ଆଇ. ଏମ. ଏସ ଓ ସମ୍ ହସପିଟାଲରେ ନୂତନ ଡାକ୍ତରୀ ଛାତ୍ରଛାତ୍ରୀଙ୍କ ସ୍ବାଗତ ଉତ୍ସବ

ଭୁବନେଶ୍ବର, ଆଜି ଶିକ୍ଷା ଓ ଅନୁସନ୍ଧାନ ସୋଆ) ପରିଚାଳିତ ଇନଷ୍ଟିଚ୍ୟୁଟ୍ ଅଫ ମେଡିକାଲ ସାଇନସେସ୍ ଆଣ୍ଡ ସମ୍ ହସପିଟାଲର ୧୪ ତମ ଏମ.ବି.ବି.ଏସ (୨୦୨ ୦-୨୧) ବ୍ୟାଚର ନୂତନ ଡାକ୍ତରୀ ଛାତ୍ରଛାତ୍ରୀ ମାନଙ୍କର ସାଗତ ଉତ୍ସବ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ସୋଆ କୁଳପତି ପ୍ରଫେସର ଡ. ଅଶୋକ କୁମାର ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଆଇ. ଏମ.ଏସ. ଆଣ୍ଡ ସମ୍ ହସପିଟାଲର ଡିନ୍ ପ୍ରଫେସର ଡ. ଗଙ୍ଗାଧର ସାହୁ, ଅଧ୍ୟକ୍ଷକ ପ୍ରଫେସର ଡ.୫ ପୁଷ୍ପରାଜ ସାମନ୍ତ ସିଂହାର, ଆଡିସନାଲ ଡିନ୍ ପ୍ରଫେସର ଡ. ଅଜୟ କୁମାର ଜେନା, ଆଡିସନାଲ ଡିନ ପରୀକ୍ଷା) ପ୍ରଫେସର ଡ. ରଚିତା ଷଡ଼ଙ୍ଗୀ, ଆଡିସନାଲ ସୁପରିଟେଣ୍ଡେଟ ପ୍ରଫେସର ଡ. ରାଜେଶ କୁମାର ଲେଙ୍କା ପ୍ରମୁଖ ଉପସ୍ଥିତ ରହି ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ।

ପ୍ରାରମ୍ଭରେ ଡିନ୍ ପ୍ରଫେସର ସାହୁ ତାଙ୍କ ସାଗତ ଭାଷଣ ମାଧ୍ୟମରେ ସୋଆ ସହିତ ଆଇ.ଏମ.ଏସ. ଆଣ୍ଡ ସମ୍ ହସପିଟାଲ ସମ୍ପର୍କରେ ବିସ୍ତୃତ ବିବରଣୀ ପ୍ରଦାନ କରିଥିଲେ । ଡାକ୍ତରୀ ଶିକ୍ଷା ପରି ମହାନ୍ ବୃତିର ସମଗ୍ର ବିଶ୍ବରେ ଥିବା ଚାହିଦା, ମହତ୍ ଓ ଗୁରୁତ୍ୱ ଉପରେ ଆଲୋକପାତ କରି ଅତିଥିମାନେ ସେମାନଙ୍କ ବକ୍ତବ୍ୟ ଉପସ୍ଥାପନ କରିଥିଲେ । ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ମାନଙ୍କ ମଧ୍ୟରେ ଚକ୍ଷୁ ବିଭାଗର ମୁଖ୍ୟ ପ୍ରଫେସର ଡ. ରମେଶ ଚନ୍ଦ୍ର ମହାପାତ୍ର ଓ ଫାର୍ମାକଲୋଜି ବିଭାଗୀୟ ମୁଖ୍ୟ ପ୍ରଫେସର ଡ. ସୁଧାଶୁ ଶେଖର ମିଶ୍ର ଉପସ୍ଥିତ ଥିଲେ । ଛାତ୍ରଛାତ୍ରୀମାନଙ୍କୁ ସେମାନଙ୍କ କର୍ତ୍ତବ୍ୟ ପାଳନ କରିବା ନେଇ ସାମୁହିକ ଶପଥ ପାଠ ମଧ୍ୟ ଅନୁଷ୍ଠିତ ହୋଇଥିଲା ।

ଅନ୍ୟମାନଙ୍କ ମଧ୍ୟରେ ଏମ.ଇ.ୟୁ କୋଡ଼ିନେଟର ପ୍ରଫେସର ଡ. ପ୍ରକାଶ କୁମାର ସାହୁଙ୍କ ସମେତ ଆନାଟୋମି ବିଭାଗର ପ୍ରଫେସର ଡ. ବିଜୟ କୁମାର ଦତ, ଫିଜିଓଲୋଜି ବିଭାଗୀୟ ମୁଖ୍ୟ ଡ. ଆରତୀ ମହାନ୍ତି, ବାୟୋକେମେଷ୍ଟ୍ରି ବିଭାଗୀୟ ମୁଖ୍ୟ ପ୍ରଫେସର ଡ. ଶୁଭଶ୍ରୀ ରାୟ ଓ କମ୍ୟୁନିଟି ମେଡିସିନ ବିଭାଗୀୟ ମୁଖ୍ୟ ପ୍ରଫେସର ଡ. ତ୍ରିଲୋଚନ ସାହୁ ମେଡିକାଲ ଶିକ୍ଷାର ଗୁରୁତ୍ବକୁ ନେଇ ଛାତ୍ରଛାତ୍ରୀମାନଙ୍କୁ ଅଭିଭାଷଣ ପ୍ରଦାନ କରିଥିଲେ । ପୂର୍ବରୁ ଏମ.ବି.ବି.ଏସ ଶିକ୍ଷା ପାଇଁ ଆଇ.ଏମ.ଏସ. ଆଣ୍ଡ ସମ୍ ହସପିଟାଲରେ ୧୫୦ଟି ସିଟ୍ ରହିଥିବା ବେଳେ ଚଳିତ ବର୍ଷ ଠାରୁ ଏହାକୁ ୨୫୦ କୁ ବୃଦ୍ଧି କରାଯାଇଛି।