ଆଇଟି ଭିଭିଭୂମି ଅନୁଧାନ ସହ ପିଲାଙ୍କ ଗହଣରେ ସମୟ ବିତାଇଲେ ମନ୍ତ୍ରୀ ତୁଷାରକାନ୍ତ ବେହେରା

ଭୁବନେଶ୍ୱର, କ୍ରୀଡା, ଯୁବସେବା, ଇଲେକ୍ଟ୍ରୋନିକ୍‌ସ ଓ ସୂଚନା ପ୍ରଯୁକ୍ତି ମନ୍ତ୍ରୀ ତାଙ୍କ ସୁନ୍ଦରଗଡ ଜିଲ୍ଲା ଗସ୍ତର ଦ୍ବିତୀୟ ଦିନରେ ହକି ଖେଳୁଥିବା ସ୍କୁଲ ଛାତ୍ରଛାତ୍ରୀ ଏବଂ ପିଲାଙ୍କ ଗହଣରେ ସମୟ ବିତାଇବା ସହ ସେମାନଙ୍କ ସହ ଭାବବିନିମୟ କରିଛନ୍ତି । ଆଜି ପୂର୍ବାହ୍ନରେ ମନ୍ତ୍ରୀ ଶ୍ରୀ ବେହେରା ରାଉରକେଲାସ୍ଥିତ ଏସଟିପିଆ କେନ୍ଦ୍ର ବୁଲିବା ସହ ସେଠାକାର ଆଇଟି ଭିତ୍ତିଭୂମୀ, ଆବଶ୍ୟକ ସୁବିଧା ସୁଯୋଗ, ସହ ରାଜ୍ୟରେ ଆଇଟି କ୍ଷେତ୍ରକୁ କିପରି ବ୍ୟାପକ କରିହେବ ଏବଂ ଏ କ୍ଷେତ୍ରରେ ଅଧିକରୁ ଅଧୁକ ନିଯୁକ୍ତି ସୁଯୋଗ ସୃଷ୍ଟି କରାଯାଇପାରିବ ସେସମ୍ପର୍କରେ ବରିଷ୍ଠ ଅଧୁକାରୀମାନଙ୍କ ସହ ଆଲୋଚନା କରିଥିଲେ । 

ପରେ ମନ୍ତ୍ରୀ ଶ୍ରୀ ବେହେରା ବିଶ୍ରା ବ୍ଲକ୍‌ରେ ପହଞ୍ଚି ସେଠାରେ ଟର୍ଫ ବିଛାଯିବାକୁ ଥିବା ପଡିଆ ଦେଖୁଯିବା ସହ ଏସଏସଡ଼ି ହାଇସ୍କୁଲ ଏବଂ ସେଠାକାର ଖେଳପଡିଆ ପରିଦର୍ଶନ କରିଥିଲେ । ପରେ ପରେ ମନ୍ତ୍ରୀ ନୂଆଗାଁ ବ୍ଲକର ପି.ଏମ୍ ହାଇସ୍କୁଲ, କୁଆରମୁଣ୍ଡା ବ୍ଲକର କାଦବାହାଲ ହାଇସ୍କୁଲ ପରିଦର୍ଶନ କରିଥିଲେ । ଏଥିସହିତ କୁତ୍ରା ବ୍ଳକ୍‌ର କମ୍ୟୁନିଟି ଖେଳପଡ଼ିଆ, ବରଗାଁ ବ୍ଲକର ମାଛମରା ପ୍ରାଥମିକ ବିଦ୍ୟାଳୟ ଆଦି ଗସ୍ତ କରି ସେଠାକାର ସ୍କୁଲରେ ପଢୁଥିବା ଛୋଟ ଛୋଟ ପିଲାଙ୍କ ସହ ବେଶ କିଛି ସମୟ କାଟିଥିଲେ । ସୁନ୍ଦରଗଡର ଏହି ଛୋଟ ପିଲାଙ୍କ  ମଧ୍ୟରେ ହକି ପ୍ରତି ଭଲ ପାଇବା ଦେଖୁ ମନ୍ତ୍ରୀ ଶ୍ରୀ ବେହେରା ଖୁସିବ୍ୟକ୍ତ କରିବା ସହ ଆଗାମୀ ଦିନରେ ଜିଲ୍ଲାର  ସମସ୍ତ ବ୍ଲକରେ ସିନଥେଟିକ୍ ଟର୍ଫ ନିର୍ମାଣ ହେଲେ ପିଲାମାନେ ନୂଆ ଅନୁଭୂତି ସହ ସୁନ୍ଦରଗଡ ଜିଲ୍ଲା ସଫଳତାର ଶୀର୍ଷତମ ସୋପାନରେ ପହଞ୍ଚିବ ବୋଲି ମତବ୍ୟକ୍ତ କରିଥିଲେ । 

ଆଜିର ଗସ୍ତ ଅବସରରେ ମନ୍ତ୍ରୀ ରାଜଗାଙ୍ଗପୁର ବ୍ଳକସ୍ଥିତ ହକି କୋଟିଂ ସେଣ୍ଟର ବୁଲିଯିବା ସହ ସେଠାରେ ଦିଆଯାଉଥିବା ତାଲିମ, ଅଭ୍ୟାସ, ମିଳୁଥିବା ବିଭିନ୍ନ ସୁବିଧାସୁଯୋଗ, ଆବଶ୍ୟକତା ଖେଳ ସରଞ୍ଜାମ ସମ୍ପର୍କରେ ଆଲୋଚନା କରିଥିଲେ । ଏଥିସହିତ ଆଗାମୀ ଦିନରେ ଏଠାରେ ନିର୍ମାଣ ହେବାକୁ ଥିବା ସିନ୍ଥେଟିକ ଟର୍ଫ ଆନ୍ତର୍ଜାତୀୟସ୍ତରର ପ୍ରସ୍ତୁତିରେ ସହାୟକ ହୋଇପାରିବ ବୋଲି କହିଥିଲେ । ମାନ୍ୟବର ମୁଖ୍ୟମନ୍ତ୍ରୀଙ୍କ ସୁନ୍ଦରଗଡ ଜିଲ୍ଲା ପ୍ରତି ଏହି ବଳିଷ୍ଠ ନିଷ୍ପତ୍ତି ସମଗ୍ର ଓଡ଼ିଶା ପାଇଁ ଆର୍ଶୀବାଦ ପାଲଟିବ ବୋଲି କହିଥିଲେ ।

ଏହି ଗସ୍ତ ଅବସରରେ ମନ୍ତ୍ରୀ ଶ୍ରୀ ବେହେରା ପିଲାମାନଙ୍କ ଗହଣରେ ରହି ହାତରେ ହକି ଷ୍ଟିକ୍ ଧରିବା ପିଲାଙ୍କ ମଧ୍ୟରେ ବେଶ ଉତ୍ସାହ ଭରିଦେଇଥିଲା । ଏହି ଗସ୍ତ ସମୟରେ ଜିଲ୍ଲାପର୍ଯ୍ୟବେକ୍ଷକ ତଥା ସୁକିନ୍ଦା ବିଧାୟକ ଶ୍ରୀ ପ୍ରିତିରଞ୍ଜନ ଘଡାଇ, ରାଉରକେଲା ବିଧାୟକ ଶ୍ରୀ ସାରଦା ପ୍ରସାଦ ନାୟକଙ୍କ ସମେତ ଜିଲ୍ଲା କ୍ରୀଡା ଅଧୁକାରୀ, ବ୍ଲକ୍ ଅଧ୍ୟକ୍ଷ, ସ୍ଥାନୀୟ ସରପଞ୍ଚ ଓ ଲୋକପ୍ରତିନିଧୂମାନେ ଉପସ୍ଥିତ ଥିଲେ ।