ମୋଦିଙ୍କ ଗରିବ କଲ୍ୟାଣ ଯୋଜନା ମଧ୍ୟବିତ୍ତ ବର୍ଗଙ୍କ ପ୍ରତି ପ୍ରତାରଣା । ରାଷ୍ଟ୍ରୀୟ ମଧ୍ୟବିତ୍ତ ପରିବାର ମହାସଂଘ

ଭୁବନେଶ୍ୱର, ଦେଶରେ ଦେଖା ଦେଇଥିବା ମହାମାରୀ କରୋନା ଦେଶବାସୀଙ୍କ ପାଇଁ ଚିନ୍ତା ବଢ଼ାଇଛି । ଏହିଭଳି ଏକ ବିପତ୍ତି ସମୟରେ ସମସ୍ତ ଭାରତବାସୀ ସରକାରଙ୍କୁ ସହଯୋଗ କରିବା ସହିତ ସରକାରୀ ଆଇନ୍ କୁ ମାନିଛନ୍ତି । କିନ୍ତୁ ଭାରତ ସରକାର ସମସ୍ତ ଦେଶରେ ଏକ ନିର୍ଦ୍ଦିଷ୍ଟ ବର୍ଗ (ମଧ୍ୟବିତ୍ତ ଶ୍ରେଣୀ)କୁ ସାବତ ପୁଅ ଭଳି ବ୍ୟବହାର କରିବା ମଧ୍ୟବିତ୍ତ ବର୍ଗଙ୍କୁ ହତାଶ ଓ ଅସହାୟତା ମଧକୁ ଲେଠି ଦେଇଛି । ଏକ ପ୍ରେସ୍ ବିଜ୍ଞପ୍ତି ମାଧ୍ୟମରେ ରାଷ୍ଟ୍ରୀୟ ମଧ୍ୟବିତ୍ତ ମହାସଂଘର ସଭାପତି ପ୍ରଦୀପ ମିଶ୍ର ଭାରତ ସରକାରଙ୍କ ମଧ୍ୟବିତ୍ତ ବିରୋଧୀ ନୀତି ଓ ପକ୍ଷପାତିତାକୁ ନିନ୍ଦା କରିବା ସହିତ ମଧ୍ୟବିତ୍ତ ଶ୍ରେଣୀରେ ମୌଳିକ ଅଧିକାରକୁ ସରକାର କ୍ଷୁର୍ଣ କରିଥିବା ଅଭିଯୋଗ କରିଛନ୍ତି । 

ମୋଦି ସରକାର ଗରିବ କଲ୍ୟାଣ ଯୋଜନାରେ ୮୦ କୋଟି ଲୋକଙ୍କୁ ଦୁଇମାସ ପର୍ଯ୍ୟନ୍ତ ୫ କେଜି ମାଗଣା ରାସନ ଦେବା ସ୍ୱାଗତଯୋଗ୍ୟ ପଦକ୍ଷେପ । କିନ୍ତୁ ଭାରତ ବର୍ଷରେ ଗରିବଙ୍କ ବ୍ୟତୀତ ଭାରତରେ ରହୁଥିବା ନିମ୍ନ ମଧ୍ୟବିତ୍ତ ଓ ମଧ୍ୟବିତ୍ତ ବର୍ଗ ବି କରୋନା ମହାମାରୀରେ ଆର୍ଥିକ ସ୍ତରରେ କ୍ଷତିଗ୍ରସ୍ତ ହୋଇଛନ୍ତି । ଏହି ମଧ୍ୟବିତ୍ତ ଶ୍ରେଣୀର ଲୋକଙ୍କୁ ସରକାର ଅଣଦେଖା କରିବା ଆଉ ବିପଦ ସମୟରେ ସହଯୋଗ ନ କରିବା ଏକ ଅସାମ୍ବିଧାନିକ ନିଷ୍ପତ୍ତି । 

ଆଇନ୍ ଯଦି ସମସ୍ତ ପାଇଁ ସମାନ, ସମ୍ବିଧାନ ଯଦି ସମସ୍ତଙ୍କ ପାଇଁ ସମାନ ତେବେ ସହାୟତା କେବଳ ଗରିବମାନଙ୍କୁ ଦେବା ପ୍ରଧାନମନ୍ତ୍ରୀଙ୍କ ଏକ ଆତ୍ମପ୍ରଚାର ସର୍ବସ୍ ଓ ହିଟଲରି ଶାସନର ପ୍ରତୀକ । ମହାମାରୀ କରୋନା ସମୟରେ ସମସ୍ତ ବର୍ଗଙ୍କୁ ସମାନ ସହାୟତା ଦେବା ପାଇଁ ରାଷ୍ଟ୍ରୀୟ ମଧ୍ୟବିତ୍ତ ପରିବାର ମହାସଂଘ ପକ୍ଷରୁ ଭାରତ ସରକାରଙ୍କ ନିକଟରେ ଦାବି କରାଯାଇଛି ।