ଇନ୍‌ଷ୍ଟିଚ୍ୟୁଟ୍ ଅଫ୍ ଏଗ୍ରିକଲଚରାଲ୍ ସାଇନ୍ସେସ୍‌ର ୩ଟି ପ୍ରୟୋଗଶାଳା ଉଦ୍‌ଘାଟିତ

ଭୁବନେଶ୍ୱର, ଛାତ୍ରଛାତ୍ରୀମାନଙ୍କୁ ସାବଲମ୍ବୀ କରିବା ସହିତ ବଜାରରେ ସୁଲଭ ମୂଲ୍ୟର ଉତ୍ପାଦ ଯୋଗାଇବା ଏବଂ କୃଷକମାନଙ୍କୁ ଚାଷ କାର୍ଯ୍ୟରେ ସାହାଯ୍ୟ କରିବା ଲକ୍ଷ୍ୟ ନେଇ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଏଗ୍ରିକଲଚରାଲ୍ ସାଇନ୍ସେସ୍ (ଆଇଏଏସ୍‌) ପକ୍ଷରୁ ୩ ଟି ପ୍ରୟୋଗଶାଳା ସୋଆ ଉପସଭାପତି ଶ୍ରୀମତି ଶାଶ୍ଵତୀ ଦାସଙ୍କ ଦ୍ବାରା ସୋମବାର ଉଦ୍‌ଘାଟିତ ହୋଇଯାଇଛି । ଏକ୍ସପେରିମେଟାଲ ଲଙ୍ଘି ପ୍ରୋଗ୍ରାମ୍ ଅଧିନରେ ଏହି ୩ଟି ପ୍ରୟୋଗଶାଳାର ଆରମ୍ଭ କରାଯାଇଛି । ପ୍ଲାଟ ପାଥୋଲୋଜି ଏବଂ ଏ ମୋଲୋଜି (କୀଟତତ୍ବ) ବିଭାଗ ଅଧିନରେ ପ୍ରୟୋଗଶାଳାଗୁଡ଼ିକ ପ୍ରସ୍ତୁତ କରାଯାଇଛି । ପ୍ଲାଟ ପାଥୋଲୋଜି ବିଭାଗ ଅଧିନରେ ଛତୁ ଓ ଛତୁ ମଞ୍ଜିର ଉତ୍ପାଦନ ନିମନ୍ତେ ଦୁଇଟି ପ୍ରୟୋଗଶାଳା ଆରମ୍ଭ କରାଯାଇଛି । 

ଏହି ଦୁଇଟି ପ୍ରୟୋଗଶାଳାରେ ଛତୁ ଓ ବିହନ ଉତ୍ପାଦନ ନିମନ୍ତେ ଷ୍ଟ୍ର ଷ୍ଟୋରିଂ, ମିଡିଆ ରୁମ୍, ସନ୍ ରୁମ୍ ଏବଂ କଲଚର୍ ରୁମ୍ ରହିଛି । ଏଠାରେ ପାଳଛତୁ , ଅଏଷ୍ଟର ଛତୁ, ବଟନ୍ ଛତୁ, ମିକ୍ସି ଛତୁ ଏବଂ ଅନ୍ୟାନ୍ୟ ଖାଦ୍ୟ ଉପଯୋଗୀ ଛତୁର ଉତ୍ପାଦନ କରାଯିବ । ଏହା ଦ୍ଵାରା ଛାତ୍ରଛାତ୍ରୀମାନଙ୍କୁ ନିଜେ ଛତୁ ଚାଷ କରି ସାବଲମ୍ବୀ ହେବା ନିମନ୍ତେ ପ୍ରଚେଷ୍ଟା କରାଯିବା ସହ ବଜାରରେ ସୁଲଭ ମୂଲ୍ୟରେ ଛତୁ ବିକ୍ରୟ ନିମନ୍ତେ ବ୍ୟବସ୍ଥା କରାଯିବ । ସେହିପରି କୀଟତତ୍ୱ ବିଭାଗ ଅଧିନରେ ଜୈବ ନିୟନ୍ତ୍ରଣ ପ୍ରୟୋଗଶାଳା (ବାୟୋଲଜିକାଲ୍ କଂଟ୍ରୋଲ ଲାବୋରେଟୋରୀ) ଆରମ୍ଭ କରାଯାଇଛି । ଏହି ପ୍ରୟୋଗଶାଳାରେ ପରାଶ୍ରୟୀ (ପାରାସାଇଟ୍) ଓ ପରଜୀବୀ (ପ୍ରିୱେଟର୍) କୀଟଙ୍କୁ ପାଳନ କରାଯିବ । ଏହା ଦ୍ଵାରା ଏହି କୀଟଗୁଡ଼ିକ କୃଷି କ୍ଷେତ୍ରରେ ଅନିଷ୍ଟକାରୀ ପୋକ ଗୁଡ଼ିକୁ ନଷ୍ଟ କରିପାରିବେ । 

ଏଥିନିମନ୍ତେ କୀଟନାଶକ ଔଷଧର ଆବଶ୍ୟକ ପଡ଼ିବ ନାହିଁ । ଏହା ଅଧିନରେ ବାୟୋ ଏଜେଟ ବ୍ରିମିଂ ଲାବୋରେଟୋରୀ ଏବଂ କୋରସିରା ବ୍ରିମିଂ ଲାବୋରେଟୋରୀ ଭଳି ଦୁଇଟି ୟୁନିଟ୍ ଗଠନ କରାଯାଇଛି । ଏଜେଟ ବ୍ରିମିଂ ଲାବୋରେଟୋରୀରେ ଅନିଷ୍ଟକାରୀ କୀଟଙ୍କୁ ନଷ୍ଟ କରିବା ନିମନ୍ତେ କୀଟ ପାଳନ କରାଯିବ ଏବଂ କୋରସିରା ବ୍ରିମିଂ ଲାବୋରେଟୋରୀରେ ଏହି କୀଟ ମାନଙ୍କ ନିମନ୍ତେ ଖାଦ୍ୟ ଉତ୍ପାଦନ କରାଯିବ । ଏହି ୩ଟି ପ୍ରୟୋଗଶାଳା ଦ୍ଵାରା ଛାତ୍ରଛାତ୍ରୀମାନେ ସ୍ବାବଲମ୍ବୀ ହୋଇପାରିବେ ଏବଂ କୃଷକମାନେ ମଧ୍ୟ ଅନେକ ମାତ୍ରାରେ ଉପକୃତ ହୋଇପାରିବେ ବୋଲି ସୋଆ ଉପସଭାପତି ଶ୍ରୀମତି ଶାଶ୍ଵତୀ ଦାସ କହିଛନ୍ତି । ଏହାଦ୍ଵାରା ଅନୁଷ୍ଠାନର ଛାତ୍ରଛାତ୍ରୀମାନେ କୁଶଳୀ ହୋଇପାରିବେ ଏବଂ ପାଠପଢ଼ା ଶେଷ ହେବା ପରେ ଆତ୍ମନିର୍ଭରଶୀଳ ମଧ୍ୟ ହୋଇପାରିବେ ବୋଲି ଆଇଏଏସ୍ ଡିନ୍ ପ୍ରଫେସର ବିଜୟ କୁମାର ସାହୁ କହିଛନ୍ତି ।