ରାଜ୍ୟ ଗ୍ରନ୍ଥାଗାରରେ ବିଷୁବ ଉତ୍ସବ ପାଳିତ

ଭୁବନେଶ୍ୱର,ରାଜଧାନୀ ପ୍ରତିଷ୍ଠା ଦିବସ, ବାବା ସାହେବ ଭୀମରାଓ ଆମ୍ବେଦକରଙ୍କ ଜୟନ୍ତୀ ଓ ବିଷୁବ ଉତ୍ସବ ଅବସରରେ ଆଜି ପୂର୍ବାହ୍ନରେ ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରରେ ଏକ ସ୍ୱତନ୍ତ୍ର ପୁସ୍ତକ ପ୍ରଦର୍ଶନୀ ଓ ଆଲୋଚନାଚକ୍ର ଭାରପ୍ରାପ୍ତ ଅଧୁକାରୀ ଲକ୍ଷ୍ମୀଧର ବେହେରାଙ୍କ ସଂଯୋଜନାରେ ଅନୁଷ୍ଠିତ ହୋଇଯାଇଅଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ମଧୁସୂଦନ ପାଢୀ ଯୋଗଦେଇ ଉତ୍କଳକେଶରୀ ଡଃ ହରେକୃଷ୍ଣ ମହତାବଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ଦୀପଦାନ କରି ଉତ୍ସବକୁ ଉଦ୍‌ଘାଟନ କରିଥିଲେ । ନିଜ ବକ୍ତବ୍ୟରେ ଶ୍ରୀ ପାଢ଼ୀ ଦେଶ ସ୍ଵାଧୀନତା ପରେ ଭୁବନେଶ୍ବରକୁ ରାଜଧାନୀ ଭାବରେ ଗ୍ରହଣ କରି ହରେକୃଷ୍ଣ ମହତାବ ଯେଉଁ ଐତିହାସିକ ପଦକ୍ଷେପ ନେଇଥିଲେ, ତାହାର ଫଳ ସ୍ଵରୂପ ଆଜି ରାଜଧାନୀ ଭୁବନେଶ୍ବର ପରିବ୍ୟାପ୍ତ ହୋଇ ଏକ ବିଶାଳ ଅଞ୍ଚଳରେ ପରିଣତ ହୋଇଛି । 

ରାଜ୍ୟର ପ୍ରଶାସନିକ କେନ୍ଦ୍ରବିନ୍ଦୁ ହେବା ସହ ରାଜଧାନୀ ଭୁବନେଶ୍ଵର ଶିକ୍ଷା, ସ୍ବାସ୍ଥ୍ୟ, ସୂଚନା ପ୍ରଯୁକ୍ତି, କଳା, ସାହିତ୍ୟ, ସଂସ୍କୃତି, ବାଣିଜ୍ୟ ବ୍ୟବସାୟଠାରୁ ଆରମ୍ଭ କରି ପ୍ରତ୍ୟେକ କ୍ଷେତ୍ରରେ ଉନ୍ନତିର ଚରମ ସୋପାନରେ ପହଞ୍ଚିଛି । ଏହା ଏକ ସ୍ମାର୍ଟସିଟିର ରୂପ ନେଇ ଭାରତ ବର୍ଷର ଅଗ୍ରଣୀ ସହରରେ ପରିଣତ ହେବାକୁ ଯାଉଛି । ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରକୁ ଆଗାମୀ ଦିନରେ ସୂଚନା ପ୍ରଯୁକ୍ତି ମାଧ୍ୟମରେ ପୁସ୍ତକ ପଞ୍ଜିକରଣ, ପାଠକ ପଞ୍ଜିକରଣ କରାଯାଇ ଏହାକୁ ଅତ୍ୟାଧୁନିକ ପାଠାଗାରରେ ପରିଣତ କରିବା ପାଇଁ ସରକାର ଯୋଜନା ପ୍ରସ୍ତୁତି କରୁଛନ୍ତି । ଏହି ପାଠାଗାରକୁ ବିନିଯୋଗ କରି ପୂର୍ବରୁ ବହୁ ପାଠକ ବିଭିନ୍ନ ସେବା ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି ଓ ଆଗାମୀ ଦିନରେ ପାଠକମାନଙ୍କ ସୁବିଧା ପାଇଁ ନୂତନ ପଦକ୍ଷେପ ଗ୍ରହଣ କରାଯିବ । 

ରାଜଧାନୀର ବିକାଶରେ ହରେକୃଷ୍ଣ ମହତାବ ପାଠାଗାରର ଭୂମିକା ମଧ୍ୟ ଅତୁଳନୀୟ ବୋଲି ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମରେ ଅନୁଶାସନ ସଚିବ, ଶୁଭସ୍ମିତା ପ୍ରଧାନ, ଅବସରପ୍ରାପ୍ତ ପ୍ରଧାନ ଶିକ୍ଷକ ବିପୀନ୍ ବିହାରୀ ତ୍ରିପାଠୀ, ଗ୍ରନ୍ଥାଗାରିକ ସଙ୍ଘମିତ୍ରା ସାହୁ, ରୁଦ୍ରପ୍ରସାଦ ବେହେରା, ପଦ୍ମନାଭ ଜେନା, ବିଦ୍ୟାଧର ପଣ୍ଡା, ସଳିତା ପାତ୍ର, ମଞ୍ଜୁରାଣୀ ମୁଦୁଲି, ଭିକାରୀ ଚରଣ ସାହୁଙ୍କ ସମେତ ପାଠାଗାର କର୍ମଚାରୀମାନେ ଯୋଗଦେଇ ନିଜ ବକ୍ତବ୍ୟରେ ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରର ପୂର୍ବର ସଫଳତା ଓ ଆଗାମୀ ଦିନର ଯୋଜନା ସମ୍ପର୍କରେ ଆଲୋକପାତ କରିବା ସହ ବାବା ସାହେବ ଆମ୍ବେଦକର । ଆଧୁନିକ ଭାରତ ବର୍ଷର ମନୁ ଭାବରେ ଭାରତୀୟ ସମ୍ବିଧାନକୁ ପ୍ରସ୍ତୁତ କରି ଭାରତ ଶାସନ ବ୍ୟବସ୍ଥାକୁ ଅମୂଲ୍ୟ ସହଯୋଗ କରିଛନ୍ତି । 

ତାଙ୍କର ସାମଗ୍ରୀକ ଜୀବନର ସଂଘର୍ଷ ଆଜି ଭାରତବର୍ଷରୁ ଜାତିପ୍ରଥାକୁ ବିଲୋପ ସାଧନ । କରିପାରିଛି ଓ ଭାଇଚାରା ବୃଦ୍ଧି ପାଇପାରିଛି । ଓଡ଼ିଆ ନବବର୍ଷ ମହାବିଷୁବ ସଂକ୍ରାନ୍ତି, ନୂଆବର୍ଷ ଆସନ୍ତାକାଲିଠାରୁ । ଆରମ୍ଭ ହେବାକୁ ଯାଉଥିବା ବେଳେ ଗ୍ରନ୍ଥାଗାରିକ ବିଦ୍ୟାଧର ପଣ୍ଡା ନୂତନ ପଞ୍ଜିକା ପାଠକରି ଆସନ୍ତା ବର୍ଷର ବିଭିନ୍ନ ଗୁରୁତ୍ବପୂର୍ଣ୍ଣ ଘଟଣାବଳୀ ସମ୍ପର୍କରେ ସମ୍ୟକ ସୂଚନା ଦେଇଥିଲେ । ଦେବେନ୍ ମହାନ୍ତ ଧନ୍ୟବାଦ ଅର୍ପଣ କରିଥିଲେ । ଏହାପରେ କର୍ମଚାରୀମାନେ ଓଡ଼ିଆ ନବବର୍ଷ ଅବସରରେ ପରସ୍ପରକୁ ଅଭିନନ୍ଦନ ଜଣାଇଥିଲେ ।