ପିଏନ୍‌ବି ଆଞ୍ଚଳିକ ମୁଖ୍ୟ ଓ ଉପ-ଆଞ୍ଚଳିକ ମୁଖ୍ୟଙ୍କୁ ଭବ୍ୟ ସ୍ୱାଗତ

ଭୁବନେଶ୍ୱର, ୪ ମଇ  ୨୦୨୪

ସର୍ବଭାରତୀୟ ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ ଅଧିକାରୀ ସଂଘ (ଏଆଇପିଏନ୍‌ବିଓଏ) ଭୁବନେଶ୍ୱର ପକ୍ଷରୁ ସାଧାରଣ ସମ୍ପାଦକ ବୈଲୋଚନ ସାହୁଙ୍କ ନେତୃତ୍ୱରେ ବ୍ୟାଙ୍କର ଭୁବନେଶ୍ୱର ଅଞ୍ଚଳର ନୂତନ ଆଞ୍ଚଳିକ ପ୍ରବନ୍ଧକ ତଥା ମହାପ୍ରବନ୍ଧକ ରାଜେଶ କୁମାର, ଉପ-ଆଞ୍ଚଳିକ ପ୍ରବନ୍ଧକ ତଥା ଉପ-ମହାପ୍ରବନ୍ଧକ କ୍ଷେତ୍ରବାସୀ ମିଶ୍ରଙ୍କୁ ସ୍ୱାଗତ କରାଯାଇଛି । ଏହି କାର୍ଯ୍ୟକ୍ରମକୁ ସମ୍ବୋଧିତ କରିବା ଅବସରରେ ନୂତନ ଆଞ୍ଚଳିକ ମୁଖ୍ୟ ରାଜେଶ କୁମାର ରାଜ୍ୟ ଅର୍ଥନୀତିରେ ଲଲ୍ଲେଖନୀୟ ଅବଦାନ ପାଇଁ ବ୍ୟାଙ୍କର ବିସ୍ତୃତ ନିର୍ଦ୍ଦେଶାବଳୀ ସହ ସାଲିସ ନକରି ସ୍ଥାୟୀ ବ୍ୟବସାୟ ଅଭିବୃଦ୍ଧି ଉପରେ ଗୁରୁତ୍ୱାରୋପ କରିଥିଲେ । ଊପ-ଆଞ୍ଚଳିକ ମୁଖ୍ୟ ଶ୍ରୀ ମିଶ୍ର ମଧ୍ୟ ସମାନ ଭାବେ ଏହି ବକ୍ତବ୍ୟ ପ୍ରଦାନ କରିଥିଲେ । କାର୍ଯ୍ୟକ୍ରମ ଅବସରରେ ସଂଘ ପକ୍ଷରୁ ସହାୟକ ମହାପ୍ରବନ୍ଧକ ଏନ୍ ଖଟାଇ ଏବଂ ସଂଘର ସଭାପତି ପି.କେ ଦଳାଇ ଉପସ୍ଥିତ ଥିଲେ । ଭୁବନେଶ୍ୱର ମଣ୍ଡଳର ମଣ୍ଡଳ ମୁଖ୍ୟ କାର୍ଯ୍ୟକ୍ରମରେ ଉପସ୍ଥିତ ରହି ନିଜର ବକ୍ତବ୍ୟ ପ୍ରଦାନ କରିଥିଲେ । ସଂଘର ନୂତନ ସଭାପତି ରୋସନ କୁମାର ରାୟ କାର୍ଯ୍ୟକ୍ରମର ଅଧ୍ୟକ୍ଷତା କରିଥିଲେ । ଦୀପକ ପ୍ରଧାନ, ସର୍କଲ ସେକେ୍‌୍ରଟାରୀ, କଟକ ଏବଂ ଗୈାର କିଶୋର ମିଶ୍ର, ସର୍କଲ ପ୍ରେସିଡେଣ୍ଟ, କଟକ କାର୍ଯ୍ୟକ୍ରମରେ ଯୋଗଦେଇ ଏହାର ଶୋଭାବର୍ଦ୍ଧନ କରିଥିଲେ । ସଂଯୋଗ କୁମାର ଦାଶ ଧନ୍ୟବାଦ ଅର୍ପଣ କରିଥିଲେ ।