.jpeg)
ଉତ୍ତରପ୍ରଦେଶ, ଇତିହାସ ବହିରେ ମୋଗଲ ସମ୍ରାଟଙ୍କ ବିଷୟରେ ଆଉ ପଢିବେନି ପିଲା । ଇତିହାସରୁ କଟିଲା ମୋଗଲ ପାଠ । ଉତ୍ତରପ୍ରଦେଶ ବିଦ୍ୟାଳୟରେ ମୋଗଲମାନଙ୍କ ବିଷୟରେ ଇତିହାସ ଶିକ୍ଷା ଦିଆଯିବ ନାହିଁ । ଯୋଗୀ ସରକାର ଉତ୍ତରପ୍ରଦେଶରେ ପିଲାମାନଙ୍କ ଶିକ୍ଷାରୁ ମୋଗଲ ମାନଙ୍କ ଇତିହାସକୁ ବାଦ୍ ଦେଇଛନ୍ତି । ଉତ୍ତରପ୍ରଦେଶ ସରକାର ଦ୍ୱାଦଶ ସିଲାବସରେ ପରିବର୍ତ୍ତନ କରିଛନ୍ତି। ୟୁପି ସରକାରଙ୍କ ନିଷ୍ପତ୍ତି ଉଭୟ ୟୁପି ବୋର୍ଡ ଏବଂ ସିବିଏସ୍ଇ ବୋର୍ଡରେ ପ୍ରଯୁଜ୍ୟ ହେବ। ୟୁପିରେ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନେ ମୋଗଲ ସମ୍ରାଟଙ୍କ ଇତିହାସ ଅଧ୍ୟୟନ କରିବେ ନାହିଁ । ୟୁପି ବୋର୍ଡ ଏବଂ ସିବିଏସ୍ଇ ବୋର୍ଡ ୨୦୨୩-୨୪ ଏକାଡେମିକ୍ ବର୍ଷ ପାଇଁ ସିଲାବସ୍ ବଦଳାଇଛନ୍ତି ।
ଯୋଗୀ ସରକାରଙ୍କ ନିଷ୍ପତ୍ତି ପରେ ଦ୍ୱାଦଶ ଶ୍ରେଣୀ ସିଲାବସ୍ ସହ ଏକାଦଶ ଶ୍ରେଣୀ ସିଲାବସ୍ ରେ ମଧ୍ୟ ପରିବର୍ତ୍ତନ କରାଯାଇଛି। ଇତିହାସ ପୁସ୍ତକରୁ କେବଳ ମୋଗଲ ସମ୍ରାଟଙ୍କ ଇତିହାସ ନୁହେଁ, ଇସଲାମର ବୃଦ୍ଧି, ଶିଳ୍ପ ବିପ୍ଳବ, ସଂସ୍କୃତିର ସଂଘର୍ଷ ଆଦି ବିଷୟରେ ଶିକ୍ଷା ଇତିହାସ ପୁସ୍ତକରୁ ହଟାଇ ଦିଆଯାଇଛି । ଏଥି ସହିତ ୨୦୨୩-୨୪ଏକାଡେମିକ୍ ବର୍ଷରୁ NCERT ମୋଗଲ କୋର୍ଟ ଏବଂ ଶାସକ ସମ୍ବନ୍ଧୀୟ ପାଠ୍ୟକୁ ଦ୍ୱାଦଶ ଶ୍ରେଣୀର ଭାରତୀୟ ଇତିହାସ-୨ ର କିଛି ବିଷୟରୁ ହଟାଇ ଦେଇଛି । ଏ ପର୍ଯ୍ୟନ୍ତ ଆକବରନାମା, ବାଦଶାହନାମା, ପାଣ୍ଡୁଲିପି ରଚନା, ମୋଗଲ ସମ୍ରାଟ ଏବଂ ସେମାନଙ୍କର ସାମ୍ରାଜ୍ୟ, ଆଦର୍ଶ ରାଜ୍ୟ, ଆଖ୍ୟା, ରାଜକୀୟ ଅମଲାତନ୍ତ୍ର, ରାଜ ପରିବାର, ସୂଚନା ଏବଂ ସାମ୍ରାଜ୍ୟ, ମୋଗଲ ଆଭିମୁଖ୍ୟ ଏବଂ ଆନୁଷ୍ଠାନିକ ଧର୍ମ ଶିକ୍ଷା ଦିଆଯାଇଥିଲା।
ଭାରତକୁ ବିକାଶର ଶିଖରକୁ ନେବାକୁ ହେଲେ ଆମକୁ ଅତୀତର ସଂକୀର୍ଣ୍ଣମନା ଇତିହାସକୁ ଭୁଲିବାକୁ ହେବ । ମୋଗଲ ସମ୍ରାଟ ଔରଙ୍ଗଜେବ ଭାରତକୁ ବଦଳାଇବାକୁ ଚାହୁଁଥିଲେ । କିନ୍ତୁ ଗୁରୁ ଗୋବିନ୍ଦ ସିଂ ଔରଙ୍ଗଜେବଙ୍କ ଏହି ଆତଙ୍କବାଦ ବିରୋଧରେ ଛିଡ଼ା ହୋଇଥିଲେ । ଔରଙ୍ଗଜେବ ତରବାରୀ ବଳରେ ଗୁରୁ ଗୋବିନ୍ଦ ସିଂଙ୍କ ଦୁଇ ପୁଅଙ୍କ ଧର୍ମ ପରିବର୍ତ୍ତନ କରିବାକୁ ଚାହୁଁଥିଲେ । କିନ୍ତୁ ଧର୍ମ ରକ୍ଷା ପାଇଁ ଦୁଇ ବୀର ବାଳକ ବଳୀଦାନ ଦେଇଥିଲେ । ଧର୍ମ ପରିବର୍ତ୍ତନ କରିବାକୁ ରାଜି ନହେବାରୁ ଔରଙ୍ଗଜେବଙ୍କ ନିର୍ଦ୍ଦେଶରେ ତାଙ୍କ ସେନାପତି ଓ୍ବାଜିର ଖାଁ ଦୁଇ ବୀର ବାଳକଙ୍କୁ ଜିଅନ୍ତା ଏକ କାନ୍ଥରେ ପୋତି ଦେଇଥିଲେ ।
କେନ୍ଦ୍ରସରକାର ନୂଆଦିଲ୍ଲୀର ରାଷ୍ଟ୍ରପତି ଭବନରେ ଥିବା ମୋଗଲ ଗାର୍ଡେନର ନାମ ପରିବର୍ତ୍ତନ କରିଛନ୍ତି। ଏହାକୁ ଅମୃତ ଉଦ୍ୟାନ ନାମରେ ନାମିତ କରିଛନ୍ତି କେନ୍ଦ୍ର ସରକାର । ଭାରତର ସ୍ୱାଧୀନତାର ୭୫ବର୍ଷ ପୂର୍ତ୍ତି ପାଳନ କରୁଥିବା 'ଅମୃତ ମହୋତ୍ସବ'ର ବିଷୟବସ୍ତୁକୁ ଦୃଷ୍ଟିରେ ରଖି କେନ୍ଦ୍ର ସରକାର ମୋଗଲ ଗାର୍ଡେନର ନାମ ଅମୃତ ଉଦୟାନକୁ ପରିବର୍ତ୍ତନ କରିଥିଲେ।
Post a Comment