ଡାଳଖାଇ ଓଡ଼ିଶୀ ସଂକୀର୍ଭନ ମହାମଣ୍ଡଳୀର ବାର୍ଷିକ ଓଡ଼ିଶୀ ସଂକୀର୍ତ୍ତନ ମହୋତ୍ସବ

ଭୁବନେଶ୍ୱର, ଭୁବନେଶ୍ୱର ଲକ୍ଷ୍ମୀସାଗର ଶ୍ରୀ ଶ୍ରୀ ମା’ ଡାଳଖାଇ ଓଡ଼ିଶୀ ସଂକୀର୍ଭନ ମହାମଣ୍ଡଳୀର ବାର୍ଷିକ ଓଡ଼ିଶୀ ସଂକୀର୍ତ୍ତନ ମହୋତ୍ସବ ଆଜି ପ୍ରତ୍ୟୁଷରେ ଭୁବନେଶ୍ବର ଲକ୍ଷ୍ମୀସାଗରସ୍ଥିତ ମା’ ଡାଳଖାଇ ମନ୍ଦିର ପରିସରରେ କୋଭିଡ଼ ନିୟମ ଅନୁପାଳନ ପୂର୍ବକ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପ୍ରତୀକାତ୍ମକ ଭାବେ ପ୍ରତ୍ୟେକ ମହାମଣ୍ଡଳୀର ସଭ୍ୟମାନେ ଯୋଗଦେଇ ଓଡ଼ିଶୀ ସଂକୀର୍ତ୍ତନ ପରିବେଷଣ କରିଥିଲେ । ପ୍ରଥମେ ପୂର୍ବତନ ମହନ୍ତ ସ୍ବର୍ଗତ ପ୍ରଦୀପ ଜେନାଙ୍କ ସହ ଦିବଙ୍ଗତ ସଂକୀର୍ତ୍ତନ । କଳାକାରମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଦୀପଦାନ ହେବାପରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅନୁଶାସନ ସଚିବ ଲକ୍ଷ୍ମୀଧର ବେହେରାଙ୍କ ଦ୍ଵାରା କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା । 

ଏହି କାର୍ଯ୍ୟକ୍ରମରେ ସଭାପତି ଲିଙ୍ଗରାଜ ସାହୁ, ପୂର୍ବତନ ସଭାପତି ଉପେନ୍ଦ୍ର ସାମନ୍ତରାୟ, ସମ୍ପାଦକ ହରିହର ପରିଡ଼ା, ଅଧିକାରୀ ପୀତବାସ ସୁନ୍ଦରରାୟ, ରବୀନ୍ଦ୍ରନାଥ ସ୍ବାଇଁ, ହେମନ୍ତ ପ୍ରଧାନ, ନିଖୁଳ ଉତ୍କଳ ଖୋର୍ଦ୍ଧା ଜିଲ୍ଲା ସଂକୀର୍ତ୍ତନ ମହାସଂଘ ସଭାପତି ଜଗନ୍ନାଥ ବେହେରା, ପ୍ରମୋଦ ବାରିକ, ଚୈତନ୍ୟ ସୁବୁଦ୍ଧି, ଲକ୍ଷେଶ୍ୱର ଆଞ୍ଚଳିକ ଓଡ଼ିଶୀ ସଂକୀର୍ତ୍ତନ ମହାମଣ୍ଡଳୀର ମହନ୍ତ ନଳିନୀ ସ୍ବାଇଁ, ଅଧୁକାରୀ ବିଷ୍ଣୁ ଚରଣ ପରିଡ଼ା, ଉପସଭାପତି ଅର୍ଜୁନ ପରିଡ଼ା, ଜ୍ୟୋତିପ୍ରଭା ସମ୍ପାଦକ ଆଶୁତୋଷ ସାମନ୍ତରାୟ, ପ୍ରତାପ ଜେନାଙ୍କ ସହିତ ବହୁ ସଂକୀର୍ତ୍ତନପ୍ରେମୀ ଯୋଗଦାନ କରିଥିଲେ । ଏହି ଅବସରରେ ପ୍ରତ୍ୟେକ ସଂକୀର୍ତ୍ତନ କଳାକାର ଓ ଆଗନ୍ତୁକମାନଙ୍କୁ ଉତ୍ତରୀୟ ଓ ଭୋଗହାଣ୍ଡି ପ୍ରଦାନ କରାଯାଇ ପ୍ରସାଦ ସେବନ ହୋଇ ବାର୍ଷିକ ହିସାବ ନିକାଶ ସମ୍ପାଦନ ହୋଇ ହରିବୋଲ ପକାଇ କାର୍ଯ୍ୟକ୍ରମ ସମାପନ ହୋଇଥିଲା ।