ବାରଙ୍ଗ ଗଣଦୁଷ୍କର୍ମ ଘଟଣାର ପର୍ଦ୍ଦାଫାଶ କରି ମୁଖ୍ୟ ଅଭିଯୁକ୍ତ ବିବନ ବିଶ୍ୱାଳକୁ ଗିରଫ କରିଛି କମିଶନରେଟ ପୋଲିସ

ଭୁବନେଶ୍ବର, ୧୯୯୯ ମସିହାରେ ସଂଘଟିତ ବାରଙ୍ଗ ଗଣଦୁଷ୍କର୍ମ ଘଟଣାର ପର୍ଦ୍ଦାଫାଶ କରି ମୁଖ୍ୟ ଅଭିଯୁକ୍ତ ବିବନ ବିଶ୍ୱାଳକୁ ଗିରଫ କରିଛି କମିଶନରେଟ ପୋଲିସ । ବିବନକୁ ଗିରଫ କରିବାପାଇଁ ଏକ ସ୍ୱତନ୍ତ୍ର ଟିମ ଗଠନ କରାଯାଇଥିଲା । ଏହି ଅବସରରେ ଆଜି ସନ୍ଧ୍ୟା ସମୟରେ ଓଡିଶା ପୋଲିସ ମୁଖ୍ୟକାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଥିବା ଏକ କାର୍ଯ୍ୟକ୍ରମରେ ପୋଲିସ ମହାନିର୍ଦ୍ଦେଶକ ଅଭୟ ଉକ୍ତ ସ୍ୱତନ୍ତ୍ର ଟିମକୁ ସାଧୁବାଦ ଜଣାଇଛନ୍ତି । ସ୍ୱତନ୍ତ୍ର ଟିମର କଠିନ ପରିଶ୍ରମ, ନିଷ୍ଠା ଏବଂ ଉତ୍ସର୍ଗୀକୃତ ମନୋଭାବକୁ ସେ ଭୂୟସୀ ପ୍ରଶଂସା କରିଥିଲେ । 

ଏହି କାର୍ଯ୍ୟକ୍ରମରେ ସୁଧାଂଶୁ ଷଡଙ୍ଗୀ କମିଶନର ଭୁବନେଶ୍ୱର – କଟକ, ପ୍ରତୀକ ସିଂ, ଡି.ସି.ପି, କଟକଙ୍କ ସମେତ ସ୍ୱତନ୍ତ୍ର ଟିମର ଇନ୍ସପେକ୍ଟର ଏବଂ କନେଷ୍ଟବଳ ପ୍ରମୁଖ ଉପସ୍ଥିତ ଥିଲେ।