ବିଭାଗୀୟ ସମୀକ୍ଷାରେ ସେଲଟର ହୋମ୍‌ଗୁଡ଼ିକରେ କୋଭିଡ୍ ସଚେତନତା ଉପରେ ଗୁରୁତ୍ବ ସମସ୍ତ ଅନ୍ତେବାସୀ ସୁରକ୍ଷିତ।

ଭୁବନେଶ୍ବର : ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଦ୍ବାରା ପରିଚାଳିତ ସମଗ୍ର ରାଜ୍ୟରେ ଥିବା ସେଲଟର ହୋମଗୁଡ଼ିକର (ସ୍ବଳ୍ପ ରହଣି କେନ୍ଦ୍ର) ଅନ୍ତେବାସୀମାନଙ୍କୁ କୋଭି –୧୯ ସଂକ୍ରମଣରୁ ସୁରକ୍ଷା ପ୍ରଦାନ ପାଇଁ ବହୁବିଧ ପଦକ୍ଷେପ ନିଆଯାଇଛି । କେଭିଡ୍ –୧୯ ନିୟମାବଳୀର କଡ଼ାକଡ଼ି ଅନୁପାଳନ ସହ ହାତ ଧୋଇବା, ମାସ୍କ ପିନ୍ଧିବା ଏବଂ ସାମାଜିକ ଦୂରତ୍ୱ ରକ୍ଷା କରିବା ଆଦି ସଂପର୍କରେ ବ୍ୟାପକ ସଚେତନତା ସୃଷ୍ଟି କରାଯାଇଛି । 

କେଭିଡ୍ – ୧୯ ସଂକ୍ରମଣକୁ ପ୍ରତିହତ କରିବା ନିମନ୍ତେ ସେଲ୍‌ଟର ହୋମ୍‌ଗୁଡ଼ିକରେ ନିଆଯାଇଥିବା ବିଭିନ୍ନ ପଦକ୍ଷେପ ସଂପର୍କରେ । ଆଜି ବିଭାଗୀୟ ପ୍ରମୁଖ ଶାସନ ସଚିବ ଶ୍ରୀମତୀ ଅନୁ ଗର୍ଗ ଜୁମ୍ ଅନ୍‌ଲାଇନ୍ ବୈଠକରେ ସମୀକ୍ଷା କରିଛନ୍ତି । ଏହି ସମୀକ୍ଷା ସମୟରେ ଜିଲ୍ଲା ସମାଜ ମଙ୍ଗଳ ଅଧୁକାରୀ ଏବଂ ବିଭିନ୍ନ ସେଣ୍ଟର ହୋମ୍‌ର ସଭାପତି ଓ ସଂପାଦକ ଅନ୍‌ଲାଇନ୍‌ରେ ଯୋଗଦେଇଥିଲେ । କୋଭିଡ୍ – ୧୯ ସଂକ୍ରମଣକୁ ପ୍ରତିହତ କରିବା ନିମନ୍ତେ ସ୍ବଚ୍ଛତା ଓ ବିଶୋଧନକୁ ସୁନିଶ୍ଚିତ କରିବା ସହ ଅନ୍ତେବାସୀମାନଙ୍କ ନିରାପତ୍ତା ଓ ସୁରକ୍ଷା ଉପରେ ପ୍ରମୁଖ ଶାସନ ସଚିବ ଶ୍ରୀମତୀ ଗର୍ଗ  ଗୁରୁତ୍ବାରୋପ କରିଥିଲେ ।

ନିର୍ଦ୍ଦେଶକ, ସମାଜ କଲ୍ୟାଣ ଶ୍ରୀ ଅରବିନ୍ଦ ଅଗ୍ରୱାଲ୍ ଅଂଶଗ୍ରହଣକାରୀମାନଙ୍କ ସହ ସେଲ୍ଟର ହୋମଗୁଡ଼ିକର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିବା ସହ ଏହାର ସଠିକ୍ ପରିଚାଳନାକୁ ତଦାରଖ କରିବା ନିମନ୍ତେ ଜିଲ୍ଲା ସମାଜ ମଙ୍ଗଳ ଅଧୁକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । ରାଜ୍ୟରେ ସେଣ୍ଟର ହୋମ୍ ଅଧୀନରେ ୫୫ଟି ସ୍ୱଧାର ଗୃହ ଏବଂ ୧୨ଟି ଉଜ୍ଜଳା ଗୃହ ରହିଛି । ଏହି ଗୃହଗୁଡ଼ିକରେ ପ୍ରାୟ ୨୩୦୦ ଅନ୍ତେବାସୀ ରହୁଛନ୍ତି । ସ୍ୱଧାର ଗୃହଗୁଡ଼ିକରେ ପୀଡ଼ିତା ମହିଳା ଏବଂ ଉଜ୍ଜଳା ଗୃହରେ ଚାଲାଣର ଶିକାର ହୋଇଥିବା ମହିଳାମାନଙ୍କୁ ରଖାଯାଉଛି । 

ସେଣ୍ଟର ହୋମ ଅନ୍ତେବାସୀ ଏବଂ ସେମାନଙ୍କ ପିଲାମାନଙ୍କ ସ୍ବାସ୍ଥ୍ୟ ସଂପର୍କିତ ସବିଶେଷ ତଥ୍ୟ ଦୈନିକ ବିଭାଗ ଦ୍ଵାରା ସଂଗ୍ରହ କରାଯିବା ସହ କୋଭିଡ୍ ପରିସ୍ଥିତିରେ ନିୟମିତ ସମୀକ୍ଷା କରାଯାଉଛି । ବୈଠକରୁ ଜଣାଯାଇଛି ଯେ ସେଟର ହୋ ସମସ୍ତ ଅନ୍ତେବାସୀ ସୁରକ୍ଷିତ ଅଛନ୍ତି ଏବଂ କୋଭିଡ୍ –୧୯ର ସମସ୍ତ ନିୟମକୁ ସୁଚାରୁ ରୂପେ ପାଳନ କରାଯାଉଛି ।