କଳିଙ୍ଗନଗର ଆଦିବାସୀ ଗଣହତ୍ୟାର ୧୫ତମ ବାର୍ଷିକୀ ପାଳନ ପାଇଁ ପିସିସି ସଭାପତିଙ୍କ ଆହ୍ବାନ

ଭୁବନେଶ୍ୱର : ଓଡ଼ିଶାର କଳଙ୍କିତ ଅଧ୍ୟାୟ ସୃଷ୍ଟି କରିଥିବା ଯାଜପୁର ଜିଲ୍ଲାର କଳିଙ୍ଗନଗରରେ ସଙ୍ଗଠିତ ବର୍ବୋରଚିତ ଆଦିବାସୀ ଗଣହତ୍ୟାର ୧୫ତମ ବାର୍ଷିକୀ, ଜାନୁଆରୀ ୨ ତାରିଖ ଶନିବାର ଦିନ ରାଜ୍ୟବ୍ୟାପୀ ପ୍ରତ୍ୟେକ ବ୍ଲକ ଓ ମ୍ୟୁନିସିପାଲିଟି ସ୍ତରରେ ପାଳନ ପାଇଁ ପ୍ରଦେଶ କଂଗ୍ରେସ କମିଟିର ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଆହ୍ବାନ ଦେଇଛନ୍ତି । ଠିକ ୧୫ ବର୍ଷ ତଳେ ୨୦୦୬ର ନୂଆ ବର୍ଷର ଦ୍ବିତୀୟ ଦିନରେ ବିଜୁଜନତା ଦଳ ଓ ଭାରତୀୟ ଜନତା ପାର୍ଟିର ଭାଗୁଆଳି ସରକାରୀ ନିରୀହ ଆଦିବାସୀମାନଙ୍କ ଉପରେ ଗୁଳିଚଳାଇଥିଲା ଓ ଏଥିରେ ୧୬ ଜଣ ଆଦିବାସୀ ଭାଇ ଓ ଭଉଣୀ ମୃତ୍ୟୁବରଣ କରିଥିଲେ । 

୬ ମାସର ଅବୋଧ ଶିଶୁର ମା’ ମଧ୍ୟ ବିଜେଡ଼ି-ବିଜେପି ସରକାର ଗୁଳିରୁ ରକ୍ଷା ପାଇନଥୁଲା । ଗୋଟିଏ ପଟେ କଂଗ୍ରେସ ନେତୃତ୍ବାଧୀନ ୟୁ.ପି.ଏ/ ସରକାର ଆଦିବାସୀଙ୍କ ଭିଟାମଟି ଓ ଜମିର ସୁରକ୍ଷା ପାଇଁ ଐତିହାସିକ ଜଙ୍ଗଲ ଅଧୁକାର ଆଇନ୍ ଓ ଜମି ଅଧଗ୍ରହଣ ଆଇନ୍ ଲାଗୁକରିଥିଲା । ଅପରପଟେ ବିଜେଡ଼ି ଓ ବିଜେପିର ଭାଗୁଆଳି ସରକାର ଆଦିବାସୀଙ୍କୁ ମାନଙ୍କର କମି ଛଡ଼େଇନେଲା ଓ ଆଜିର ଦିନରେ ସେହି ଘଟଣାର ପୁନରାବୃତି କରି ଚାଷୀ ମାରଣ ଯଜ୍ଞ ଚଳାଇଛି । 

ଆଦିବାସୀଙ୍କର ସମ୍ମାନ, ସ୍ଵାଭିମାନ ଓ ସ୍ଵାର୍ଥପାଇଁ କଂଗ୍ରେସ ଦଳ ଯେକୌଣସି ମୂଲ୍ୟ ଦେବାକୁ ପ୍ରସ୍ତୁତ । ଗୁଳିକାଣ୍ଡ ଓ ଆଦିବାସୀ ଗଣହତ୍ୟାର ୧୫ବର୍ଷ ପାଳନ ଅବସରରେ ପ୍ରଦେଶ କଂଗ୍ରେସ କମିଟି ପକ୍ଷରୁ ରାଜ୍ୟର ସମସ୍ତ ବ୍ଲକ ଓ ପୌରାଂଚଳରେ କର୍ମୀମାନେ ସକଳା ୧୧ ଘଟିକାରୁ ଅପରାହ୍ନ ୧ ଟା ପର୍ଯ୍ୟନ୍ତ ଧାରଣାରେ ବସିବେ । ଜିଲ୍ଲା ମହକୁମାରେ ମଧ୍ୟ ଏହି କାର୍ଯ୍ୟକୟମ କରାଯିବ । ସମଗ୍ର ରାଜ୍ୟବାସୀ ଏଥୁରେ ସାମିଲ ହେବାକୁ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଅନୁରୋଧ କରିଛନ୍ତି ।