ଓଡିଶା ରାଜ୍ୟ ଅଭିଲେଖାଗାରରେ ୪୭ତମ ସଂସ୍କୃତି ଚର୍ଚ୍ଚା ସମାରୋହ। ଓଡ଼ିଶାରେ ମହିମା ଧର୍ମ ।

ଭୁବନେଶ୍ବର ; ନୋବେଲ୍ କୋଭିତ୍ – ୧୯ ଭାଇରସ ସଂକ୍ରମରେ ଭାରତ ତଥା ସମଗ୍ର ବିଶ୍ବ ସଂକ୍ରମିତ ଯୋଗୁଁ ସରକାରଙ୍କ ନିର୍ଦ୍ଦେଶନାମା ଏବଂ ସାମାଜିକ ଦୂରତା ଅବଲମ୍ବନ ପୂର୍ବକ ଆଜିର ୪୭ତମ ସଂସ୍କୃତି ଚର୍ଚ୍ଚ ସମ୍ମାନ ଇଂଟରନେଟ୍ ଦୃଶ୍ୟଶ୍ରାବ୍ୟ ମାଧ୍ୟମରେ ଓଡିଶା ରାଜ୍ୟ ଅଭିଲେଖାଗାରରେ ଅନୁଷ୍ଠିତ ହୋଇଯାଇଅଛି । ଉକ୍ତ ଉତ୍ସବରେ ମୁଖ୍ୟ ବକ୍ତା ଭାବରେ ମହିମା ଗାଦିର ମାନନୀୟ ବାବା ରଘୁନାଥ ଦାସ ଏବଂ ସମ୍ମାନର ମୁଖ୍ୟ ଅତିଥୀ ଭାବରେ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗର ପ୍ରମୁଖ ଶାସନ ସଚିବ ଶ୍ରୀଯୁକ୍ତ ବିଷ୍ଣୁପଦ ସେଠୀ ଯୋଗଦାନ କରିଥିଲେ । ସଭାପତିତ୍ବ କରିଥିଲେ ନିର୍ଦ୍ଦେଶକ ତଥା ଅତିରିକ୍ତ ଶାସନ ସଚିବ ଶ୍ରୀଯୁକ୍ତ ରଞ୍ଜନ କୁମାର ଦାସ । ସମ୍ପାନରେ ସାଗତ ଭାଷଣ ଦେଇଥିଲେ ଅଭିଲେଖାଗାରର ଅଧୀକ୍ଷକ ଡ. ଶେଖ ସୋଲେମାନ ଅଲ୍ଲୀ ଏବଂ ଧନ୍ୟବାଦ ଅର୍ପଣ କରିଥିଲେ ଅଭିଲେଖାଗାରର ବୈଷୟିକ ସହାୟକ, ଉପେନ୍ଦ୍ର କୁମାର ବେହେରା ।

ଏହି ଅବସରରେ ମୁଖ୍ୟ ବକ୍ତା ଭାବରେ ମହିମା ଗାଦିର ମାନନୀୟ ବାବା ରଘୁନାଥ ଦାସ ମହୋଦୟ ବର୍ଣ୍ଣନା କରିଥିଲେ ଯେ ମହିମା ଧର୍ମ ହେଉଛି ସୃଷ୍ଟିର ଆଦିଧର୍ମ । ବିଶ୍ୱ ଦରବାରର ଧର୍ମ । ବ୍ରହ୍ମାଣ୍ଡରେ ଯେତେବେଳେ ଅତ୍ୟଧୁକ ପାପରଭାର ବଢିଚାଲିଲା ସେତେବେଳେ ପ୍ରଥଦେବୀ ସହ୍ୟ କରିନପାରି ସେ ଶୂନ୍ୟବ୍ରହୁ ଅଲେଖ ମହିମାଙ୍କୁ ପ୍ରାର୍ଥନା କଲେ । ବ୍ରହ୍ମାଣ୍ଡର ପାପଭାର ଖଣ୍ଡନ ନିମନ୍ତେ ମର୍ତ୍ତ୍ୟମଣ୍ଡଳରେ ମହିମା ଗୋସାଇଁଙ୍କ ଜନ୍ମ । ଚାରିଖାନି ଜୀବ ଉଡା ୧୪, ବୁଡା ୧୪, ଚଳ ୧୪ ଏବଂ ଅଚଳ ୧୪ ଏହିପରି ଭାବରେ ୫୬ କୋଟି ଜୀବ ଅଲେଖ ମହିମାଙ୍କ ଠାରୁ ସୃଷ୍ଟି । ମହିମା ଧର୍ମ ହେଉଛି ଓଡ଼ିଶାର ନିଜସ ଧର୍ମ । ବ୍ରହ୍ମ ହେଉଛି ସତ୍ ଚିତ୍ ଆନନ୍ଦ ସଚିଦାନନ୍ଦ । ମହିମା ଗୋସାଇଁ ପ୍ରଥମେ ଧରାପୃଷ୍ଠରେ ଆବିର୍ଭାବ ହେବା ସମୟରେ ହିମାଳୟଠାରେ ୧୨ ବର୍ଷ ତପସ୍ୟାପରେ ବିଭିନ୍ନ ସ୍ଥାନ ଭ୍ରମଣ କରି ପୁରୀ, ଧଉଳିଗିରି, ଉଦୟଗିରି ଏବଂ ଶେଷରେ ଢେଙ୍କାନଳର ତପୋବନ କପିଳାସ ଠାରେ ନିଜର ଗାଦି ସ୍ଥାପନ କଲେ । ରଘୁବାବା ମହୋଦୟ ଚାରିଯୁଗ ସତ୍ୟ, ତ୍ରେତେୟା, ଦ୍ବାପର, କଳିର ଉଦ୍ଧରେ ରହି ଅଲେଖ ମହିମା କିପରି ନିୟନ୍ତ୍ରଣ କରନ୍ତି ବିଶଭାବରେ କହିଥିଲେ । 

ଅତ୍ୟତା ନିବାରଣ ଉପରେ ମଧ୍ୟ ଉଲେଲେଖ କରିଥିଲେ । ଶରୀର ତତ୍ର ଉପରେ କହିବାକୁ ଯାଇ ଶରୀରର ମତିଷ୍କରେ ଶୂନ୍ୟବ୍ରହୁ ରହି କେଉଁ ଅଙ୍ଗରେ କେଉଁଠାକୁର ଶରୀରରେ ରହି ଏକାଦଶ ଜ୍ଞାନେନ୍ଦ୍ରିୟ ନିୟନ୍ତ୍ରଣ କରନ୍ତି ସେ ବିଷୟରେ ବର୍ଣ୍ଣନା କରିଥିଲେ। ସମ୍ପାନର ମୁଖ୍ୟ ଅତିଥ୍ୟ ବିଭାଗୀୟ ପ୍ରମୁଖ ଶାସନ ସଚିବ, ଶ୍ରୀଯୁକ୍ତ ବିଷ୍ଣୁପଦ ସେଠୀ ମହୋଦୟ ଉବୋଧନରେ କହିଥିଲେ ଯେ ଗୋଟିଏ ସମାଜରେ ଯେତେବେଳେ କୁସଂସ୍କାର ଓ ଶେଷଣର ମାତ୍ରା ବଢିଯାଏ, ସେତେବେଳେ ଆଉ ଏକ ଅଭିନବ ବ୍ୟବସ୍ଥା ଆରମ୍ଭ କରିବା ପାଇଁ ପ୍ରତିବାଦ ଆରମ୍ଭ ହୋଇଯାଏ । ଜାତିବାଦର ସଂକୀର୍ତ୍ତତା, ବ୍ରାହ୍ମଣବାଦର ଶୋଷଣ, ସାମାଜିକ ବୈଷମ୍ୟ, ନିର୍ଯ୍ୟାତନା, ପିତୁଳାପୂଜା ବା ମୂର୍ତ୍ତି ଉପାସନା ଇତ୍ୟାଦିର ବିରୋଧରେ ଦୃଢ ସର ଉତୋଳନ କରିବା ସହିତ ମାନବିକତା, ନୈତିକତା ତଥା ସମାଜ ସେବାର ମନ୍ତ୍ର ଗାନ କରି ମହିମା ଧର୍ମ ପ୍ରତିଷ୍ଠିତ ହୋଇଛି । 

ସକଳ ଶକ୍ତିର ଆଧାର ସୂର୍ଯ୍ୟଙ୍କୁ ଏହି ଧାରାରେ ଗୁରୁତ୍ବ ଦିଆ ଯାଇଥିଲେ ମଧ୍ୟ ଏକେଶ୍ୱରବାଦ, ଶୂନ୍ୟପୁରୁଷ ପୂଜନ ଏହାର ମୂଳ ବିଭବ ମହିମା ଧର୍ମ ଓଡିଶାର ସାଂସ୍କୃତିକ ବିଭବର ଏକ ଅଙ୍ଗ ହୋଇ ରହିଛି । ଓଡ଼ିଆଙ୍କ ସାଂସ୍କୃତିକ ଅଭ୍ୟଦୟର ଇତିହାସରେ ମହିମାଧର୍ମର ପ୍ରଭାବ ପ୍ରତିଷ୍ଠା ଏକ ବିଶେଷ ଅୟ ଭାବରେ ବିବେଚିତ ହେବ । ଏହି ଅବସରରେ ବିଭାଗୀୟ ନିର୍ଦ୍ଦେଶକ ତଥା ଅତିରିକ୍ତ ଶାସନ ସଚିବ ଶ୍ରୀଯୁକ୍ତ ରଞ୍ଜନ କୁମାର ଦାସ ଅତିଥି ଏବଂ  ଗଣମାଧ୍ୟମର ବନ୍ଧୁମାନଙ୍କୁ ସାଗତ କରିବା ସହିତ ଏଭଳି କାର୍ଯ୍ୟକ୍ରମକୁ ଉଚ୍ଚ ପ୍ରଶଂସା କରିଥିଲେ।