ସୁନ୍ଦରଗଡ଼ରେ ଆଦିବାସୀ ବିଶ୍ବବିଦ୍ୟାଳୟ ପ୍ରତିଷ୍ଠା ହିଁ ହେମାନନ୍ଦ ବିଶ୍ବାଳଙ୍କ ପ୍ରତି ଶ୍ରେଷ୍ଠ ଶ୍ରଦ୍ଧାଞ୍ଜଳି

ଭୁବନେଶ୍ୱର,ପୂର୍ବତନ ମୁଖ୍ୟମନ୍ତ୍ରୀ ତଥା ବିଶିଷ୍ଟ ଜନନେତା ହେମାନନ୍ଦ ବିଶ୍ବାଳ ସମାଜର ଅବହେଳିତ ତଥା ତଳସ୍ତରରେ ଥିବା ଆଦିବାସୀ, ଦଳିତ, ପଛୁଆ ଶ୍ରେଣୀ ଏବଂ କୃଷକ ତଥା ଗରିବ ମଣିଷଙ୍କ ସାମ୍ବିଧାନିକ ଅଧିକାର ସାବ୍ୟସ୍ତ ପାଇଁ ଜୀବନର ଶେଷ ସମୟ ପର୍ଯ୍ୟନ୍ତ ସଂଗ୍ରାମ କରିଯାଇଛନ୍ତି ଓ ତାଙ୍କର ଇଚ୍ଛାମୁତାବକ ଆଦିବାସୀ ଅଧୁଷିତ ପଛୁଆ ଜିଲ୍ଲା ସୁନ୍ଦରଗଡ଼ରେ ଜାତୀୟ ଆଦିବାସୀ ବିଶ୍ବବିଦ୍ୟାଳୟର ଆଞ୍ଚଳିକ ଶାଖା ପ୍ରତିଷ୍ଠା କରାଗଲେ ଏହା ତାଙ୍କ ପ୍ରତି ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ ବୋଲି ଆଜି ଅପରାହ୍ନରେ ଉତ୍କଳ ବିକାଶ ଯୁବ ପରିଷଦ । ପକ୍ଷରୁ ମତବ୍ୟକ୍ତ କରାଯାଇଅଛି । ଗତ ଦୁଇ ଦଶନ୍ଧି ଧରି ହେମାନନ୍ଦ ବିଶ୍ବାଳ ଉତ୍କଳ ବିକାଶ ଯୁବପରିଷଦର ମୁଖ୍ୟ ଉପଦେଷ୍ଟା ତଥା ଗତ ଆଠ ବର୍ଷ ଧରି ଅନୁଷ୍ଠିତ ହେଉଥିବା ନେତାଜୀ ସୁଭାଷ ଜନ୍ମମାଟିରୁ ଯୁଦ୍ଧଭୂମି ଯାତ୍ରାର ମୁଖ୍ୟ ପୃଷ୍ଠପୋଷକ ରହିଆସିଥିଲେ । 

ତାଙ୍କ ବିୟୋଗରେ ସମଗ୍ର ଓଡ଼ିଶା ମଣିଷକୁ ଭଲ ପାଉଥିବା ଜଣେ ସଚୋଟ । ନିଷ୍ଠାପର ଯୁବପ୍ରେମୀ ଜନଦରଦୀ ନେତା ତଥା ଭଲ ମଣିଷକୁ ହରାଇଲା । ସୁନ୍ଦରଗଡ଼ ଲୋକସଭା ସଦସ୍ୟ ଥିବା । ସମୟରେ ସୁନ୍ଦରଗଡ଼ଠାରେ ଜାତୀୟ ଆଦିବାସୀ ବିଶ୍ବବିଦ୍ୟାଳୟ ଆଞ୍ଚଳିକ ଶାଖା ପ୍ରତିଷ୍ଠା ନିମନ୍ତେ ସେ ଆପ୍ରାଣେ ଉଦ୍ୟମ କରିଥିଲେ । ଏପରିକି ତତ୍କାଳୀନ୍ କେନ୍ଦ୍ର ସରକାର ତାଙ୍କ ଦାବି ପ୍ରତି ନୀତିଗତ ଭାବେ ସକରାତ୍ମକ ପଦକ୍ଷେପ ନେବାପାଇଁ ନିଷ୍ପତ୍ତି ଗ୍ରହଣ କରିଥିଲେ । 

ତୃଣମୂଳ ସ୍ତରରୁ ରାଜ୍ୟର ସର୍ବୋଚ୍ଚ ପଦବୀ ମଣ୍ଡନ କରିଥିବା ସ୍ବର୍ଗତ ବିଶ୍ଵାଳ ପେଶାରେ ଥିଲେ ଜଣେ କୃଷକ । ଏଣୁ ତାଙ୍କ ଆମ୍ବା ଚାଷୀ ଓ ଆଦିବାସୀଙ୍କର ସାମାଜିକ, ଆର୍ଥିକ ଓ ଶିକ୍ଷାଗତ ବିକାଶ ଦିଗରେ ବ୍ୟାକୁଳିତ ହେଉଥିଲା । ଏହି ବିଶ୍ବବିଦ୍ୟାଳୟ ଶାଖା ପ୍ରତିଷ୍ଠା ହେଲେ ତାଙ୍କ ଆମ୍ବା ପ୍ରତି । ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ ବୋଲି ଆଜି ଶ୍ରଦ୍ଧାଞ୍ଜଳି ସଭାରେ ଦେବୀ ପ୍ରସାଦ ପୃଷ୍ଟି, ଅରୁଣ ଜେନା, ମନୋରଂଜନ ନାୟକ ଓ ସୋମା କର୍ମକାର ପ୍ରମୁଖ ବକ୍ତବ୍ୟ ରଖୁଥିଲେ । ପ୍ରାରମ୍ଭରେ ସ୍ବର୍ଗତ ବିଶ୍ବାଳଙ୍କର ପୂର୍ଣ୍ଣାଙ୍ଗ ଫଟୋ ଚିତ୍ରରେ ସମୂହ ମାଲ୍ୟାର୍ପଣ କରାଯାଇ ତାଙ୍କ ଅମର ଆତ୍ମାର ସଦ୍‌ଗତି ପାଇଁ ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା ।