ପି.ଏମ୍. କିଶାନ ନିଧି ଟଙ୍କା ୬୦୦୦ ରୁ ୧୨୦୦୦ ଟଙ୍କାକୁ ବୃଦ୍ଧି କରିବା ପାଇଁ ଦାବି କଲା ସମାଜବାଦୀ ପାର୍ଟି

ଭୁବନେଶ୍ୱର, ଆସନ୍ତା ୧ ତାରିଖ ଦିନ ସଂସଦରେ ୨୦ ୨୧-୨୨ ଆର୍ଥିକ ବର୍ଷ ପାଇଁ ମାନ୍ୟବର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ ଆଗତ କରିବାକୁ ଯାଉଛନ୍ତି । ବଜେଟ୍ ଅଧିବେଶନର ଅବ୍ୟବହିତ ପୂର୍ବରୁ ପ୍ରଧାନମନ୍ତ୍ରୀ କିଶାନ ସମ୍ମରନ ନିଧି ଟଙ୍କା ବାର୍ଷିକ ୬୦୦୦- ରୁ ୧୨୦୦୦/- ଟଙ୍କାକୁ ବୃଦ୍ଧି କରିବା ପାଇଁ ବଜେଟ୍‌ରେ ବ୍ୟୟବରାଦ କରିବାକୁ ସମାଜବାଦୀ ପାର୍ଟି ଓଡ଼ିଶା ରାଜ୍ୟ କମିଟି ପକ୍ଷରୁ ଦାବି କରାଯାଇଛି । ପାର୍ଟିର ରାଜ୍ୟ ସଭାପତି ରବି ବେହେରା ଆଜି ଏ ସଂକ୍ରାନ୍ତରେ ମାନ୍ୟବର ଅର୍ଥମନ୍ତ୍ରୀଙ୍କୁ ଏକ ଚିଠି ଲେଖୁବା ସହିତ ଏହାକୁ ପ୍ରଧାନମନ୍ତ୍ରୀଙ୍କ ଗୋଚରାର୍ଥେ ପ୍ରେରଣ କରି ଏହି ଦାବିକୁ ଦୋହରାଇଛନ୍ତି । 

କରୋନା ସଂକ୍ରମଣ ଯୋଗୁଁ ଦେଶର ଭାଗଚାଷୀ ଏବଂ କ୍ଷୁଦ୍ର ଓ ନାମ ମାତ୍ର ଚାଷୀ ତଥା ଦିନ ମଜୁରୀଆମାନଙ୍କର ଜୀବନ ଜୀବିକା ଉଜୁଡ଼ି ଯାଇଛି । ନିଜର ଦୈନନ୍ଦିନ ଗୁଜୁରାଣ ମେଣ୍ଟାଇବା ସେମାନେ ଆଜି ବି ବହୁ ସମସ୍ୟାର ସମ୍ମୁଖୀନ ହେଉଛନ୍ତି । ଏହାକୁ ଆଖି ଆଗରେ ପ୍ରଧାନମନ୍ତ୍ରୀ କିଶାନ ସମ୍ମାନ ନିଧୁ ୧୨ ହଜାର ଟଙ୍କାକୁ ବୃଦ୍ଧି କରାଗଲେ ଏହି ଶ୍ରେଣୀର ଜନସାଧାରଣ ବହୁଳ ଭାବରେ ଉପକୃତ ହୋଇପାରନ୍ତେ ବୋଲି ଶ୍ରୀ ବେହେରା ତାଙ୍କର ଏହି ପତ୍ରରେ ଦର୍ଶାଇଛନ୍ତି । ଦେଶର କୋଟି କୋଟି ଗରିବ କୃଷକଙ୍କ କଲ୍ୟାଣ ନିମନ୍ତେ ଏବଂ ଜୀବନ ଜୀବିକାର ସୁରକ୍ଷା ନିମନ୍ତେ ଏଥିପାଇଁ ଚଳିତ ବଜେଟରେ ଅର୍ଥ ବରାଦ କରିବା ପାଇଁ ଶ୍ରୀ ବେହେରା ମାନ୍ୟବର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଆଜି ଚିଠି ଲେଖ୍ ଦାବି କରିଛନ୍ତି ।