ରାଜ୍ୟ ଗ୍ରନ୍ଥାଗାରରେ ବିଶ୍ୱ ପୁସ୍ତକ ଦିବସ ପାଳିତ

ଭୁବନେଶ୍ୱର, ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରରେ ବିଶ୍ୱ ପୁସ୍ତକ ଓ କପିରାଇଟ ଦିବସ ଆଜି ପୂର୍ବାହ୍ନରେ ଭାରପ୍ରାପ୍ତ ଅଧୁକାରୀ ଲକ୍ଷ୍ମୀଧର ବେହେରାଙ୍କ ସଂଯୋଜନାରେ ଅନୁଷ୍ଠିତ ହୋଇଯାଇଛି । ପ୍ରଥମେ ହରେକୃଷ୍ଣ ମହତାବଙ୍କ ପ୍ରତିମୂର୍ତ୍ତି ଓ ପ୍ରତିକୃତିରେ ମାଲ୍ୟାର୍ପଣ ସହ ଦୀପଦାନ କରି ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ଏହି କାର୍ଯ୍ୟକ୍ରମରେ ଗ୍ରନ୍ଥାଗାରିକ ରୁଦ୍ରପ୍ରସାଦ ବେହେରା, କଣ୍ଡମଣି ବିଶ୍ୱାଳ, ବିଦ୍ୟାଧର ପଣ୍ଡା, ନିରଞ୍ଜନ ବେହେରା, ଭଗବାନ ବେହେରା, ଶ୍ୟାମବନ୍ଧୁ ରାଉତ, ଅଭିନ୍ନ ମଲ୍ଲିକ ପ୍ରମୁଖ ଯୋଗଦେଇ ନିଜ ବକ୍ତବ୍ୟରେ ୧୯୯୫ ମସିହାରୁ ମିଳିତ ଜାତିସଂଘ ତରଫରୁ ବିଶ୍ଵପୁସ୍ତକ ଓ କପିରାଇଟ୍ ଦିବସ ପାଳନ କରାଯାଇଅଛି । 

ଆଜିର ଦିନରେ ବହୁ ପ୍ରତିଷ୍ଠିତ ଲେଖକ, ପ୍ରକାଶକ, ବିଦ୍ବାନମାନଙ୍କର ଜନ୍ମଦିନ ଓ ଶ୍ରାଦ୍ଧବାର୍ଷିକୀ ପାଳନ ହେଉଥିବା ହେତୁ ଏହାର ଗୁରୁତ୍ବ ବୃଦ୍ଧି ପାଇଛି ବୋଲି ମତ ଦେଇ କୋଭିତ୍ ପରବର୍ତ୍ତୀ ଅବସ୍ଥାରେ ପୁସ୍ତକ ଶିଳ୍ପ ଘୋର ସଂକଟ ମଧ୍ୟ ଦେଇ ଗତି କରୁଅଛି । କୋଭିଡ୍ ସଂକ୍ରମଣ ହେତୁ ବର୍ଷ ବର୍ଷ ଧରି ପାଠାଗାର ଗୁଡ଼ିକ ବନ୍ଦ ହେବା ହେତୁ ପାଠକମାନେ ଇ-ପୁସ୍ତକ, ଖବରକାଗଜ ଓ ପତ୍ରିକା ଅଧ୍ୟୟନ କରିଛନ୍ତି । ଯାହାଫଳରେ ମୁଦ୍ରିତ ପୁସ୍ତକ ପ୍ରକାଶନ କ୍ଷେତ୍ରରେ ସଂକଟ ସୃଷ୍ଟି ହୋଇଛି । ମୁଦ୍ରିତ ପୁସ୍ତକ ପଠନ କଲେ ଓ ଜନସାଧାରଣଙ୍କର ପୁସ୍ତକ କ୍ରୟ ମନୋଭାବ ହ୍ରାସ ପାଇଲେ ପୁସ୍ତକ ପ୍ରକାଶନ ଓ ମୁଦ୍ରଣ ଶିଳ୍ପ ଗୁରୁତର ବାଧାପ୍ରାପ୍ତ ହେବ ଏବଂ ପାଠାଗାର ଆନ୍ଦୋଳନରେ ସ୍ଥାଣୁତା ସୃଷ୍ଟି ହେବ । 

ଗ୍ରାମାଞ୍ଚଳଠାରୁ ରାଜ୍ୟ, ଜାତୀୟ ଓ ଆନ୍ତର୍ଜାତୀୟ ସ୍ତରରେ ପୁସ୍ତକ ପଠନ ପ୍ରତି ଆଗ୍ରହ ସୃଷ୍ଟି ପୂର୍ବକ ଲୋକମାନଙ୍କ ମଧ୍ୟରେ ପୁସ୍ତକ କ୍ରୟ ମନୋଭାବ ବୃଦ୍ଧି ପାଇଁ ସମସ୍ତେ ସଂକଳ୍ପ ନେବା ଆବଶ୍ୟକ । ହବୁ ସଂଖ୍ୟକ ଖବର କାଗଜ ପତ୍ରିକା ପ୍ରକାଶନ ବୃଦ୍ଧି ପାଇଲେ ଓ ପାଠକମାନଙ୍କ । ଅଧୟନ ମନୋବଳ ବୃଦ୍ଧି ପାଇଲେ ପାଠାଗାର ଆନ୍ଦୋଳନ ବ୍ୟାପକ ହେବ ଏଥିପ୍ରତି ସମସ୍ତେ ସଚେତନ ହେବାକୁ ବକ୍ତାମାନେ ମତବ୍ୟକ୍ତ କରିଥିଲେ । ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରର ପାଠକ ସେବା ବ୍ୟବସ୍ଥାକୁ ଆଧୁନିକୀକରଣ ପାଇଁ ପ୍ରକ୍ରିୟା ଚାଲୁ ରହିଛି । ପାଠକମାନଙ୍କୁ ଉନ୍ନତ ସେବା ଯୋଗାଇ ଦେବାକୁ ବ୍ୟବସ୍ଥା ହେଉଛି ଏହା ଅଳ୍ପଦିନ ମଧ୍ୟରେ ପୂର୍ଣ୍ଣାଙ୍ଗ ହେବ । ପରିଶେଷରେ ରବି ଭୋଇ ଧନ୍ୟବାଦ ଅର୍ପଣ କରିଥିଲେ ।