ନିର୍ଭର ଓଡ଼ିଶା ସମ୍ବାଦପତ୍ରର ସମ୍ପାଦକଙ୍କ ପିତୃ ବିୟୋଗ

ଭୁବନେଶ୍ୱର, ନିର୍ଭର ଓଡ଼ିଶା ସମ୍ବାଦପତ୍ରର ସମ୍ପାଦକ ସନାତନ ଦଳବେହେରାଙ୍କ ପିତା ପଠାଣି ଦଳବେହେରାଙ୍କର ଆଜି ସକାଳ ପ୍ରାୟ ୯ ଟାରେ ତାଙ୍କର ବାଲିଅନ୍ତା ତଳଗଡ଼ସ୍ଥିତ ବାସଭବନରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହୋଇଥିଲା । ମୃତ୍ୟୁ ଶଯ୍ୟା ନିକଟରେ ଏକାମାତ୍ର ପୁତ୍ର ସନାତନ, ବୋହୁ ସସ୍ମିତା ଦଳବେହେରା, ତିନି ଝିଅ ସୌଦାମିନୀ, ସରୋଜିନୀ, ପ୍ରଭାତୀ ଉପସ୍ଥିତ ଥିଲେ । ବୟସାଧୁ କାରଣରୁ ତାଙ୍କର ପରଲୋକ ହୋଇଛି ବୋଲି ପରିବାର ସୂତ୍ରରୁ ପ୍ରକାଶ । ସେ ଜଣେ ମିଷ୍ଟଭାଷୀ ଓ ପରୋପକାରୀ ବ୍ୟକ୍ତି ଥିଲେ । ତାଙ୍କର ମୃତ୍ୟୁ ଖବର ପାଇ ତଳଗଡ଼ ଗ୍ରାମବାସୀ ବାସଭବନରେ ପହଞ୍ଚି ସ୍ବର୍ଗତ ପଠାଣି ଦଳବେହେରାଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ସ୍ମୃତିଚାରଣ କରିଥିଲେ ଓ ପରିବାରବର୍ଗଙ୍କୁ ସାତ୍ତ୍ବନା ଜଣାଇଥିଲେ।