ରାଷ୍ଟ୍ରୀୟ ମଜଦୁର କଂଗ୍ରେସର ଜାତୀୟ ଉପସଭାପତି ଡକ୍ଟର ରାମଚନ୍ଦ୍ର ଖୁଣ୍ଟିଆ କେନ୍ଦ୍ର ଶ୍ରମ ମନ୍ତ୍ରୀଙ୍କୁ ଭେଟିଲେ

ଭୁବନେଶ୍ବର,ରାଷ୍ଟ୍ରୀୟ ମଜଦୁର କଂଗ୍ରେସ ଜାତୀୟ ଉପସଭାପତି, ରାଜ୍ୟ ସଭାପତି ତଥା ପୂର୍ବତନ ସାଂସଦ ଡକ୍ଟର ରାମଚନ୍ଦ୍ର ଖୁଣ୍ଟିଆ ଆଜି ପୂର୍ବାହ୍ନରେ କେନ୍ଦ୍ର ଶ୍ରମ ମନ୍ତ୍ରୀ ଶ୍ରୀଯୁକ୍ତ ଭୋପେନ୍ଦ୍ର ଯାଜବଙ୍କୁ ଶ୍ରମ ଶକ୍ତି ଭବନ ଠାରେ ଭେଟି ଜଙ୍ଗଲ ନିର୍ମାଣ ଶ୍ରମିକ ଅସଂଗଠିତ ଓ ପ୍ରବାସୀ ଶ୍ରମିକ ଏବଂ ଓଡ଼ିଶା ରାଜ୍ୟର ବିଭିନ୍ନ ଶ୍ରମିକ ସମସ୍ୟା ସଂପର୍କରେ ସ୍ମାରକ ପତ୍ର ଦେଇ ଆଲୋଚନା କରିଛନ୍ତି । ନିର୍ମାଣ ଶ୍ରମିକଙ୍କ ପାଇଁ ଇ.ଏସ୍.ଆଇ ଓ ପ୍ରୋଭିହ୍ନେଟ ଫଣ୍ଡ ଲାଗୁ କରିବା । ସମସ୍ତ ରେଜିଷ୍ଟ୍ରୀଭୁକ୍ତ ନିର୍ମାଣ ଶ୍ରମିକ ମାନଙ୍କୁ କୋଭିଡ଼-୧୯ ରେ ଆର୍ଥିକ ସହାୟତା ଦେବା । ଅନ୍ତ ରାଜ୍ୟ, ପ୍ରବାସୀ ଶ୍ରମିକ ଓ ଆନ୍ତର୍ଜାତିକ ଶ୍ରମିକଙ୍କ ପାଇଁ ଥିବା ଆଇନକୁ ସଂଶୋଧନ କରିବା, ପ୍ରବାସୀ ଶ୍ରମିକଙ୍କୁ ଭୋଟ ଦେବାର ଅଧିକାର ଦେବା ଓ ଶ୍ରମିକ ପଳାୟନକୁ ରୋକିବା ପାଇଁ ଜାତୀୟ ସର୍ବନିମ୍ନ ମଜୁରୀ ନିର୍ଦ୍ଧାରଣ କରିବା । 

ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶ ଅନୁଯାୟୀ ସମସ୍ତ ନିର୍ମାଣ ଶ୍ରମିକ, ପ୍ରବାସୀ ଶ୍ରମିକ ଓ ଅସଂଗଠିତ ଶ୍ରମିକମାନଙ୍କୁ ସମସ୍ତଙ୍କୁ ତୁରନ୍ତ ରେଜିଷ୍ଟ୍ରୀଭୁକ୍ତ କରିବା ଏବଂ ଦୁର୍ଘଟଣାରେ କୋଭିଡ଼-୧୯ ରେ ମରୁଥିବା ଶ୍ରମିକ ପରିବାରକୁ ସହାୟତା ଦେବା ପାଇଁ ଦାବୀ କରାଯାଇଛି । ଓଡ଼ିଶାର ଏନ୍.ଟି.ପି.ସି. ତାଲଚେର ଥର୍ମାଲର ଲଆଉଟ୍ ନିଷ୍ପତିକୁ ପୁନଃ ବିଚାର କରିବା, ସମସ୍ତଙ୍କୁ ଛଟେଇ କର୍ମଚାରୀମାନଙ୍କୁ ନିଯୁକ୍ତି ଦେବା, ନିଳାଚଳ ଇସ୍ପାତ ନିଗମ କାରଖାନାର ରେଗୁଲାର ସ୍ଥାୟୀ ଓ ଠିକା ଶ୍ରମିକ ମାନଙ୍କର ୧୧ ମାସର ବକେୟା ଦରମା ଓ ବିଶ୍ରା ଲାଇମ୍ ନ୍ କଂପାନୀ ୨୧ ମାସର ବକେୟା ଦରମା ଦେବା ଓ କେନ୍ଦୁଝର ଅଂଚଳର ଓ.ଏମ୍.ଡ଼ି.ସି. ଅଧୁନରେ ଥୁବା ସମସ୍ତ ଖଣିଗୁଡ଼ିକୁ ଚାଲୁ କରିବା ପାଇଁ ଡକ୍ଟର ଝୁଟିଆ ଶ୍ରମ ମନ୍ତ୍ରୀଙ୍କ ନିକଟରେ ଦାବୀ କରିଛନ୍ତି ।