ରାଜଧାନୀ ଉପକଣ୍ଠ ଏକାମ୍ର ନିର୍ବାଚନ ମଣ୍ଡଳୀରେ ବିଜେପି ପାଇଁ ମାରାଥନ ପ୍ରଚାର କଲେ ବାବୁ ସିଂ

ଭୁବନେଶ୍ୱର, ରାଜଧାନୀ ଉପକଣ୍ଠ ଏକାମ୍ର ନିର୍ବାଚନ ମଣ୍ଡଳୀର ୬ଟି ପଞ୍ଚାୟ ଟିକରପଡ଼ା, ଧଉଳି, ଇଟିପୁର, ଶିଶୁପାଳଗଡ଼,ଲିଙ୍ଗିପୁର,ବାସୁଆଘାଇ ପଞ୍ଚାୟତର ବିଭିନ୍ନ ଗ୍ରାମରେ ଭାରତୀୟ ଜନତା ପାର୍ଟିର ୨୯ ନମ୍ବର ଜୋନ ଜିଲ୍ଲା ପରିଷଦ ପ୍ରାର୍ଥୀ ସୁଜିତ କୁମାର ବଳବନ୍ତରାୟ ଓ ବିଜେପି ସମର୍ଥିତ ସରପଞ୍ଚ,ସମିତି ସଭ୍ୟ, ୱାର୍ଡ ମେମ୍ବର ପ୍ରାର୍ଥୀଙ୍କ ପାଇଁ ପ୍ରଚାର କରିଥିଲେ ଭୁବନେଶ୍ଵର ସାଙ୍ଗଠନିକ ଜିଲ୍ଲା ସଭାପତି ତଥା ଏକାମ୍ର ନିର୍ବାଚନ ମଣ୍ଡଳୀ ର ବିଜେପି ବିଧାୟକ ପ୍ରାର୍ଥୀ ବାବୁ ସିଂ । 

ଏହି ଅବସରରେ ବିଭିନ୍ନ ପଞ୍ଚାୟତର ସ୍ଥାନୀୟ ଜନସାଧାରଣ ବହୁତ ଆନନ୍ଦର ସହ ସ୍ବାଗତ କରି ସମର୍ଥନ ଜଣାଇଥିଲେ।ରୋଡ ସୋ ଓ ଘରକୁ ଘର ବୁଲି ସୁଜିତ କୁମାର ବଳବନ୍ତରାୟ ଓ ବିଜେପି ସମର୍ଥିତ ସରପଞ୍ଚ, ସମିତି ସଭ୍ୟ, ୱାର୍ଡ ମେମ୍ବର ପ୍ରାର୍ଥୀମାନଙ୍କୁ ବିପୁଳ ଭୋଟ୍ ରେ ବିଜୟୀ କରିବା ପାଇଁ ବାବୁ ସିଂ ସମସ୍ତ ପଞ୍ଚାୟବାସୀ ଙ୍କୁ ନିବେଦନ କରିଥିଲେ। ଦୀର୍ଘ ଦିନ ଧରି ବିଜୁ ଜନତା ଦଳର ଅତ୍ୟାଚାର ଓ ଦୁର୍ନୀତି ରେ ଅତିଷ୍ଟ ହୋଇ ପଡ଼ିଥିବା ପଞ୍ଚାୟତ ବାସୀ ଭାରତୀୟ ଜନତା ପାର୍ଟି କୁ ବିପୁଳ ପରିମାଣରେ ସମର୍ଥନ ଜଣାଇଥିଲେ । 

ଭୁବନେଶ୍ୱର ଉପକଣ୍ଠରେ ରହିଲେ ମଧ୍ୟ ଏକାମ୍ର ନିର୍ବାଚନ ମଣ୍ଡଳୀର ସମସ୍ତ ପଞ୍ଚାୟତ ଆଜିବି ମୌଳିକ ସୁବିଧା ପାଇବାରୁ ଅନେକ ଅଞ୍ଚଳ ବଞ୍ଚିତ ହୋଇରହିଛି ଏଣୁ ଆଗାମୀ ନିର୍ବାଚନରେ ଏହାର ଜବାବ ବିଜୁ ଜନତା ଦଳ କୁ ଜନ ସାଧାରଣ ଦେବେ ବୋଲି ଶ୍ରୀ ସିଂ କହିଛନ୍ତି। ଏହି ପ୍ରଚାର ରେ ଗ୍ରାମୀଣ ମଣ୍ଡଳ ସଭାପତି ଅରୁଣ ପୁରୋହିତ ଙ୍କ ସହ ସ୍ଥାନୀୟ ନେତୃତ୍ବ,ଯୁବ ମୋର୍ଚ୍ଚା, ମହିଳା ମୋର୍ଚ୍ଚାର କର୍ମୀ ଉପସ୍ଥିତ ରହି । ପ୍ରାର୍ଥୀ ଙ୍କ ମନୋବଳ କୁ ସୁଦୃଢ କରିବା ସହ ଭୋଟ ଭିକ୍ଷା କରିଲେ।।