କିଟରେ ମେଗା ଡିଜିଟାଲ ଏଚ୍ଆର୍ କନକ୍ଲେଭ ବର୍ଭମାନଠାରୁ ଭବିଷ୍ୟତ ପାଇଁ କର୍ଯ୍ୟସ୍ଥଳୀର ପୁନଃପ୍ରସ୍ତୁତି।

ଭୁବନେଶ୍ୱର : କିଟ୍ ସ୍କୁଲ୍ ଅଫ୍ ମ୍ୟାନେଜମେଣ୍ଟ ପକ୍ଷରୁ ଦୁଇଦିନିଆ ମେଗା ଡିଜିଟାଲ୍ ଏଆର କଣ୍ଡୁଭ ଶୁକ୍ରବାର ଉଦ୍‌ଘାଟିତ ହୋଇଯାଇଛି । ଏହି ମେଗା ଏଆର କକ୍ରେଭର ବିଷୟବସ୍ତୁ ‘ବର୍ଭମାନଠାରୁ ଭବିଷ୍ୟତ ପାଇଁ କାର୍ଯ୍ୟସ୍ଥଳୀର ପୁନଃପ୍ରସ୍ତୁତି’ ରଖାଯାଇଥିବା ବେଳେ ଏହାକୁ କିଟ୍ ଓ କିସ୍‌ର ପ୍ରତିଷ୍ଠାତା ଅଚ୍ୟୁତ ସାମନ୍ତ ଉଦ୍‌ଘାଟନ କରିଥିଲେ । ଶ୍ରୀ ସାମନ୍ତ କହିଲେ ବର୍ତ୍ତମାନ ପରିପ୍ରେକ୍ଷୀରେ ଏଭଳି ବିଷୟବସ୍ତୁର ଯଥାର୍ଥତା ରହିଛି । ମହାମାରୀ ଯୋଗୁଁ ବିଶ୍ୱ ଅର୍ଥନୀତିରେ ଅନେକ ପ୍ରକାର ପରିବର୍ତ୍ତନ ଦେଖା ଦେଇଛି । କାର୍ଯ୍ୟସ୍ଥଳୀର ପୁନଃପ୍ରସ୍ତୁତି କଠିନ ସମୟରେ ସକାରାତ୍ମକତା ଆଣିବ ବୋଲି ସେ  କହିଥିଲେ । କିଟ୍ ଓ କିସ୍‌ର ଉଦାହରଣ ଦେଇ ଶ୍ରୀ ସାମନ୍ତ କହିଲେ, ବର୍ତ୍ତମାନ ପରିସ୍ଥିତିକୁ ତୁରନ୍ତ ଖାପ ଖୁଆଇ ଏହି ଦୁଇଟି ଅନୁଷ୍ଠାନ ସବୁ ପ୍ରକାର କାର୍ଯ୍ୟ ଡିଜିଟାଲ ମାଧ୍ୟମରେ କରିଆସୁଛନ୍ତି । 

ଦେଶରେ ତାଲାବନ୍ଦ ଘୋଷଣା ହେବାଠାରୁ ଏହି ଦୁଇ ଅନୁଷ୍ଠାନ ଛାତ୍ରଛାତ୍ରୀଙ୍କୁ ଡିଜିଟାଲ୍ ପ୍ଲାଟଫର୍ମ ମାଧମରେ ନିରନ୍ତର ଶିକ୍ଷାଦାନ କରିଆସୁଛନ୍ତି । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବିଶିଷ୍ଟ ଲେଖକ ସ୍ପଟ୍ ଫେମାନ, କଣ୍ଡମ୍ପର ସିଇଓ ସଞ୍ଜୟ ମୁଥଲ, ସଫ୍ଟ ବ୍ୟାଙ୍କ ଇଣ୍ଡିଆର ମୁଖ୍ୟ ମନୋଜ କୋହଲି, କିଟ୍ ବିଶ୍ୱବିଦ୍ୟାଳୟ କୁଳପତି ପ୍ରଫେସର ହୃଷୀକେଶ ମହାନ୍ତି, ଉପକୁଳପତି ପ୍ରଫେସର ସସ୍ମିତାରାଣୀ ସାମନ୍ତ, କିଟ୍ କର୍ପୋରେଟ୍ ରିଲେସନ୍ ନିର୍ଦ୍ଦେଶକ ଡ. କୁମାର ମହାନ୍ତି, ପ୍ରେମେଣ୍ଟ ଓ ଇଣ୍ଡଷ୍ଟ୍ରି ଏଗେଜମେଣ୍ଟ ନିର୍ଦ୍ଦେଶକ ଡ. ଶରଣଜିତ ସିଂହ, କିଟ୍ ମ୍ୟାନେଜମେଣ୍ଟ ସ୍କୁଲର ନିର୍ଦ୍ଦେଶକ ଡ. ସରୋଜ କୁମାର ମହାପାତ୍ର ପ୍ରମୁଖ ଅଂଶଗ୍ରହଣ କରିଥିଲେ । ଏହି ମେଗା ଡିଜିଟାଲ କନକ୍ଲେଭରେ ୫ଟି ମହାଦେଶର ୧୭ଟି ଦେଶରୁ ୨ ଶହରୁ ଉର୍ଦ୍ଧ କର୍ପୋରେଟ ପ୍ରଫେସନାଲଙ୍କ ସମେତ ୩ ହଜାରରୁ ଊର୍ଦ୍ଧ୍ବ ଛାତ୍ରଛାତ୍ରୀ ଯୋଗ ଦେଇଥିଲେ।