୨୦୨୧-୨୨ ବର୍ଷ ପାଇଁ ଇଂ ପୂର୍ଣ୍ଣଚନ୍ଦ୍ର ପାଢୀ ଲାୟନ୍ସ କ୍ଳବ ଜିଲ୍ଲା ଗଭର୍ଣ୍ଣର ଭାବେ ନିର୍ବାଚିତ

ଭୁବନେଶ୍ୱର, ଲାୟନ୍ସ କ୍ଳବ ଇଣ୍ଟରନ୍ୟାସନାଲ ଡିଷ୍ଟ୍ରିକ୍ଟ ୩୨୨ ସି-୪ର ଭର୍ଚୁଆଲ ମୋଡ଼ରେ ଅନୁଷ୍ଠିତ ଅଷ୍ଟମ ସାଧାରଣ ଅଧିବେଶନ ଅବସରରେ ଲାୟନ୍ ଇଂ ପୂର୍ଣ୍ଣଚନ୍ଦ୍ର ପାଢୀ ଜିଲ୍ଲା ଗଭର୍ଣ୍ଣର ରୂପେ ନିର୍ବାଚିତ ହୋଇଛନ୍ତି । ୧୯୯୭ ମସିହା ଠାରୁ ସେ ଏହି ଆନ୍ତର୍ଜାତିକ ସେବା ସଂସ୍ଥା ସହ ଜଡ଼ିତ ଅଛନ୍ତି । ବର୍ତ୍ତମାନ ସେ ପ୍ରଥମ ଉପଜିଲ୍ଲା ଗଭର୍ଣ୍ଣର ରୂପେ କାର୍ଯ୍ୟ ସମ୍ପାଦନ କରୁଛନ୍ତି । 

ଏହା ପୂର୍ବରୁ ସେ ବିଭିନ୍ନ ପଦପଦବୀରେ ରହି ବେଶ୍ ଦକ୍ଷତାର ସହିତ କାର୍ଯ୍ୟ ନିର୍ବାହ କରିଛନ୍ତି । ଏହା ବ୍ୟତୀତ ସେ ବିଭିନ୍ନ ସାମାଜିକ ଧାର୍ମିକ ଏବଂ ସେବାମୂଳକ ଅନୁଷ୍ଠାନ ସହିତ ସଂଶ୍ଳିଷ୍ଟ ଅଛନ୍ତି । ଆସନ୍ତା ବର୍ଷରେ ସ୍ବାସ୍ଥ୍ୟସେବା, ପରିବେଶ ସୁରକ୍ଷା, ଶିକ୍ଷା, ପୋଷ୍ୟଗ୍ରାମ ଏବଂ ବିଭିନ୍ନ ସମାଜ କଲ୍ୟାଣ କାର୍ଯ୍ୟ କରିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହି ଅବସରରେ ଲାୟନ ଇଂ ସୁରେଶ ଚନ୍ଦ୍ର ନାୟକ ଏବଂ ଆଇ.ଭି କୋଟେଶ୍ୱର ରାଓ ଯଥାକ୍ରମେ ପ୍ରଥମ ଉପଜିଲ୍ଲା ଗଭର୍ତ୍ତର ଏବଂ ଦ୍ବିତୀୟ ଜିଲ୍ଲା ଗଭର୍ଣ୍ଣର ରୂପେ ନିର୍ବାଚିତ ହୋଇଛନ୍ତି ।