ଷ୍ଟିଲ ଉଦ୍ୟୋଗ ଦ୍ୱାରା ଦେଶରେ ୧୦ ହଜାର ଅକ୍ସିଜେନ ସଂଯୁକ୍ତ ଶଯ୍ୟା ପ୍ରତିଷ୍ଠା ହେଉଛି - ଧର୍ମେନ୍ଦ୍ର ପ୍ରଧାନ

ନୂଆଦିଲ୍ଲୀ/ ଭୁବନେଶ୍ବର, କୋଭିଡ୍୧୯ ମହାମାରୀକୁ ଦୃଢ଼ତାର ସହ ଲଢ଼ିବା ଦିଗରେ ଇସ୍ପାତ୍ ଶିର ଭୂମିକା ଏବଂ ଯୋଗଦାନ ଉପରେ ଶୁକ୍ରବାର ସରକାରୀ ଏବଂ ଘରୋଇ ଇସ୍ପାତ୍ ଶିଳ୍ପର ମୁଖ୍ୟ ଓ ଅଧିକାରୀ ମାନଙ୍କ ସହ ଏକାଧୁକ ବୈଠକ କରି ବିସ୍ତୃତ ଭାବେ ଆଲୋଚନା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଇସ୍ପାତ୍ ଉଦ୍ୟାଗ ଦେଶରେ ୧୦ ହଜାର ଅକ୍ସିଜେନ ସଂଯୁକ୍ତ ଶଯ୍ୟ ପ୍ରତିଷ୍ଠା କରୁଛନ୍ତି ବୋଲି ଶ୍ରୀ ପ୍ରଧାନ ସୂଚନା ଦେଇଛନ୍ତି ।

ଇସ୍ପାତ୍ ରାଷ୍ଟ୍ରାୟତ ଉଦ୍ୟୋଗ ସେଲ୍, ରାଷ୍ଟ୍ରୀୟ ଇସ୍ପାତ୍ ନିଗମ ଲିମିଟେଡ୍‌(ଆରଆଇଏନଏଲ), ନ୍ୟାସନାଲ ମିନେରାଲ ଡେଭଲପମେଟ୍ କର୍ପୋରେସନ(ଏନଏମଡସି), ମୋଏଲ ଦ୍ବାରା କୋଭିଡ୍ ସଂକ୍ରମିତ ରୋଗୀଙ୍କ ପାଇଁ ୫ ହଜାର ଅକ୍ସିଜେନ୍ ସଂଯୁକ୍ତ ଶଯ୍ୟା ପ୍ରତିଷ୍ଠା କରାଯାଉଛି । ଅନୁରୂପ ଭାବରେ ଟାଟା ଷ୍ଟିଲ, ଆନ୍ସିଲର ମିତଲ ନିପନ ଷ୍ଟିଲ, ଜେଏସଡବୁ ଷ୍ଟିଲ, ଜିନ୍ଦଲ ଷ୍ଟିଲ ଦ୍ବାରା ଗ୍ୟାସ ଅକ୍ସିଜେନ ସଂଯୁକ୍ତ ୫ ହଜାର ଶଯ୍ୟ ଏପରି ମୋଟ ୧୦ ହଜାର ଶଯ୍ୟ ପ୍ରତିଷ୍ଠା ହେବ ବୋଲି ଏହି ବୈଠକ ପରେ ଶ୍ରୀ ପ୍ରଧାନ କହିଛନ୍ତି ।

ଷ୍ଟିଲ ପ୍ଲାଟରୁ ମେଡ଼ିକାଲ ଅକ୍ସିଜେନ ଯୋଗାଣକୁ ବଢ଼ାଇବା ତଥା ପ୍ଲାଟରୁ ହସ୍ପିଟାଲ ଗୁଡ଼ିକୁ ସିଧାସଳଖ ଅକ୍ସିଜେନ ଯୋଗାଇ ଦେବା ପାଇଁ ସବୁପ୍ରକାର ପଦକ୍ଷେପ ନେବାକୁ ସରକାରୀ ଏବଂ ଘରୋଇ ଇସ୍ପାତ୍ ଶିର ମୁଖ୍ୟ ଓ ଅଧିକାରୀ ମାନଙ୍କୁ ପରାମର୍ଶ ଦେବା ସହ ସ୍ୱାସ୍ଥ୍ୟସେବା ଭିତିଭୂମିକୁ ସୁଦୃଢ଼ କରିବା ପାଇଁ ଅକ୍ସିଜେନ ସଂଯୁକ୍ତ ଶଯ୍ୟା ସହ ବୃହତ କୋଭିଡ୍ କେୟାର ସୁବିଧା ନିର୍ମାଣ କରିବା ପାଇଁ ଆହ୍ବାନ କରିଛନ୍ତି ।