ଡେଙ୍ଗୁ ରୋଗକୁ ମହାମାରୀ ଭାବେ ଘୋଷଣା କରି ମାଗଣାରେ ସ୍ୱାସ୍ଥ୍ୟ ସେବା ଯୋଗଇ ଦିଅନ୍ତୁ ରାଜ୍ୟ ସରକାର

ଭୁବନେଶ୍ଵର, ପ୍ରଥମେ ମହାମାରୀ କରୋନା ଏବଂ ବର୍ତ୍ତମାନ ଡେଙ୍ଗୁ କାରଣରୁ ରାଜଧାନୀ ବାସିନ୍ଦା ଏବେ ଭୟଭୀତ ଅବସ୍ଥାରେ ଅଛନ୍ତି । ରାଜଧାନୀରେ କରୋନା ପରେ ଡେଙ୍ଗୁ ଜ୍ବର ଏକ ବଡ ସମସ୍ୟା ପାଲଟିଛି । କିନ୍ତୁ ଦୁର୍ଭାଗ୍ୟର କଥା ବିଏମସି ଏ ଦିଗରେ କୌଣସି ପଦକ୍ଷେପ ନନେଇ ଚୁପ୍ ବସିଛି । ଡେଙ୍ଗୁକୁ ନିୟନ୍ତ୍ରଣ କରିବା ପାଇଁ ପ୍ରତିବର୍ଷ ବର୍ଷାଦିନ ପୂର୍ବରୁ ଗୋଟିଏ ପ୍ରସ୍ତୁତି ବୈଠକ ହୁଏ ଏବଂ ସେହି ପ୍ରସ୍ତୁତିରେ ସଲିଡ୍ ୱେଷ୍ଟ ଓ । ଲିକ୍ୟୁଡ୍ ୱେଷ୍ଟର କିପରି ସ୍ଥାନାନ୍ତରିତ କରାଯିବ ସେ ନେଇ ପଦକ୍ଷେପ ଗ୍ରହଣ କରାଯାଏ । କିନ୍ତୁ ଏବର୍ଷ କରୋନାର ଆଳରେ ବିଏମସିର ଅଧୁକାରୀ । ମାନେ ତାହା କଲେ ନାହିଁ । ଆଜି ବ୍ୟାପୁଥିବା ଡେଙ୍ଗୁ ଜ୍ବର ସଂପୂର୍ଣ୍ଣଭାବେ ମନୁଷ୍ୟକୃତ ଏବଂ ସରକାର ଏହାକୁ ନିଜେ ସୃଷ୍ଟି କରିଛନ୍ତି । ମଶା ସୃଷ୍ଟି ହେଉଥିବା ସ୍ଥାନ ଗୁଡିକୁ ହଟସ୍ପଟ୍ କହି ଚିହ୍ନଟ କରି ମଶାର ଲାର୍ଭାକୁ ମାରିବା ନେଇ କୌଣସି ବ୍ୟବସ୍ଥା ହେଲା ନାହିଁ । 

ଟାୟାର ଦୋକାନ, ପଇଡ । ଦୋକାନ, କବାଡି ଦୋକାନ ଭଳି ଜାଗା ଗୁଡିକୁ ଚିହ୍ନଟ କରି ସଫେଇ କରିବା ସହିତ ବିଶେଷ ମଶାମରା ଟ୍ରିଟମେଟ୍ କରାଯାଏ ତାହା ହୋଇନାହିଁ । ମଶାଧୂଆଁ ଛାଡିବା, ମଶା ତେଲ ପକାଇବା ଆଦି କାର୍ଯ୍ୟ ବିଏମସି କରିନାହିଁ । ଯାହା ଫଳରେ ଡେଙ୍ଗୁ ମହାମାରୀ ବ୍ୟାପକ ହେବାରେ ଲାଗିଛି । ସର୍ବୋପରି ପ୍ରତି ଘରକୁ ଘର ଯାଇ ସର୍ଭେ କରି ଯେଉଁ ସଚେତନତା କରିବା କଥା ତାହା ମଧ୍ୟ ବିଏମସି କରି ନାହିଁ । ପ୍ରତିବର୍ଷ ସଚେତନତା ପାଇଁ ଯେଉଁ ଅର୍ଥ ରାଜ୍ୟ ସରକାରଙ୍କ ପକ୍ଷରୁ ଆସେ ଚଳିତ ବର୍ଷ ସେହି ଅର୍ଥକୁ ମଧ୍ୟ ବିଏମସି ହରି ଲୁଟ୍ କରିଛି । ପରିମଳ ଯୋଜନାରେ କୋଟି କୋଟି ଟଙ୍କା ବ୍ୟୟ କରାଯାଉଛି । କିନ୍ତୁ ଏହାର ଲାଭ ରାଜଧାନୀବାସୀ ନୁହେଁ ବରଂ କିଛି ହାତଗଣତି କମ୍ପାନୀ ଉଠାଉଛନ୍ତି ବୋଲି ଜିଲ୍ଲା ସଭାପତି ବାବୁ ସିଂ ଅଭିଯୋଗ କରିଛନ୍ତି ।

ମହାନଗର ନିଗମରେ କେତୋଟି ଡିଫା ମେସିନ୍ ଅଛି ? ଡିଫା ମେସିନ୍ ଦ୍ଵାରା ଯେଉଁ ମଶା ଧୂଆଁ ଛଡାଯାଏ ତାହା ସହର ମାନଙ୍କରେ ଆଉ ଦେଖାଯାଉନାହିଁ । ତା ମଧ୍ୟରେ କେତୋଟି କାର୍ଯ୍ୟକ୍ରମ ହୋଇଛି ବୋଲି ଶ୍ରୀ ମହାନ୍ତି ପ୍ରଶ୍ନ କରିଛନ୍ତି । ଭୁବନେଶ୍ବର ସମେତ ରାଉରକେଲାରେ ବି ଡେଙ୍ଗୁ ବ୍ୟାପିଲାଣି । ଏଥିପାଇଁ ରାଜ୍ୟ ସରକାରଙ୍କର ନଗର ଉନ୍ନୟନ ବିଭାଗ ଏବଂ ସ୍ବାସ୍ଥ୍ୟ ବିଭାଗ ଦାୟୀ । ଅନ୍ୟପଟେ ଡେଙ୍ଗୁ ରୋଗରେ ରୋଗୀଙ୍କ ମୃତ୍ୟୁ ହେଲେ ବି ବିଏମସି ଓ ରାଜ୍ୟ ସରକାର ବାସ୍ତବତାକୁ ସ୍ବୀକାର ନକରିବା ଅତ୍ୟନ୍ତ ଦୁର୍ଭାଗ୍ୟଜନକ ଓ ନିନ୍ଦନୀୟ ଘଟଣା ବୋଲି ଶ୍ରୀ ସିଂ ଅଭିଯୋଗ କରିଛନ୍ତି । କୋଭିଡ ପରି ଡେଙ୍ଗୁ ରୋଗକୁ ମହାମାରୀ ଭାବେ ଘୋଷଣା କରାଯାଉ । ରାଜଧାନୀରେ ଏଥିପାଇଁ ଏକ ସ୍ବତନ୍ତ୍ର କଂଟ୍ରୋଲ ରୁମ ଖୋଲାଯାଉ । 

ଟେଷ୍ଟ୍ ସଂଟରକୁ ମଧ୍ୟ ପର୍ଯ୍ୟାପ୍ତ କରାଯାଉ । ଡେଙ୍ଗୁ ପାଇଁ ସ୍ବତନ୍ତ ହେଡେକ୍ସ ଖୋଲାଯାଉ । ବିଏମସି ହେଲପଲାଇନ୍ ନମ୍ବର ଗୋଟିଏ ଘୋଷଣା କରୁ । ଡେଙ୍ଗୁ ଟେଷ୍ଟି କିଟ୍ କୁ ପର୍ଯ୍ୟାପ୍ତ ପରିମାଣରେ ସରକାରୀ ହସ୍ପିଟାଲରେ ରଖାଯାଉ । କୋଭିଡ ପରି ଡେଙ୍ଗୁ ଚିକିତ୍ସାକୁ ମାଗଣାରେ ଯୋଗାଇ ଦିଆଯାଉ । ଆବଶ୍ୟକତା ଅନୁସାରେ ରକ୍ତଭଣ୍ଡାରକୁ ମଧ୍ୟ ପ୍ରସ୍ତୁତ ରଖ୍ ଡେଙ୍ଗୁ ରୋଗୀଙ୍କୁ ସ୍ୱତନ୍ତ ସ୍ବାସ୍ଥ୍ୟସେବା ଯୋଗାଇବା ପାଇଁ । ଶ୍ରୀ ସିଂ ଦାବି କରିଛନ୍ତି । କୋଭିଡର ସମସ୍ତ ନିୟମ ପାଳନ କରି ଭବ୍ଲିଆଲ ମାଧ୍ୟମରେ ଡେଙ୍ଗୁ ସଚେତନତା ପାଇଁ କନସଭା କରିବ ଜିଲ୍ଲା ବିଜେପି । ସହରାଂଚଳର ପ୍ରତ୍ୟେକ ୱାର୍ଡରେ ବିଭିନ୍ନ ଛକ, ବଜାର ଏବଂ ଲୋକଗହଳି ସ୍ଥାନ ଗୁଡିକରେ ସଚେତନତାର କାର୍ଯ୍ୟକ୍ରମ କରାଯିବ । ୱାର୍ଡରେ ଥିବା ପ୍ରତ୍ୟେକ ଘରକୁ ଯାଇ ସଚେତନତା ସହିତ ସଫେଇ କାର୍ଯ୍ୟକ୍ରମ କରାଯିବ । 

ଯେତେବେଳେ ସରକାର ସ୍ଥାଣୁ ପାଲଟିଛନ୍ତି ସେତେବେଳେ ଭାରତୀୟ ଜନତାପାର୍ଟି ଲୋକଙ୍କୁ ସଚେତନତା କରିବା ସହିତ ସେବା ଓ ଚିକିତ୍ସାର ଦାୟିତ୍ବ ନେବବୋଲି ଶ୍ରୀ ସିଂ କହିଛନ୍ତି । ବର୍ଷା ଦିନ ପାଇଁ ବିଏମସିର କୌଣସି ପ୍ରାକ୍‌ ପ୍ରସ୍ତୁତି ନଥିଲା । ନାଳ ନର୍ଦ୍ଦମା ଅପରିଷ୍କାର ହୋଇ ପଡି ରହିବା ଯୋଗୁଁ ଡେଙ୍ଗୁ ଜ୍ବର ଭୟଙ୍କର ଭାବେ ବ୍ୟାପି ଚାଲିଛି । ଦୁର୍ଭାଗ୍ୟର କଥା ଭୁବନେଶ୍ବର ମହାନଗର ନିଗମ ମହାନଗର ନିଗମ ଏବଂ ରାଜ୍ୟ ସରକାରଙ୍କର ସ୍ବାସ୍ଥ୍ୟ ବିଭାଗ ଡେଙ୍ଗୁ ରୋକିବାରେ ଅନେକ ଅବହେଳା କରି ଆସୁଛନ୍ତି । ଜିଲ୍ଲା ବିଜେପି ପକ୍ଷରୁ ପ୍ରତିବାଦ କରିବା ଏବଂ ସ୍ମାରକ ପତ୍ର ପ୍ରଦାନ କରିବା ପରେ ବି ବିଏମସି ଓ ସ୍ବାସ୍ଥ୍ୟ ବିଭାଗ ଅଚିନ୍ତା ନିଦରେ ଶୋଇଛନ୍ତି । ସରକାର ଚାରିପାଦ ଆଗରେ ରହି ଯେପରି ଟିକସ ଆଦାୟ କରୁଛନ୍ତି ସେହିପରି ଢଙ୍ଗରେ ରାଜଧାନୀ ବାସୀଙ୍କୁ ସ୍ବାସ୍ଥ୍ୟ ସେବା କାହିଁକି ଯୋଗାଇ ପାରୁନାହାଁନ୍ତି ବୋଲି ରାଜ୍ୟ ମୁଖପାତ୍ର ଶ୍ରୀ ଦିଲୀପ ମହାନ୍ତି ପ୍ରଶ୍ନ କରିଛନ୍ତି ।

ଏହି ସାମ୍ବାଦିକ ସମ୍ମିଳନୀରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ପ୍ରଧାନ, ପୂର୍ବତନ ଭୁବନେଶ୍ବର ଜିଲ୍ଲା ସଭାପତି ଓ କାର୍ଯ୍ୟକାରିଣୀ ସଦସ୍ୟ ହରେକୃଷ୍ଣ ଖୁଟିଆ, ଜିଲ୍ଲା ସାଧାରଣ ସମ୍ପାଦକ ହିଂମାଶୁ ଛୋଟରାୟ ଓ ଅଭିଷେକ ଆଚାର୍ଯ୍ୟ, ମଣ୍ଡଳ ସଭାପତି ସୁରେନ୍ଦ୍ର ପ୍ରଧାନ, ଅମରଜ୍ୟୋତି ଜଗଦେବ, ଅରୁଣ ପୁରୋହିତ, ରାମରଣ ସିଂହ, ଜଗନ୍ନାଥ ବେହେରା, ସନ୍ତୋଷ ଜେନା, ଫିରୋଜ ଖାନ୍, ଶଶୀପ୍ରଭା ରଥ, ଅଂଜନ ନାଥ, ଦାଦୋର ବେହେରା, ଯତୀନ୍ଦ୍ର ମହାନ୍ତି ଓ ବିଜୟ କୁମାର ରାଉତ ପ୍ରମୁଖ ଉପସ୍ଥିତ ଥିଲେ ।