.jpeg)
ଭୁବନେଶ୍ୱର, ପଳାସପଲ୍ଲୀ ସ୍ଥିତ ନିଖିଳ ଉତ୍କଳ ଶାରିରୀକ ଭିନ୍ନକ୍ଷମ କଲ୍ୟାଣ ମହାସଂଘର କାର୍ଯ୍ୟାଳୟରେ ଦିବ୍ୟାଙ୍ଗ ମହିଳାଙ୍କୁ ଯୌନଶୋଷଣ ପ୍ରସଙ୍ଗରେ ଆଜି ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ସିସିର ନଳ ବିଭାଗୀୟ ମନ୍ତ୍ରୀ ଶ୍ରୀ ଅଶୋକ ପଣ୍ଡାଙ୍କ ଇସ୍ତଫା ଦାବି କରିଛନ୍ତି । ଆଜି ନଳଙ୍କ ନେତୃତ୍ବରେ ପ୍ରଦେଶ ଛାତ୍ର କଂଗ୍ରେସର ଏକ ଶୋଭାଯାତ୍ରା କଂଗ୍ରେସ ଭବନରୁ ବାହାରି ମାଷ୍ଟରକ୍ୟାଣ୍ଟିନ ଛକ ପର୍ଯ୍ୟନ୍ତ ଯାଇଥିଲା ଏବଂ ମନ୍ତ୍ରୀ ଅଶୋକ ପଣ୍ଡାଙ୍କ କୁଶପୁତଳିକା ଦାହ କରାଯାଇଥିଲା । ଏହି ପ୍ରସଙ୍ଗରେ ଶ୍ରୀ ନକ କହିଛନ୍ତି ଯେ ନବୀନ ନିବାସର କାବୁ କଡରେ ଦିବ୍ୟାଙ୍ଗ ମହିଳାଙ୍କୁ ଯୌନ ଶୋଷଣ କରାଯାଉଛି । ଏପରିକି ଅଶୋକ ପଣ୍ଡାଙ୍କ ଘର ପାଖରେ ଏ ଘଟଣା ଘଟିଛି । ଖୋଦ୍ ଅଶୋକ ପଣ୍ଡାଙ୍କୁ ଜାଣତରେ ସେଠାରେ ଯୌନ ଶୋଷଣ ହେଉଥିଲା ବୋଲି ଶ୍ରୀ ନଳ ଅଭିଯୋଗ କରିଛନ୍ତି ।
ଏହି ଘଟଣାରେ ଅଭିଯୁକ୍ତ ସୁରେଶ ବେହେରା ଯିଏକି ଅନୁଷ୍ଠାନର ସଂପାଦକ ସିଏ ଦିବ୍ୟାଙ୍ଗ ମହିଳାଙ୍କୁ ଚାକିରୀ ଓ ଅର୍ଥ ଲୋଭ ଦେଖାଇ ଯୌନ ଶୋଷଣ କରୁଥିଲା । ତାଙ୍କ ନାଁରେ ଆଗରୁ ସମାନ ଘଟଣାର ତିନୋଟି ଅଭିଯୋଗ ରହିଛି । ଦୁଇମାସ ତଳେ ଥାନାରେ ଅଭିଯୋଗ ହୋଇଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନପାରିବା ଅତ୍ୟନ୍ତ ନିନ୍ଦାର ବିଷୟ । ମୁଖ୍ୟମନ୍ତ୍ରୀଙ୍କ ଅଧୁନରେ ଥିବା ଗୃହ ବିଭାଗ କିପରି ଚାଲୁଛି ତାହା ଏହି ଘଟଣାରୁ ସୃଷ୍ଟ ଅନୁମେୟ । ଅଭିଯୁକ୍ତ ବେହେରାଙ୍କୁ ମନ୍ତ୍ରୀ ଅଶୋକ ପଣ୍ଡା ସୁରକ୍ଷା ଦେଉଥିଲେ । ଏବେ ମଧ୍ୟ ସେ କେଉଁଠି ଲୁଚିଛନ୍ତି ତାର ଠିକଣା ମନ୍ତ୍ରୀ ଅଶୋକ ପଣ୍ଡାଙ୍କୁ ଜଣାଅଛି । ନିଜେ ପୀଜିତା ମଧ୍ୟ ମନ୍ତ୍ରୀଙ୍କ ଆଡ଼କୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ।
ମନ୍ତ୍ରୀ ତାଙ୍କ ବକ୍ତବ୍ୟରେ ପୋଲିସର ଦୋଷ ଦେଇ ଖସି ଯିବା ଦୁର୍ଭାଗ୍ୟଜନକ । ସୁରେଶ ବେହେରାଙ୍କ ନାମରେ ସେଠାରେ ରହୁଥିବା କେତେକ ଦିବ୍ୟାଙ୍ଗ ମଧ ପୂର୍ବରୁ ଅଭିଯୋଗ କରିଛନ୍ତି । ତେଣୁ ପୋଲିସମନ୍ତ୍ରୀ-ସୁରେଶ ବେହେରା ସେଠାରେ ଏକ ସାମ୍ରାଜ୍ୟ ଚଳାଇଥିଲେ ଯେଉଁଠାରେ କି ନୀରିହ ଦିବ୍ୟାଙ୍ଗ ମହିଳାଙ୍କୁ ଯୌନଶୋଷଣ କରାଯାଉଥିଲା । ସବୁଠାରୁ ଦୁଃଖ ଏବଂ ପରିତାପର ବିଷୟ ଏହିକି ଯେ ନବୀନ ନିବାସ କାହିଁ କଡରେ ନିଖିଳ ଉତ୍କଳ ଶାରୀରିକ ଭିନ୍ନକ୍ଷମ କଲ୍ୟାଣ ମହାସଂଘ ଅବସ୍ଥିତ ଥିବାବେଳେ ଏଭଳି କଳଙ୍କମୟ ଘଟଣା ପୋଲିସ ଜାଣିପାରିନାହିଁ । ନବୀନ ଶାସନରେ ଦିବ୍ୟାଙ୍ଗ ମହିଳାଙ୍କୁ ସୁରକ୍ଷା ନାହିଁ ।
ଅଭିଯୋଗ ଦେଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରୁନି । ମନ୍ତ୍ରୀ ଅପରାଧକୁ ଘଣ୍ଟ ଘୋଡ଼ାଇଛନ୍ତି, ମୁଖ୍ୟମନ୍ତ୍ରୀ ନିରବ ରହୁଛନ୍ତି । ନବୀନଙ୍କର ମାକୁ ସମ୍ମାନ ଆହ୍ବାନ ଏକ ପ୍ରତାରଣାରେ ପରିଣତ ହୋଇଛି । ପୀଡିତା ମହିଳାଙ୍କୁ ୨୦ ଲକ୍ଷ ଟଙ୍କା କ୍ଷତିପୂରଣ ଦେବା ସହ ଅଭିଯୁକ୍ତ ସୁରେଶ ବେହେରାଙ୍କୁ ତୁରନ୍ତ ଗିରଫ କରି ଉପଯୁକ୍ତ ଦଣ୍ଡରେ ଦଣ୍ଡିତ କରିବା ସହିତ ମନ୍ତ୍ରୀ ଅଶୋକ ପଣ୍ଡାଙ୍କୁ ବରଖାସ୍ତ ଛାତ୍ର କଂଗ୍ରେସ ଦାବି କରୁଛି ।
Post a Comment