ଆନନ୍ଦପୁର ମ୍ୟୁନସିପାଲିଟି ପାଇଁ ପି.ସି.ସି. ସଭାପତିଙ୍କ ଜିଲ୍ଲାପାଳଙ୍କୁ ଅନୁରୋଧ।

ଭୁବନେଶ୍ୱର : କରୋନାରୁ ଲୋକମାନଙ୍କର ଜୀବନ ରକ୍ଷା ପାଇଁ ସରକାର ବହୁ ନୀତି ନିୟମ କରୁଛନ୍ତି । ସେଥିପାଇଁ ଧନ୍ୟବାଦ । ଆମ୍ଭେମାନେ ତାହା ମାନିବା ଉଚିତ ବୋଲି ଏକ ପ୍ରେସ୍‌ ବିଜ୍ଞପ୍ତିରେ  ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ କହିଛନ୍ତି । ସେ କହିଛନ୍ତି, ଆନନ୍ଦପୁର ମ୍ୟୁନିସିପାଲିଟି ଏରିଆରେ ଦେଢ଼ମାସ ଧରି ଲଡାଉନ୍, ସଡାଉନ୍ ଚାଲିଛି । ଗତ ୭ ଦିନ ଭିତରେ ୧୦/୧୨ଟି କେସ୍ ଆନନ୍ଦପୁର ମ୍ୟୁନିପାଲିଟି ଅଞ୍ଚଳରୁ ବାହାରିଛି । ୧୦ଟି ୱାର୍ଡରେ କୌଣସି ସଂକ୍ରମିତ ବାହାରି ନାହାନ୍ତି । 

ପରିବା ବିକାଳୀଙ୍କଠାରୁ ଆରମ୍ଭ କରି ସବୁ ଶ୍ରେଣୀର ଲୋକେ ବଡ଼ ଅସୁବିଧାରେ ଜୀବନଯାପନ କରୁଛନ୍ତି । ଲଡାଉନ୍ ଓ ସଡାଉନ୍ କୋହଳ କରିବା ପାଇଁ । ଯେଉଁ ୱାର୍ଡ଼ରେ କରୋନା ସଂକ୍ରମିତ ରୋଗୀ ବାହାରୁଛନ୍ତି, । ତାହାର ପାର୍ଶ୍ୱବର୍ତ୍ତୀ ୱାର୍ଡ଼କୁ ମିଶାଇ କଣ୍ଟମେଣ୍ଟ ଜୋନ୍ ଘୋଷଣା କରି ଅନ୍ୟ ଅଞ୍ଚଳ ପାଇଁ ଲକ୍‌ଡାଉନ୍ ଓ ସଡାଉନ୍ କୋହଳ କରାଯାଉ ବୋଲି ଶ୍ରୀ ପଟ୍ଟନାୟକ କେନ୍ଦୁଝର ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି । ଆସନ୍ତା ସପ୍ତାହରେ ଏ ବିଷୟରେ ବିଚାର କରିବେ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।