ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ ଓ ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗ ମଧ୍ୟରେ ଚୁକ୍ତିପତ୍ର ସ୍ବାକ୍ଷରିତ

ଭୁବନେଶ୍ବର, ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ (ୟୁବିଆଇ) ଏବଂ ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗ ମଧ୍ୟରେ ସ୍ବୟଂ ସହାୟକ ଗୋଷ୍ଠୀ ଋଣ ସହାୟତା ଏବଂ ମହିଳା ସ୍ଵୟଂ ସହାୟକ ଗୋଷ୍ଠୀ ସଦସ୍ୟମାନଙ୍କୁ ବ୍ୟବସାୟିକ ପ୍ରତିନିଧ୍ୟ ରୂପେ ନିଯୁକ୍ତି ଦେଇ ଅଣବ୍ୟାଙ୍କିଙ୍ଗ୍ ଏବଂ ରାଜ୍ୟର ନିମ୍ନ ବ୍ୟାଙ୍କିଙ୍ଗ ଗ୍ରାମ ପଞ୍ଚାୟତଗୁଡିକରେ ବ୍ୟାଙ୍କିଙ୍ଗ ସେବା ଯୋଗାଇଦେବା ଉପରେ ଏକ ଚୁକ୍ତିପତ୍ର ସ୍ବାକ୍ଷରିତ ହୋଇଯାଇଛି । ରମାକାନ୍ତ ପ୍ରଧାନ (କ୍ଷେତ୍ର ମହାପ୍ରବନ୍ଧକ, ଅଞ୍ଚଳ । ମୁଖ୍ୟ-ଓଡିଶା) ଏବଂ ସୁଜାତା ଆର୍ କାର୍ତ୍ତିକେୟନ୍ (ପ୍ରିନ୍ସିପାଲ ସେକ୍ରେଟାରୀ) ମିଶନ ଶକ୍ତି, ଓଡିଶା ସରକାର ଏହି ଚୁକ୍ତି ପତ୍ର ସ୍ବାକ୍ଷର କରିଥିଲେ । 

ଏହି ଅବସରରେ ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆର ମୁଖ୍ୟ କାର୍ଯ୍ୟାଳୟର ମହାପ୍ରବନ୍ଧକ ବି ଶ୍ରୀନିବାସ ରାଓ ଏବଂ ଓଡିଶା ସରକାରଙ୍କ ଯୁଗ୍ମ ସମ୍ପାଦକ ବିନୋଦ କୁମାର ଜେନା ଉପସ୍ଥିତ ଥିଲେ । ମହିଳା ସ୍ବୟଂ ସହାୟକ ଗୋଷ୍ଠୀ ସଦସ୍ୟମାନଙ୍କ ଦ୍ବାରା ରାଜ୍ୟର ବିଭିନ୍ନ ଅଣବ୍ୟାଙ୍କିଙ୍ଗ ଗ୍ରାମ ପଞ୍ଚାୟତଗୁଡିକରେ ବ୍ୟବସାୟିକ ପ୍ରତିନିଧୂ ରୂପେ ସ୍ଵୟଂ ସହାୟକ ଗୋଷ୍ଠୀ ଋଣକୁ ବୃଦ୍ଧି କରିବାର ପ୍ରକ୍ରିୟାକୁ ତ୍ବରାନିତ କରିବାରେ ୟୁନିୟନ୍ ବ୍ୟାଙ୍କ

ଅଫ୍ ଇଣ୍ଡିଆ ପ୍ରମୁଖ ଭୂମିକା ନିର୍ବାହ କରିଛି ।