର୍ଯ୍ୟ, ସିଗନାଲ, ଇଣ୍ଟରଲକିଂ ପ୍ରଣାଳୀ, ଏବଂ ସମ୍ବନ୍ଧିତ ନିରାପତ୍ତା ଗିଅର ଏବଂ ଡ୍ରେନେଜ୍, ସୁରକ୍ଷା କାର୍ଯ୍ୟ ଏବଂ ବାଡ଼ ଦେବା କାର୍ଯ୍ୟ ଇତ୍ୟାଦିକୁ ସତର୍କତାର ସହିତ ଯାଞ୍ଚ କରିଛନ୍ତି ।

ଏହି ନିରୀକ୍ଷଣର ଉଦ୍ଦେଶ୍ୟ ହେଉଛି ଯେ ଏହି ନବନିର୍ମିତ ରେଳ ସେକ୍ସନ ସୁରକ୍ଷିତ ଏବଂ ଟ୍ରାଫିକ୍ ଯାତାୟାତ ପାଇଁ କାର୍ଯ୍ୟକ୍ଷମ ହେବା ପୂର୍ବରୁ ଆବଶ୍ୟକୀୟ ମାନଦଣ୍ଡ ଅନୁପାଳନ କରୁଛି ବୋଲି ପ୍ରମାଣିତ କରିବା । ସିଆରଏସଙ୍କ ଠାରୁ ଆନୁଷ୍ଠାନିକ ସ୍ୱୀକୃତି ପାଇବା ପରେ ଏହି ତୃତୀୟ ଲାଇନ ସେକ୍ସନରେ ଟ୍ରେନ ସେବା କାର୍ଯ୍ୟ ଆରମ୍ଭ କରାଯିବ ।

ଏହି ସଦ୍ୟତମ ନିରୀକ୍ଷଣ ଭଦ୍ରକ-ନିର୍ଗୁଣ୍ଡି ତୃତୀୟ ଲାଇନ ରୁଟର ନୂତନ ସେଗମେଣ୍ଟଗୁଡ଼ିକୁ ଧୀରେ ଧୀରେ ଖୋଲିବା ପାଇଁ ଚାଲିଥିବା ପ୍ରୟାସର ଏକ ଅଂଶ ଅଟେ । ସମଗ୍ର ପ୍ରକଳ୍ପ ପ୍ରାୟ 92.19 କିଲୋମିଟର ଲମ୍ବରେ ବ୍ୟାପ୍ତ ଏବଂ ଏହା ହାଓଡା-ଚେନ୍ନାଇ ମୁଖ୍ୟ ରେଳ ମାର୍ଗରେ ଭିଡ଼ କମ କରିବା ଏବଂ କାର୍ଯ୍ୟକ୍ଷମ ନମନୀୟତା ବୃଦ୍ଧି କରିବା ଲକ୍ଷ୍ୟ ରଖିଛି ।

ପୂର୍ବ ସେଗମେଣ୍ଟଗୁଡ଼ିକ, ଯେପରିକି 16.80 କିଲୋମିଟର ହରିଦାସପୁର-ବୈରୀ ସେକ୍ସନକୁ ମଧ୍ୟ ସିଆରଏସଙ୍କ ଦ୍ୱାରା ଯାଞ୍ଚ କରାଯାଇଥିଲା ଏବଂ ବେଗ ପରୀକ୍ଷଣ କରାଯାଇଥିଲାବେଳେ ପରବର୍ତ୍ତୀ ସମୟରେ ଏହାକୁ କାର୍ଯ୍ୟକ୍ଷମ କରାଯାଇଥିଲା । ଆଜି ପର୍ଯ୍ୟନ୍ତ, ମୋଟ ପ୍ରକଳ୍ପ କାର୍ଯ୍ୟର 65 କିମିରୁ ଅଧିକ ସମାପ୍ତ ହୋଇଛି ।

ଭଦ୍ରକ - ନିର୍ଗୁଣ୍ଡି ତୃତୀୟ ଲାଇନ 2012–13 ଯୋଜନାରେ ଅନ୍ତର୍ଭୁକ୍ତ କରାଯାଇଥିଲା ଏବଂ ଅକ୍ଟୋବର 2015 ରେ ଚୂଡ଼ାନ୍ତ ମଞ୍ଜୁର ହୋଇଥିଲା । ଏହି ପ୍ରକଳ୍ପ ପାଇଁ କାର୍ଯ୍ୟକ୍ଷମ ହୋଇଥିବା ରେଳ ସେକ୍ସନ ଗୁଡିକ ହେଲା _

ଜଖପୁରା ଠାରୁ ହରିଦାସପୁର (23.53 କିଲୋମିଟର) - ଏପ୍ରିଲ୍ 2016 ସମାପ୍ତ ହୋଇଛି |

କପିଳାସ ରୋଡ୍ ଠାରୁ ଶାଳଗାଁ (4.30 କିଲୋମିଟର) - ମେ 2019 ରେ କାର୍ଯ୍ୟକ୍ଷମ |

କପିଳାସ ରୋଡ୍ ଠାରୁ ନିର୍ଗୁଣ୍ଡି (4.20 କିଲୋମିଟର) - ଅକ୍ଟୋବର 2022 ରେ କାର୍ଯ୍ୟକ୍ଷମ |

ବୈରୀ-ଧାନମଣ୍ଡଳ-ହରିଦାସପୁର -16.8 କିଲୋମିଟର - ସେପ୍ଟେମ୍ବର 2023 ରେ କାର୍ଯ୍ୟକ୍ଷମ |

ରାଣୀତାଲ ଜଙ୍କସନ ଠାରୁ ଭଦ୍ରକ (5.05 କିଲୋମିଟର) - ଡିସେମ୍ବର 2024 ରେ କାର୍ଯ୍ୟକ୍ଷମ |

ଏହି ପ୍ରକଳ୍ପ 2026-2027 ଆର୍ଥିକ ବର୍ଷରେ ସମାପ୍ତ ହେବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି, ଯାହାର ଆନୁମାନିକ ପ୍ରକଳ୍ପ ମୂଲ୍ୟ ବର୍ତ୍ତମାନ 1,284.39 କୋଟି ଟଙ୍କା ରହିଛି ।

ସମ୍ପୂର୍ଣ୍ଣ କାର୍ଯ୍ୟକ୍ଷମ ହେବା ପରେ ଏହି ତୃତୀୟ ଲାଇନ ହାଓଡ଼ା-ଚେନ୍ନାଇ ରେଳ ମାର୍ଗରେ ଅଧିକ ଟ୍ରେନ ଚଳାଚଳ ଏବଂ କାର୍ଯ୍ୟକ୍ଷମ ସ୍ଥିରତା ପ୍ରଦାନ କରିବା ସହ ଭିଡ଼ ହ୍ରାସ କରିବ ଏବଂ ସମୟାନୁବର୍ତ୍ତିତାରେ ଉନ୍ନତି ଆଣିବା ସହ ଏହି ଅଞ୍ଚଳରେ ଆର୍ଥିକ ଅଭିବୃଦ୍ଧିକୁ ପ୍ରୋତ୍ସାହିତ କରିବ ।