କୋଭିଜ୍-୧୯ ସମୟରେ ଶିଶୁମାନଙ୍କ ଶୈଶବର ବିକାଶର ମାଧ୍ୟମ ପାଲଟିଛି ଘରେ ଘରେ ଅରୁଣିମା।

ଭୁବନେଶ୍ୱର ; କୋଭିଜ୍-୧୯ ମହାମାରୀ ସମୟରେ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ଦ୍ଵାରା ‘ଘରେ ଘରେ ଅରୁଣିମା କ୍ୟାଲେଣ୍ଡର’ର କାର୍ଯ୍ୟକାରିତା ଏକ ସ୍ବାଗତଯୋଗ୍ୟ, ପ୍ରେରଣାଦାୟୀ ଓ ସଫଳ ପଦକ୍ଷେପ । ଏହି ନୂତନ ପଦକ୍ଷେପ ମାଧ୍ୟମରେ ଘରେ ଘରେ ପୁରୁଷମାନଙ୍କର ଯେପରିକି ବାପା, ଦାଦା, ବଡ଼ବାପା, ଜେଜେବାପା, ଭାଇ, ମଉସା, ମାମୁଁମାନଙ୍କୁ ସାମିଲ କରି ସେମାନଙ୍କର । ସହଭାଗିତାକୁ ନିଶ୍ଚିତ କରାଯାଇପାରିଛି । ଅପ୍ରେଲ ୨୦୨୦ରୁ ତାଲାବନ୍ଦ (ଲଡାଉନ୍) ସମୟରେ ଏହା କାର୍ଯ୍ୟକାରୀ ହେଉଛି । ପ୍ରତି ମାସର ବିଷୟବସ୍ତୁକୁ ଘରେ ଘରେ ଅରୁଣିମା କ୍ୟାଲେଣ୍ଡର ମାଧ୍ୟମରେ କୌତୁହଳପୂର୍ଣ୍ଣ ଓ ଆନନ୍ଦଦାୟକ ଭାବେ ପ୍ରାକ୍ ବିଦ୍ୟାଳୟର ଶିଶୁ ମାନଙ୍କୁ ପରିବେଷଣ କରାଯାଉଛି । ଚଳିତ ସେପ୍ଟେମ୍ବର ମାସର ବିଷୟବସ୍ତୁ ‘ପଶୁପକ୍ଷୀ’ ସମ୍ବନ୍ଧୀୟ କ୍ୟାଲେଣ୍ଡର ମାସ ଆରମ୍ଭ ପୂର୍ବରୁ ରାଜ୍ୟର ସମସ୍ତ ଜିଲ୍ଲାର ସମାଜ ମଙ୍ଗଳ ଅଧୁକାରୀମାନଙ୍କୁ ପ୍ରେରଣ କରାଯାଇଛି ଏବଂ ସମସ୍ତ ଯୋଗ୍ୟ ପରିବାର ଯେପରି ଏହା ପ୍ରାପ୍ତ ହେବେ ସେଥିପାଇଁ ନିର୍ଦ୍ଦେଶ ଦିଆଯାଇଛି । 

ଯେଉଁ ମାତାପିତା/ଅଭିଭାବକମାନଙ୍କର ଆଶ୍ର ଏଡ୍ ଫୋନ୍ ଓ ଇଣ୍ଟରନେଟ୍ ସୁବିଧା ଅଛି, ସେମାନଙ୍କୁ ହ୍ବାଟସ୍ ଆପ୍ ମାଧ୍ୟମରେ ଘରେ ଘରେ ଅରୁଣିମା କ୍ୟାଲେଣ୍ଡର ପ୍ରେରଣ କରାଯାଉଛି ଏବଂ ସେମାନଙ୍କୁ ୟୁଟ୍ୟୁବ୍ ଲିଙ୍କୁ ପ୍ରଦାନ କରାଯାଉଛି । ଯେଉଁ ମାତାପିତା/ ଅଭିଭାବକମାନଙ୍କର ଆଣ୍ଡ ଏଡ୍ ଫୋନ ସୁବିଧା ନାହିଁ, ସେମାନଙ୍କୁ ଏ-୩ କାଗଜରେ ଛପା ଯାଇଥିବା ରଙ୍ଗୀନ୍ ଘରେ ଘରେ ଅରୁଣିମା କ୍ୟାଲେଣ୍ଡର ପ୍ରଦାନ କରାଯାଉଛି । ପ୍ରାକ୍ ବିଦ୍ୟାଳୟର ଶିଶୁମାନେ ଅଙ୍ଗନବାଡ଼ି କେନ୍ଦ୍ରକୁ ନ ଆସି ମଧ୍ୟ । ମାତାପିତା/ ଅଭିଭାବକମାନଙ୍କ ସହଯୋଗରେ ଏକ କୌତୁହଳପୂର୍ଣ୍ଣ ପରିବେଶ ଭିତରେ ଏହି । କ୍ୟାଲେଣ୍ଡର ମାଧ୍ୟମରେ ବିଭିନ୍ ଗୀତ, ଗପ, ଖେଳ, ନାଚ, ଚିତ୍ର, ଖେଳନା, ମୁକ୍ତ ବାର୍ତ୍ତାଳାପ, ଅଭିନୟ, ସଂଗୀତ ଇତ୍ୟାଦି ଦ୍ଵାରା ମାସର ବିଷୟବସ୍ତୁ ଘରେ ସମ୍ୟକ୍ ଧାରଣା ପାଇପାରୁଛନ୍ତି । ଏହି ଘରେ ଘରେ ଅରୁଣିମାର ଏକ ସକାରାତ୍ମକ ଦିଗ ହେଉଛି, ଏଥିରେ ପୁରୁଷମାନଙ୍କର ସକ୍ରିୟ ଅଂଶଗ୍ରହଣ । ବିଭିନ୍ନ ଜିଲ୍ଲାରୁ ଏ ସଂପର୍କିତ ସୁନ୍ଦର ଫଟୋ ତଥା ପ୍ରତିକ୍ରିୟା ଆଦି ବିଭାଗର ହସ୍ତଗତ ହୋଇଛି, ଯେପରିକି ଏହି ମାସରେ ‘ପଶୁପକ୍ଷୀ’ ବିଷୟରେ ନିଜ ପିଲା ସହିତ କାର୍ଯ୍ୟକ୍ରମ କରି ଜଣେ ବାପା କୁହନ୍ତି, ବହୁତ ଦିନ ପରେ ‘ଦଳର ବଳ’ ବିଷୟରେ ବୁଝାଇବାକୁ ଯାଇ ଶିକାରୀ ଓ ପକ୍ଷୀ ଗପ ଝିଅକୁ କହିଲାବେଳେ ମତେ ବହୁତ ଖୁସି ଲାଗିଲା । 

ଘରେ ତାଲାବନ୍ଦୀ ସମୟରେ ପିଲାଙ୍କ । ସହିତ ଗପିବାର ଆନନ୍ଦ ସବୁବେଳେ ମନେ ରହିବ । ଘରେ ଘରେ ଅରୁଣିମାର କ୍ୟାଲେଣ୍ଡରରେ କୋଭି –୧୯ ମହାମାରୀ ସମୟରେ ହାତଧୁଆ । ଅଭ୍ୟାସ, ମାସ୍କ ବ୍ୟବହାର କରିବା, ସାମାଜିକ ଦୂରତା ରକ୍ଷା କରିବା ଓ ଅନ୍ୟାନ୍ୟ ସୁଅଭ୍ୟାସ ସହ ପୁରୁଷମାନଙ୍କର ସକ୍ରିୟ ଯୋଗଦାନ ମାଧ୍ୟମରେ ବିଭିନ୍ନ କାର୍ଯ୍ୟକ୍ରମକୁ ନିୟମିତ ପରିବାର ମଧ୍ୟରେ । କରିବା ପାଇଁ ପ୍ରୋତ୍ସାହିତ କରାଯାଇଛି । ସୁଦୃଢ଼ ପାରିବାରିକ ବନ୍ଧନ ଓ ଶିଶୁର ସାମାଜିକ ଓ ବୌଦ୍ଧିକ ବିକାଶ ସହିତ ତା’ର ସମୃଦ୍ଧ ବ୍ୟକ୍ତିତ୍ଵ ଗଠନରେ ଘରର ପୁରୁଷ ସଦସ୍ୟମାନଙ୍କର ଅଧୁକରୁ ଅଧୁକ ସହଭାଗିତା ଏକାନ୍ତ କାମ୍ୟ ।