କିଷାନ୍ ଆନ୍ଦୋଳନର ଏକ ବର୍ଷ ପୂର୍ତ୍ତି ଅବସରରେ ଏ.ଆଇ.ଏସ୍.ଏଫ୍ ‘ସଂଘର୍ଷ ଦିବସ’ ପାଳନ କଲା

ଭୁବନେଶ୍ୱର, କିଷାନ୍ ଆନ୍ଦୋଳନର ଏକ ବର୍ଷ ପୂର୍ତ୍ତି ଅବସରରେ ଏ.ଆଇ.ଏସ୍.ଏଫ୍, ‘ସଂଘର୍ଷ ଦିବସ’ ପାଳନ କରାଯିବ ସହ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ଅଜୟ ବିଷ୍ଟ, ଅଜୟ ମିଶ୍ର, ଅମ୍ବାନୀ ଓ ଆଦାନୀଙ୍କର କୁଶପୁତ୍ତଳିକା ଦାହ କରାଯାଇଛି । ଖରା, ବର୍ଷା, ଶୀତ, ଲାଠି, ଲୁହ ବୁହା ଗ୍ୟାସ ଇତ୍ୟାଦି ସବୁ ଅତ୍ୟାଚାର ସହି ୭୦୦ ରୁ ଊଦ୍ଧ ଚାଷୀ ଶହୀଦ ହୋଇଛନ୍ତି ଏହି ଆନ୍ଦୋଳନରେ । ଦୀର୍ଘ ଏକ ବର୍ଷର ସଂଗ୍ରାମ ଫଳରେ କେନ୍ଦ୍ର ସରକାର କୃଷି ଆଇନ୍ ପ୍ରତ୍ୟାହାର ପାଇଁ ପ୍ରତିଶ୍ରୁତି ଦେଇଛନ୍ତି । ମାତ୍ର ଏହି ଆନ୍ଦୋଳନର ଦାବି ସମୂହ ଭିତରେ କୃଷିଜାତ ଦ୍ରବ୍ୟର ସର୍ବନିମ୍ନ ସହାୟକ ମୂଲ୍ୟ ନିଶ୍ଚିତ କରିବା ପାଇଁ ଆଇନ୍ ପ୍ରଣୟନ ଓ ବିଦ୍ୟୁତ୍ ବିଲ୍ ପ୍ରତ୍ୟାହାର ମଧ୍ୟ ରହିଛି ଯାହା ସରକାର ଗ୍ରହଣ କରିନାହାନ୍ତି । 

ମୁଷ୍ଟିମେୟ ପୁଞ୍ଜିପତିଙ୍କ ସ୍ୱାର୍ଥରକ୍ଷା ପାଇଁ କେନ୍ଦ୍ର ସରକାର ସର୍ବଦା ଚେଷ୍ଟିତ । ଶିକ୍ଷା, ରେଳ, ବ୍ୟାଙ୍କ, ଏଲ୍.ଆଇ.ସି., ପୋର୍ଟ ଆଦି ସମସ୍ତ ରାଷ୍ଟ୍ରୀୟ ସମ୍ପରିକୁ ଆଦାନୀ, ଅମ୍ବାନୀ ଭଳି ଅରବପତିଙ୍କ ହାତକୁ ଟେକି ଦେବାପାଇଁ ସମସ୍ତ ଯୋଜନା ଓ ଆଇନ୍ ଆଣୁଛନ୍ତି । ଏହା ବ୍ୟତୀତ ଜନ ବିରୋଧୁ ସମସ୍ତ ଆଇନ୍ ସି.ଏ.ଏ., ୟୁ.ଏ.ପି.ଏ, ଶ୍ରମିକ ବିରୋଧ ଶ୍ରମ କୋର୍ଡ ପ୍ରତ୍ୟାହାର ଓ ଶିକ୍ଷା ବିଧ୍ୱଂସକାରୀ ଜାତୀୟ ଶିକ୍ଷାନୀତି – ୨୦୨୦ ବାତିଲ ନ ହେବା ପର୍ଯ୍ୟନ୍ତ ଛାତ୍ର ସମାଜ ଆନ୍ଦୋଳନ ଜାରି ରଖୁବ ବୋଲି କୁହାଯାଇଛି । ଏହି ବିକ୍ଷୋଭରେ ଅଷ୍ଟ୍ରଳ ଭାରତ ଛାତ୍ରସଂଘର ରାଜ୍ୟ ସଭାପତି ସଂଘମିତ୍ରା ଜେନା, କାର୍ଯ୍ୟକାରୀ ସମ୍ପାଦକ କାହ୍ନଚରଣ ପରିଡ଼ା, ଶୁଭାରାଣୀ ସାହୁ, ଦିନେଶ ରାଉତ, ବିବେକ କ୍ରିଷ୍ଣ, ଲକ୍ଷ୍ମୀପ୍ରିୟା ଦାସ, ମନୋରଞ୍ଜନ ରାଉତ ଆଦି ୩୦ ରୁ ଉର୍ଦ୍ଧ ଛାତ୍ରଛାତ୍ରୀ ଉପସ୍ଥିତ ଥିଲେ ।