ଅଙ୍ଗନଓ୍ବାଡ଼ି କର୍ମୀ ଓ ସହାୟିକାଙ୍କ ସମସ୍ୟାର ଉପରେ ମହିଳା ଓ ଶିଶୁ ବିକାଶ ସଚିବ ଓ ନିର୍ଦ୍ଦେଶକଙ୍କ ସହ ଆଲୋଚନା

ଭୁବନେଶ୍ୱର ୧୯ ଡିସେମ୍ବର ୨୦୨୩

ସ୍କିମ୍ୱୱାର୍କର ଙ୍କୁ ୱାର୍କର ମାନ୍ୟତା, ଭତ୍ତା ବୃଦ୍ଧି ଓ ଅନ୍ୟାନ୍ୟ ଦାବୀରେ ଡିସେମ୍ବର ୧୬ ଏଆଇଟିୟୁସି ତରଫରୁ ରାଜ୍ୟସ୍ତରୀୟ ବିକ୍ଷୋଭ ପରିପ୍ରେକ୍ଷିରେ ଆଜି ମହିଳା ଓ ଶିଶୁ ବିକାଶ ବିଭାଗ ତରଫରୁ ଆହୁତ ବୈଠକରେ ନିଖୂଳ ଓଡ଼ିଶା ଅଙ୍ଗନୱାଡ଼ି କର୍ମୀ ସଂଘ ପ୍ରତିନିଧୂମାନେ ଉପସ୍ଥିତ ରହି ଅଙ୍ଗନଓ୍ବାଡ଼ି କର୍ମୀ ଓ ସହାୟିକାଙ୍କ ବିଭିନ୍ନ ସମସ୍ୟା ଯଥା-ଭତ୍ତା ବୃଦ୍ଧି, ଏସ.ଏନ୍.ପିର ଦର ସଂଶୋଧନ । ପ୍ରକଳ୍ପ ଓ ସେକ୍ଟର ବୈଠକର ଟିଏ, ଡ଼ିଏ ପ୍ରଦାନ । ଅଘୋଷିତ ଭାବେ ବନ୍ଦ କରାଯାଇଥିବା ୫ବର୍ଷ ଓ ୧୦ ବର୍ଷର ଇନ୍‌କ୍ରିମେଣ୍ଟ ପ୍ରଦାନ, ପୋଷଣ ଟ୍ରାକର ଓ ମୋବାଇଲ, ଶାଢ଼ୀ ବାବଦେ ଦେୟ ନିୟମିତ ପ୍ରଦାନ, କିଶୋରୀ ବାଳିକା ମୁଖ୍ୟମନ୍ତ୍ରୀ ପୋଷଣ ଯୋଜନାର ଅଣ୍ଡା ଦର ବୃଦ୍ଧି, ଅଙ୍ଗନୱାଡ଼ି କାର୍ଯ୍ୟକର୍ତ୍ତୀ ବୀମା ଯୋଜନାରେ ମୃତ୍ୟୁକାଳୀନ ସହାୟତା ରାଶି ପ୍ରଦାନ, ନୂତନ ମୋବାଇଲ ଯୋଗାଣ, କେନ୍ଦ୍ର ସରକାରଙ୍କ ସୁପାରିଶ ଅନୁଯାୟୀ ପ୍ରାଥମିକ ଶିକ୍ଷକ ଓ ଏ.ଏନ୍.ଏମ୍ ପଦବୀ ନିମନ୍ତେ କୋଟା ଧାର୍ଯ୍ୟ, ସହାୟିକାମାନଙ୍କୁ ଶିକ୍ଷାଗତ ଯୋଗ୍ୟତା + ୨ ରୁ ନିର୍ଦ୍ଦେଶନାମା ପ୍ରତ୍ୟାହାର ଆଦି ସମସ୍ୟା ଉପରେ ଦାବୀପତ୍ର ପ୍ରଦାନ କରାଯାଇ ଆଲୋଚନା କରାଯାଇଥିଲା। ଆଲୋଚନାରେ ଭତ୍ତାବୃଦ୍ଧି ଓ ଏସ. ଏନ୍.ପିର ଦର ସଂଶୋଧନ ସଂପର୍କରେ ପ୍ରସ୍ତୁତି ଋଲିଛି ଖୁବ୍ ଶିଘ୍ର ଘୋଷଣା ହେବା ସହ ଅନ୍ୟାନ୍ୟ ଦାବୀଗୁଡ଼ିକ ସମାଧାନ ପାଇଁ ବିହିତ ପଦକ୍ଷେପ ଗ୍ରହଣ କରିବାକୁ ପ୍ରତିଶୃତି ଦେଇଥିଲେ। ଏହି ଆଲୋଚନାରେ ବିଭାଗୀୟ ନିର୍ଦ୍ଦେଶକ, ଅତିରିକ୍ତ ସଚିବଙ୍କ ସମେତ ଅନ୍ୟାନ୍ୟ ଅଧିକାରୀ ଓ ସଂଘ ତରଫରୁ ଏଆଇଟିୟୁସି ରାଜ୍ୟ ସାଧାରଣ ସମ୍ପାଦକ ବିଜୟ ଜେନା, ସାଧାରଣ ସମ୍ପାଦିକା ହରପ୍ରିୟା ସ୍ଵାଇଁ, ଉପସାଧାରଣ ସମ୍ପାଦିକା ବିଷ୍ଣୁପ୍ରିୟା ଜେନା, ନେତ୍ରୀ ଲକ୍ଷ୍ମୀପ୍ରିୟା ଦାସ ଉପସ୍ଥିତ ରହି ଦାବିପତ୍ର ଉପସ୍ଥାପିତ କରିଥିଲେ।