ବିଧାନସଭାରେ ନେଭାର କାର୍ଯ୍ୟକାରିତା ଉପରେ ସମୀକ୍ଷା ବୈଠକ ଅନୁଷ୍ଠିତ

ଭୁବନେଶ୍ୱର, ବିଧାନସଭାରେ ନେଭାର କାର୍ଯ୍ୟକାରିତା ଉପରେ ଏକ ସମୀକ୍ଷା ବୈଠକ ଆଜି ବାଚସ୍ପତି ଡ. ସୂର୍ଯ୍ୟନାରାୟଣ ପାତ୍ରଙ୍କ ଅଧ୍ୟକ୍ଷତାରେ ବାଚସ୍ପତିଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଅନୁଷ୍ଠିତ ହୋଇଯାଇଛି । ନେଭ । କାର୍ଯ୍ୟକ୍ରମ ଅନ୍ତର୍ଗତ ନୂଆ ଭିଡ଼ିଓ କନ୍‌ଫରେନ୍ସ ହଲ୍ ତୁରନ୍ତ ନିର୍ମାଣ ପାଇଁ ବାଚସ୍ପତି ଡ. ପାତ୍ର ନିର୍ଦ୍ଦେଶ ଦେଇଛନ୍ତି । ନୂତନ ଜ୍ଞାନକୌଶଳରେ ନିର୍ମିତ ହେବାକୁ ଥିବା ଏହି ଭିଡ଼ିଓ କଫରେଟିଂ ହଲ୍‌ରେ ୫୦ ଜଣ ସଦସ୍ୟ ବସିବା ବ୍ୟବସ୍ଥା ରହିବା ସ୍ଥଳେ ଅନ୍ୟାନ୍ୟ ଅତ୍ୟାଧୁନିକ ସୁବିଧାସୁଯୋଗ ଯୋଗାଇ ଦିଆଯିବ । ଏଥିପାଇଁ ପରିବର୍ତ୍ତିତ ପ୍ରକଳ୍ପ ରିପୋର୍ଟ ନୂଆଦିଲ୍ଲୀସ୍ଥିତ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରାଳୟକୁ ପ୍ରଦାନ କରିବା ପାଇଁ ବାଚସ୍ପତି ନିର୍ଦ୍ଦେଶ ଦେଇଛନ୍ତି । 

ଲନ୍ ଓ ୱାଇ-ଫାଇ ସଂଯୋଗୀକରଣ ବାବଦରେ ବିନିଯୋଗ ହୋଇଥିବା ୧ କୋଟି ୯୩ ଲକ୍ଷ ଟଙ୍କାର ବିନିଯୋଗ ପ୍ରମାଣପତ୍ର ଦାଖଲ କରିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଥିଲା । ଉକ୍ତ ବୈଠକରେ ବିଧାନସଭା ସଚିବ ଦାଶରଥୀ ଶତପଥୀ, ସୂଚନା ପ୍ରଯୁକ୍ତି ବିଭାଗ ସ୍ବତନ୍ତ୍ର ସଚିବ ମନୋଜ ପଟ୍ଟନାୟକ, ଉପଶାସନ ସଚିବ ସେବାନନ୍ଦ ଦୋରା, ଜାତୀୟ ସୂଚନା ପ୍ରଯୁକ୍ତି ବିଦ୍ୟା ବୈଷୟିକ ନିର୍ଦ୍ଦେଶକ ସରିତା ସାହୁ, ଓକାକ୍‌ର ବରିଷ୍ଠ ପରାମର୍ଶଦାତା ସୁଦୀପ୍ତ ସାମନ୍ତ , ଓକାକ୍‌ର ବରିଷ୍ଠ ବୈଜ୍ଞାନିକ ଦିଲ୍ଲୀପ ମାନ୍ଧାତା ପ୍ରମୁଖ ଯୋଗ ଦେଇଥିଲେ ।