ପିପିଲି ବିଧାନସଭା ନିର୍ବାଚନ ମଣ୍ଡଳୀ ନିମନ୍ତେ ନିର୍ବାଚନ ଆୟୋଗଙ୍କ ତରଫରୁ ଉପ-ନିର୍ବାଚନ ତାରିଖ ଘୁଞ୍ଚିଲା

ଭୁବନେଶ୍ୱର, ୧୧୦-ପିପିଲି ବିଧାନସଭା ନିର୍ବାଚନ ମଣ୍ଡଳୀ ନିମନ୍ତେ ନିର୍ବାଚନ ଆୟୋଗଙ୍କ ତରଫରୁ ଉପ-ନିର୍ବାଚନ ତାରିଖ ଘୋଷଣା କରିଥିଲେ। ତଦନୁସାରେ ଆସନ୍ତା ମଇ ମାସ ୧୩ ତାରିଖରେ ଭୋଟ ଗ୍ରହଣ ହେବାକୁ ଥିଲା । କିନ୍ତୁ ଉକ୍ତ ଦିନ ଅର୍ଥାତ୍ ତା ୧୩-୦୫-୨୦୨୧ ରିଖରେ ଇଦ୍‌ଉଲ୍ ଫିତର ପର୍ବ ପଡ଼ୁଥିବାରୁ ଏବଂ ନିର୍ବାଚନ ଆୟୋଗ ଏ ସଂକ୍ରାନ୍ତରେ ନିର୍ବାଚନ ତାରିଖ ଘୁଞ୍ଚାଇବା ନିମନ୍ତେ ଅନେକ ଗୁଡ଼ିଏ ନିବେଦନ ପତ୍ର ପାଇ ଥିବାରୁ ଏ ସମସ୍ତ ଦିଗକୁ ବିଚାର କରି ନିର୍ବାଚନ ଆୟୋଗ ମଇ ୧୩ ତାରିଖରେ ହେବାକୁ ଥିବା ମତଦାନ ତାରିଖକୁ ଘୁଞ୍ଚାଇ ମଇ ୧୬ ତାରିଖକୁ ମତଦାନ ତାରିଖ ଭାବେ ଘୋଷଣା କରିଛନ୍ତି ଓ ମଇ ୧୯ ତାରିଖରେ ଭୋଟ ଗଣତି ହୋଇ ମଇ୨୧ ତାରିଖ ସୁଦ୍ଧା ନିର୍ବାଚନ ପ୍ରକ୍ରିୟା ଶେଷ ହେବ ବୋଲି ମୁଖ୍ୟ ନିର୍ବାଚନ ଅଧୁକାରୀ ସୁଶୀଲ କୁମାର ଲୋହାନୀ ଜଣାଇଛନ୍ତି । 

ଏତଦ୍ ବ୍ୟତୀତ ଅନ୍ୟାନ୍ୟ କାର୍ଯ୍ୟ ଯଥା ନାମାଙ୍କନ ପତ୍ର ଦାଖଲ ଶେଷ ତାରିଖ, ନାମାଙ୍କନ ପତ୍ର ଯାଞ୍ଚ ତାରିଖ, ପ୍ରାର୍ଥୀ ପତ୍ର ପ୍ରତ୍ୟାହାର ତାରିଖ ଇତ୍ୟାଦିରେ କୌଣସି ପରିବର୍ତ୍ତନ ହୋଇ ନାହିଁ ବୋଲି ମୁଖ୍ୟ ନିର୍ବାଚନ ଅଧୁକାରୀ ଜଣାଇଛନ୍ତି । ତା ୧୬-୨୫-୨୦୨୧ ରିଖ ଦିନ ସକାଳ ୭ ଘଟିକା ଠାରୁ ସନ୍ଧ୍ୟା ୬ ଘଟିକା ପର୍ଯ୍ୟନ୍ତ ଭୋଟ ଗ୍ରହଣ କରାଯିବ ବୋଲି ନିର୍ବାଚନ ଆୟୋଗ । ସମୟ ଧାର୍ଯ୍ୟ କରିଛନ୍ତି । ତା ୩୦-୦୩-୨୧ ସୁଦ୍ଧା ପ୍ରସ୍ତୁତ ହୋଇ ରହିଥିବା ଭୋଟର ତାଲିକା ଅନୁସାରେ ଆସନ୍ତା ୧୬-୦୫-୨୦୨୧ ରେ ହୋବାକୁ ଥୁବା ଉପ-ନିର୍ବାଚନରେ ଭୋଟର ମାନେ ମତଦାନ କରିବେ। ୮୦ ବର୍ଷରୁ ଉଦ୍ଧ, ଦିବ୍ୟାଙ୍ଗ ଭୋଟର ଏବଂ ସଂନ୍ଦିଗ୍ଧ କୋଭିଡ଼ ଭୋଟର ଯେଉଁମାନଙ୍କ ତାଲିକା ତା ୧୭-୦୪-୨୦୨୧ ରିଖ ସୁଦ୍ଧା ପ୍ରସ୍ତୁତ ହୋଇଛି । 

ସେଥିରେ କୌଣସି ପରିବର୍ତ୍ତନ ହେବ ନାହିଁ ନିର୍ବାଚନ ଆୟୋଗ ଜଣାଇଛନ୍ତି । ନିର୍ବାଚନ ଆୟୋଗଙ୍କ ନିର୍ଦ୍ଦେଶ କ୍ରମେ ଉପ-ନିର୍ବାଚନ ପାଇଁ କୌଣସି ରାଲି, ସଭା, ପଥପ୍ରାନ୍ତ ନାଟକ ନିମନ୍ତେ ସନ୍ଧ୍ୟା ୭ ଘଟିକା ଠାରୁ ସକାଳ ୧୦ ଘଟିକା ପର୍ଯ୍ୟନ୍ତ ଅନୁମତି ଦିଆଯିବ ନାହିଁ । ସମସ୍ତ ରାଜନୈତିକ ଦଳ, ଉପ ନିର୍ବାଚନରେ ଅଂଶଗ୍ରହଣ କରୁଥିବା ପ୍ରାର୍ଥୀମାନେ କୋଭିଡ -୧୯ ର ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରିବାକୁ ମୁଖ୍ୟ ନିର୍ବାଚନ ଅଧୁକାରୀ ଜଣାଇଛନ୍ତି ଏବଂ ଏଥିରେ ଖୁଲାପ ହେଲେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀ ଲୋହାନୀ କହିଛନ୍ତି । ସ୍ଵତନ୍ତ୍ର ରିଲିଫ କମିଶନରଙ୍କ ତା ୧୯୦୪.୨୦୨୧ ରିଖରେ ଜାରିକରାଯାଇଥିବା କୋଭିଡ ନିୟମାବଳୀ ଅନୁସାରେ ଯେ କୌଣସି ସାମାଜିକ ରାଜନୈତିକ / ଧାର୍ମିକ ଶୈଖୁକ ସଭା ବା ଜନସମାବେଶକୁ ଅନୁମତି ପ୍ରଦାନ କରାଯିବ ନାହିଁ ବୋଲି ମୁଖ୍ୟ ନିର୍ବାଚନ ଅଧୁକାରୀ ଜଣାଇଛନ୍ତି । 

ଏ ସମସ୍ତ କାର୍ଯ୍ୟକ୍ରମ ଗୁଡିକୁ ଭଟୁଆଲ୍ ମାଧ୍ୟମରେ କରାଯିବା ପାଇଁ ଉତ୍ସାହିତ କରାଯିବ ବୋଲି ଶ୍ରୀ ଲୋହାନୀ ପ୍ରକାଶ କରିଛନ୍ତି । ସଭା ଓ ରାଲିର ଆୟୋଜକ ରାଲି ବା ସଭାରେ ଉପସ୍ଥିତ ଥିବା ଲୋକ ମାନଙ୍କ ପାଇଁ ମାକ୍ସ ଓ ସାନିଟାଇଜର ଇତ୍ୟାଦି ନିଜ ଖର୍ଚ୍ଚରୁ ଭରଣା କରିବେ ଏବଂ ଏହା ସଂପୃକ୍ତ ପ୍ରାର୍ଥୀଙ୍କ ନିର୍ବାଚନୀ ଖର୍ଚ୍ଚରେ ଯୋଡା ଯିବା ବୋଲି ମୁଖ୍ୟ ନିର୍ବାଚନ ଅଧୁକାରୀ ଜଣାଇଛନ୍ତି । କୋଭିଡ -୧୯ ର ଭୟାବହତା ମଧ୍ୟରେ ଅନୁଷ୍ଠିତ ହେଉଥିବା ଉପ-ନିର୍ବାଚନରେ ଅଂଶଗ୍ରହଣ କରୁଥିବା ସମସ୍ତ ରାଜନୈତିକ ଦଳ, ସମସ୍ତ ପ୍ରାର୍ଥୀ ଏବଂ ସର୍ବୋପରି ଭୋଟର ମାନଙ୍କୁ କୋଭିଡ -୧୯ର ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରିବା ସହ ସମୟ କ୍ରମେ ନିର୍ବାଚନ ଆୟୋଗ ଏବଂ ରାଜ୍ୟ ସରକାରଙ୍କ ଦ୍ବାରା ଜାରି କରାଯାଉଥିବା ନିୟମାବଳୀକୁ ପାଳନ କରିବାକୁ ମୁଖ୍ୟ ନିର୍ବାଚନ ଅଧୁକାରୀ ଶ୍ରୀ ସୁଶୀଲ୍ କୁମାର ଲୋହାନୀ ସମସ୍ତଙ୍କୁ ନିବେଦନ କରିଛନ୍ତି।