ୟୁକୋ ବ୍ୟାଙ୍କ ପକ୍ଷରୁ କ୍ରେଡିଟ୍ ଆଉଟ୍ ତଥା ଗ୍ରାହକ ସମ୍ମିଳନୀ କାର୍ଯ୍ୟକ୍ରମ

ବାଲେଶ୍ୱର, ୟୁକୋ ବ୍ୟାଙ୍କ, ବାଲେଶ୍ୱର ଅଞ୍ଚଳ ପକ୍ଷରୁ ଏକ କ୍ରେଡିଟ୍ ଆଉଟ୍ରିଟ୍ ତଥା ଗ୍ରାହକ ସମ୍ମିଳନୀ କାର୍ଯ୍ୟକ୍ରମ ବ୍ୟାଙ୍କର କାର୍ଯ୍ୟନିର୍ବାହୀ ଅଧୁକାରୀ ଇସରାକ ଅଲ୍ଲୀ ଖାଁଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି । ବ୍ୟାଙ୍କ ପକ୍ଷରୁ ରିଟେଲ, କୃଷି ଓ ଏମ୍ଏସ୍ଏମ୍ଇ ଅଧୁନରେ ୧୬୫୨ଟି ଆକାଉଣ୍ଟ ପାଇଁ ୩୩.୫୯ କୋଟି ଟଙ୍କା ମଞ୍ଜୁର କରାଯାଇଛି । ଏହି କ୍ରେଡିଟ୍ ଆଉଟ୍ରିଟ୍ କାର୍ଯ୍ୟକ୍ରମରେ ୫୪୮ଟି ସ୍ବୟଂ ସହାୟକ ଗୋଷ୍ଠୀଙ୍କ ନିମନ୍ତେ ୧୩.୮୫କୋଟି ଟଙ୍କା ମଞ୍ଜୁର କରାଯାଇଛି । 

୩୫ ଜଣ ମୂଲ୍ୟବାନ ଗ୍ରାହକଙ୍କୁ ବ୍ୟାଙ୍କ ସହ ସେମାନଙ୍କର ଦୀର୍ଘକାଳୀନ ସମ୍ପର୍କ ପାଇଁ ଇସରାକ ଅଲ୍ଲୀ ଖାଁ ଲୟାଲିଟୀ ସାଟିଫିକେଟ୍ ପ୍ରଦାନ କରିଥିଲେ । ଏହି ଅବସରରେ କାର୍ଯ୍ୟନିର୍ବାହୀ ଅଧୁକାରୀ ଇସରାକ ଅଲ୍ଲୀ ଖାଁ ବାଲେଶ୍ଵର । ଅଞ୍ଚଳର କାର୍ଯ୍ୟଦକ୍ଷତାକୁ ସମୀକ୍ଷା କରିଥିଲେ ଏବଂ ଶାଖା ମୁଖ୍ୟମାନଙ୍କ ସହ ଆଲୋଚନା କରିଥିଲେ । ସେ ପ୍ରତ୍ୟେକ ଶାଖାକୁ ଲାଭ କେନ୍ଦ୍ରରେ ପରିଣତ କରିବା, ଉତ୍ତମ ଗ୍ରାହକ ସେବା ପ୍ରଦାନ କରିବା ଏବଂ ଉପଯୁକ୍ତ ପରିଷ୍କାର ପରିଚ୍ଛନ୍ନତାକୁ ଆପଣେଇବା ଉପରେ ଗୁରୁତ୍ବାରୋପ କରିଥିଲେ । ଏହି କାର୍ଯ୍ୟକ୍ରମଟି ଅଞ୍ଚଳ ଓ ଶାଖାଗୁଡିକର କାର୍ଯ୍ୟଦକ୍ଷତାକୁ ବୃଦ୍ଧି କରିବାରେ ନିଶ୍ଚିତ ଭାବେ ସହାୟକ ହେବ ବୋଲି ଆଶା କରାଯାଉଛି ।